Mikha 3:11 - Sura Magali Nuntu Ngkatuwu

¹¹ Waʼa ntau makuasa ri raya ngkota moparenta ua da naparata doi lekoaje, waʼa ntadu mpanyomba mampepaguruka padika i mPue da naparata gaji, pai waʼa nabi merapi patada ungka ri Pue Ala podo da naparata doi – painaka tau seʼe pura-pura masarumaka i Pue njau mancambiranaka tau seʼe. Natoʼo ntau seʼe: “I Pue reʼe ri oyota; kita bareʼe da napere ngkapari.”

Mikha 3:11 Referans Kwoze

Yeremia 6:13

Tau seʼe pura-pura, bangke kodi, mampepali rasi ri jaya anu bareʼe mayoa. Sakopa nabi pai tadu mpanyomba mambambasi tau.

Yesaya 1:23

Waʼa ntopombawanakamu topeewa pai mewalimo pomokau ntopangangka; tau seʼe napokono mantarima parasee pai doi lekoaje. Bareʼe napokono mampelae ana ilu ri tongo mpobotusi; bareʼe napokono mampedongeka pogilu waʼa bemba.

Mikha 3:5

Banca seʼi nambambasi waʼa nabi anu mantonaa anu madago ri tau anu mawaika siʼa doi, paikanya napoʼiwalika pai napesaru-saru tau anu bareʼe mombai. Ri waʼa nabi anu ewanceʼe, ndatoʼo i mPue,

Yeremia 7:4

Neʼe ndiaya tau kambamba-mbamba anu mantoʼo, ‘Kita maʼuono, maka seʼi Banua i mPue!’

1 Petrus 5:2

da naka ndiporewu kojo ri kamonco-monconya dompu bimba anu ndapesarumakaka i mPue Ala ri komi. Ri kabuya ndayami da ndikambi waʼa bimba silulu pai pepokono i mPue Ala, neʼe podo ua ndariso. Neʼe woʼu ndiwianaka ua mampomata-mata rasi; paikanya da mopuʼu ua ri kawongko ndayami mamporiokoi.

Titus 1:11

Waʼa ntau anu ewanceʼe moruana ndadampo ngujunya, maka maria sombori anu nawuraga ua waʼa mpompagurunya anu pontopanyamo. Powia ntau seʼe anu ewanceʼe podo da mampepali porasi anu bareʼe sintinaja!

Mikha 7:3

Pura-pura tau loʼemo mowia jaʼa. Tau ndalanti pai topobotusi mamperapi doi lekoaje, pai tau anu ndatubunaka mampedandaka pepokononya, ewanceʼemo tau seʼe sangkani-ngkani mamposintuwui.

Yesaya 48:2

Mau ewancetu, siko mangaʼaku ri pekiundemu kasikonya bangani ngkota magali; pai kasikonya metionde ri Pue Ala pue nto Isaraeli anu ndatoʼo Pue Anu Makuasa.

Yeremia 8:10

Inceʼe painaka da kupepombaika jamaa ntau seʼe ri tumpu ntana anu ntaninya, pai rongo ntau seʼe ri tau ntaninya. Tau seʼe pura-pura, kodi bangke, da mampepali rasi ri jaya anu bareʼe mayoa. Sako nabi pai tadu mpanyomba woʼu da mambambasi tau.

1 Samuel 8:3

Paikanya poʼengko ntau seʼe bareʼe mampelului papanya, podo mompari-mpari mampepali rasi ngkoronya ngkalionya. Tau seʼe mampokono doi tekoaje painaka bareʼe mayoa pobotusinya.

Pombilang 16:15

Maʼai kojo kasengke ndaya i Musa, painaka natoʼo ri Pue, “Pue, neʼe kojo boi nditarima panyomba ntau seʼe. Bareʼepa reʼe mau sambaʼa tau ungka ri oyo ntau seʼe anu kupakarugi, mauja sambaʼa kalide bareʼepa reʼe anu kutima ungka ri tau seʼe.”

I Yudas 1:11

Marugimo tau seʼe! Tau seʼe malulumo jaya anu nalulu i Kai. Podo da naparata doi, tau seʼe manawumo ri raya ngkalingu, siwia pai i Bila. Pai tau seʼe da ndagero ua meewa siwia pai Kora.

1 Timotius 3:3

neʼe tau topoyangu-yangu bara topombeluku. Paikanya, siʼa sangaya-ngaya da malulu raya pai napokono kasimadago. Siʼa bareʼe maya manyanya doi.

AMOSI 9:10

Waʼa ntau anu masalaa ri oyo waʼa ntauku mangantoʼo, ‘I Pue Ala bareʼe da mampapaliuka kita napere ngkapari.’ Paikanya kamonconya tau seʼe da ndapepate ri raya mpoʼiwali.”

Hosea 4:18

Butu mayangu ua kasondo anggoro nainu, mawongko raya ntau seʼe mampobalu koronya. Tau seʼe napokono ndapetikodi painaka ndatubunaka.

