Mikha 3:12 - Sura Magali Nuntu Ngkatuwu

¹² Ua kajaʼamu setu, Sioni da nasuʼa mpajeko ewa jamaa, Yerusale da mewali pobuyu-buyu awu, pai pongku ntana Banua i mPue da mewali yopo mapepu.

Mikha 3:12 Referans Kwoze

Yeremia 26:18

“Sindara i Sikia mewali mokole ri Yahuda, i Nabi Mika ungka ri Morese, mamparata ri waʼa ntau sondo pau ewaʼi ungka ri Pue Anu Makuasa. ‘Sioni da ndapajeko ewa bonde, Yerusale da mewali pobuyu-buyu banua malesa, pai pongkuntana Banua i mPue da mewali yopo!’

Masmur 79:1

Polinga i Asapi. Boo Pue Ala, banca anu bareʼe mangaincani Komi mampotundasimo tana panta-Mi. Tau seʼe mampaka karika Banua-Mi, kota Yerusale negero ntau seʼe.

Matius 24:2

Mompau i Yesu ri tau seʼe ndatoʼo, “Ara ndikitamo pura-pura setu? Ndiincanimo, bareʼemo da reʼe mau saogu watu anu da mokenta pai kasiwatunya. Pura-pura setu da magero.”

Mikha 1:6

Inceʼe painaka ndatoʼo i mPue, “Yaku da mampapewali Samaria ewa buyu awu ri pada bone, pai mewali kareʼe pampomuya ntau anggoro. Waʼa ripu-ripu ngkota setu da Kupesawuka ri ngoyo, pai pondasinya da Kurongkasi.

Masmur 107:34

ana anu maboko ndapapewali pada mabure, ua kajaʼa mpoʼengko waʼa ntau anu mampeari.

Yeremia 9:11

Ndatoʼo i mPue, “Yerusale da kupapewali awu da kareʼe mpesambuni asu yopo. Waʼa ngkota Yahuda da mewali njii, da mewali tana anu bareʼe ndapeari.”

Yeremia 17:3

pai ri waʼa buyu ri sambaliku ngkota. Ua pura-pura kareʼe mpanyomba ri lamoa anu roomo ndiwangu ri sambawo ntana seʼi pai ua mpengaya-ngaya salaa anu roomo ndiwianaka, inceʼe painaka da kuʼiowaka waʼa iwalimu manteosi waʼa aga-aga pai kakoreʼemu.

Yeremia 22:6

Ri Yaku langkanae mokole nto Yahuda maʼai kojo ngkadolinya, ewa kadolidi ntana Gilea pai waʼa buyu Libano, paikanya kareʼe setu da kupapewali pada bone anu bareʼe napeari ntau.

Yeremia 35:17

Inceʼe painaka Yaku, Pue Anu Makuasa. Pue Ala pue nto Isaraeli, da mampatuduka komi – to Yahuda pai to Yerusale – waʼa ngkapari anu roomo Kupakanoto da tilami, silulu pai anu roomo kutoʼo. Inceʼe kuwianaka ua komi bareʼe ndipokono mampedongeka ane mompau Yaku, pai bareʼe ndipokono mesono sindara Yaku mampeboo komi.”

Yeremia 44:2

Ewaseʼi nuntu i mPue anu Makuasa, Pue Ala pue nto Isaraeli rata ri tau seʼe, “Komi ngkaliomi mangangkitamo rugi anu kupapapereka Yerusale pai pura-pura kota Yahuda. Nakarataka wawaseʼi waʼa ngkota setu ntongo malesapa bereʼe tau anu mampeari.

Yeremia 52:13

I Nebusarada mantunju Banua i mPue, langkanae mokole pai banua waʼa ntau anu tetoʼo ri Yerusale.

Yesaya 32:14

Sakopa langkanae da ndapalaika pai kota potunda mokole anu madoro da mewali njii bemoreʼe tau. Waʼa menara mponjaga pai pongku ntana roomo ndapalene pai tana rantanni masae-sae. Waʼa ngkalide anu maila pai waʼa bimba da kaiyo-iyo mangande njairia.

Yeremia 9:10

Yaku, i Yeremia mompau kutoʼo, “Yaku da motumangi pai mongkabalusi ua pada ewo ri pada bone pai waʼa buyu makaramo pai bareʼemo napoliu-liu ntau. Bareʼe ndadonge oni mpinatuwu, tonci pai pinatuwu ntaninya puramo paya molonco.”

Yeremia 22:5

Paikanya ane bareʼe mepoʼinaya komi ri waʼa ncongka-Ku, inceʼe painaka kumontando koro mantoʼo langkanae seʼi da mewali awu. Yaku Pue, anu mompaumo seʼi.