Mikha 3:5 - Sura Magali Nuntu Ngkatuwu

⁵ Banca seʼi nambambasi waʼa nabi anu mantonaa anu madago ri tau anu mawaika siʼa doi, paikanya napoʼiwalika pai napesaru-saru tau anu bareʼe mombai. Ri waʼa nabi anu ewanceʼe, ndatoʼo i mPue,

Mikha 3:5 Referans Kwoze

Yeremia 6:14

Waʼa mbela waʼa ntauku napesaru-saru ntau seʼe podo ewa wela anu kodi. ‘Oo bareʼe makuja-kuja,’ natoʼo ntau seʼe, ‘Pura-pura madago-dago pai bareʼe makuja-kuja.’ Ntanoka banya ewanceʼe.

Yeremia 23:32

Yaku, Pue, da mangaewa woʼu waʼa nabi anu mamparata waʼa mpangipinya anu buke pai mbamba. Tau seʼe mangalinguni waʼa ntau-Ku pai mbamba ri wosa ntau seʼe. Bareʼe Kupokau waʼa nabi setu. Tau seʼe manoto beliu-liu reʼe yowenya ri waʼa ntauku. Yaku, Pue, anu mompaumo seʼi.”

Roma 16:18

Maka waʼa ntau anu mowia ewanceʼe banya motetala tila mPueta i Yesu Kerisitu, paikanya podo malulu pepokono ndaya ntau seʼe ngkalionya. Mampoliu pekanarasi pai waʼa mpau anu momi tau seʼe mambambasi waʼa ntau anu bareʼe naincani bara nunjaa-njaa.

Matius 15:14

Neʼe ndapojo malinga waʼa nto Parisi setu; tau seʼe setu waʼa ntopombawanaka anu buta; da manini tau buta; pai ane tau buta manini tau buta, manoto radua-duamo seʼe da sarampu ri wayau.”

Matius 7:15

“Ndipepeole mpodago waʼa nabi kambamba-mbamba. Tau seʼe da maʼi mampomberataka komi da mokira-kira ewa bimba, ntanoka raya ntau seʼe ewa sarigala anu masii.

MALEAKI 2:8

Paikanya seʼi-seʼi, komi waʼa ntadu mpanyomba, mebiamo ungka ri jaya anu monco. Waʼa mpopaguru anu ndipepaguruka mampapopuʼumo maria tau anu mowia sala. Komi majaʼatimo janji anu Kupareʼe pai komi.

Mikha 3:11

Waʼa ntau makuasa ri raya ngkota moparenta ua da naparata doi lekoaje, waʼa ntadu mpanyomba mampepaguruka padika i mPue da naparata gaji, pai waʼa nabi merapi patada ungka ri Pue Ala podo da naparata doi – painaka tau seʼe pura-pura masarumaka i Pue njau mancambiranaka tau seʼe. Natoʼo ntau seʼe: “I Pue reʼe ri oyota; kita bareʼe da napere ngkapari.”

Mikha 2:11

Komi mampokono nabi anu napokono mombamba pai metengosi pai montonaa kakononya komi da mampotumpu anggoro pai panginu anu mampaka yangu ri kagana-gananya.”

Yeremia 23:27

Nasarumaka ntau seʼe ua waʼa mpangipi anu napau ntau seʼe, waʼa ntau-Ku da nakoto mangkalingani Yaku ewa waʼa ntau piamo ntau seʼe pai manyomba ri Baʼali.

Yesaya 3:12

Waʼa ntauku da najeani waʼa ntau topopapoana doi pai aga-aganya da napapurasi waʼa ntau mangoa. Waʼa ntau da nalinguni waʼa ntopombawanakanya painaka bareʼemo da naincani woʼu jaya anu da nalulu ntau seʼe.”

YOELI 3:9

Pobambarikamo songka seʼi ri waʼa banca: Ndipompatikali da mombetoto mampetujuka rosomi! Iowakamo waʼa mpandegara pai pomakoje, pasingkandurumo pura-pura surodado, ndiakomo mombetoto!

PATADA 28:21

Bareʼe madago mampili-mpilisi tau; paikanya reʼe woʼu topobotusi anu modenggo podo da naka reʼe yau doinya sakodi.

Yeremia 6:4

Da natoʼo ntau seʼe, “Iomo, ndipompatikalimo maungku Yerusale! Maʼimo tapancuaki ri ndeme seʼi!” Paikanya ri purinya da natoʼo woʼu ntau seʼe, “Aa, teripuri! Eo seʼi da marupumo, waʼa limbayota maratemo.

Ratapan 2:14

Anu naparata waʼa nabi ri siko, podo lopu pai mbamba ngkabongo. Bereʼe napancungketi ntau seʼe salaamu, inceʼe painaka bareʼe majeʼa siko. Paikanya tau seʼe podo mamparataka siko waʼa mpau mbamba anu mampakawongko raya.

YEHESIKIELI 13:9

Yaku da mangahuku komi, ee waʼa nabi anu mangantoʼo wati lopu pai manganawa-nawa waʼa mpepatongawa! Komi bareʼemo maya da tesua mawai pobotusi ri pogombo waʼa ntau-Ku. Waʼa ntoʼomi da ndatai ri podede ntoʼo nto Isaraeli, pai komi bareʼemo da mewalili ri tana mpebete ntanoanami. Da ndiincanimo ka-Yakunya Pue Anu Ndate ri Peawanya.

Hosea 4:5

Ri eo ri wengi komi mangkainaka mowia salaa, ewanceʼe seʼe waʼa nabi. Inceʼe painaka Yaku da mangagero Isaraeli, inemu.