Yesaya 56:11

Tau seʼe ewa asu manyanya anu bereʼe kabosunya. Waʼa nto pombawanaka setu bareʼe nakoto marata ndaya. Sambaʼa-sambaʼa seʼe mowia gori mpepokononya pai podo mampepali rasinya ngkalionya.

Matius 3:9

Neʼe ndisarumaka da ndikoto lapa ungka ri popahuku maka nditoʼo i Burahima inceʼemo ngkaimi. Da ndipaincani, ungka ri waʼa mbatu seʼi woʼu, ndakoto i mPue Ala mampapewali muli i Burahima!

MALEAKI 1:10

I Pue Anu Makuasa mantoʼo, “Moruana wombo Banua-Ku da ndadampo, maka bereʼe yowenya komi mampakiki apu ri wawo lampaʼani-Ku. Bareʼe kupokono komi, bareʼe kupokono mantarima panyombami.

SEPANYA 3:3

Waʼa ntau bangke ri raya ngkota setu jamo ewa singa mengara-ngara, waʼa ntopobotusi jamo ewa serigala anu maoro; tau seʼe maʼai ngkanyanya painaka sako sambenci wukunya bemoreʼe anu nadika bangkereme.

YEHESIKIELI 22:27

Waʼa ntopoparentanya ewa serigala anu mancia-nciati sinokonya. Tau seʼe mepepate podo da naparata rasi.

YEHESIKIELI 22:12

Reʼe woʼu anu mewali topopepate anu ndasaro, topetengosi pai topepipisi. Waʼa ntau kasambaʼa-mbaʼa bancanya. Tau seʼe pura-pura mangkalinganimo Yaku. Yaku Pue Anu Ndate ri Peawanya mantoʼomo seʼi.

PATADA 17:23

Topobotusi anu modengoo da mantarima ngkaroo doi dampo nguju, pai bareʼe mayoa pobotusinya.

Yesaya 5:23

Paikanya podo da ndipaleʼo doi lekoaje, komi malapa tau masalaa, pai masalempori tau anu bareʼe masala da mangarata kayoa.

Yeremia 23:17

Ri waʼa ntau anu bareʼe mampokono mampedongeka waʼa mpauku, bareʼe bali-bali napantoʼoka tau seʼe, ‘Komi da tesorepaka.’ Pai ri pura-pura tau anu mapeni woʼo, natoʼoka ntau seʼe, ‘Siko bareʼe da marata rugi.’ ”

Yeremia 26:7

Pura-pura anu kutoʼo ri Banua i mPue setu nadonga waʼa ntadu mpanyomba, waʼa nabi pai tau sondo.

YEHESIKIELI 34:2

“Ee tolino anu podo awu ntana, tusakimo waʼa mokole nto Isaraeli, pai paratakamo tau seʼe nunjaa anu kutoʼoka tau seʼe, Yaku Pue Anu Ndate ri Peawanya, ‘Marugimo komi, ee waʼa ntopongkambi Isaraeli. Komi podo manawa-nawa rasimi ngkaliomi, banya manawa-nawa katuwu waʼa bimbami.

Hosea 4:8

Komi mewali koreʼe ua ngkasalaa waʼa ntau-Ku, inceʼe painaka ndipokono da naka tau seʼe mowia salaa mpaliu.

AMOSI 5:14

Ndipompari-mparimo mowia dago neʼe mampowia jaʼa, da naka tuwu komi. Da naka i Pue Anu Makuasa da mabuya rayaa maroo-roo ri oyomi da ewa pangantoʼomi.

MALEAKI 2:9

Inceʼe painaka Yaku woʼu da mampowia komi da napesaru-saru waʼa nto Isaraeli maka komi bareʼe mepoʼinaya ri pepokono-Ku pai komi mampaposisala tau ri pampagurumi waʼa ntau-Ku.”

Pombilang 22:7

Ungka lairia njoʼumo kojo waʼa ntadulako nto Moabi pai to Mijea setu mangkenika i Bila saronya da napampokono mantadeasi to Isaraeli. Butu jela ri banua i Bila, naparatamo ntau seʼe ri siʼa patuu i Mokole Bala.

Yeremia 5:12

Waʼa ntau i mPue mantoʼo anu bareʼe monco kono i Pue. Natoʼo ntau seʼe, “Oo, Sira bareʼe da mampowia bara nunjaa-njaa. Kita bareʼe da napere ncusa ndaya pai bareʼe woʼu da narumpa mpoʼiwali pai oro.

SEPANYA 3:4

Waʼa nabinya bareʼe motetala mpodago pai bareʼe ndasarumaka; waʼa ntadu mpanyomba mampakakarika nunjaa anu ndapatani tila i mPue pai mantoro baliko waʼa mpadika i mPue Ala da naka mampaporasi tau seʼe ngkalionya.