Mikha 2:7 - Sura Magali Nuntu Ngkatuwu

⁷ Neʼe nusarumaka Isaraeli ndatusakimo i mPue. I Pue bareʼe da mangawianaka waʼa anu ewanceʼe. Sira bareʼe bali kayombu ndayaa. Ara banya Sira mompau maʼalusu ri waʼa ntau anu mawianaka anu monco?”

Mikha 2:7 Referans Kwoze

Masmur 84:11

Moruana sandeme ri Banua-Mi, painaka moncowu ndeme ri kareʼe anu ntaninya. Yaku mampilisi da mewali topojaga dampo ri Banua mPue Ala pueku, painaka da meari ri banua ntau majaʼa.

Yeremia 15:16

Komi mompau ri yaku, painaka kupedongeka pura-pura paumi. Yaku seʼi komi tumpunya, boo Pue Ala Anu Makuasa, inceʼe painaka waʼa mpaumi mampakawongko pai mampakalindo yaku.

Masmur 15:2

Tau anu bereʼe posarikanya ri raya ngkatuwunya pai mawianaka anu madago pai ri kamonco-monconya napantoʼo anu monco;

Sakharia 4:6

Malaʼeka setu mampokau yaku da mangantoʼoka i Serubabeli nuntu mPue ewaseʼi, “Banya ua roso ncurodado pai banya woʼu ua rosomu ngkaliomu mampapowua tetalamu, paikanya pai Inosa-Ku.

Hosea 14:9

To Isaraeli da mantajika waʼa nturuki lamoanya; tau seʼe da Kuporewu pai da Kupedongeka pekakainya. Ewa puʼu ngkaju anu bareʼe bali-bali karombo iranya, Yaku da mangampayuni tau seʼe Yakumo puʼu mpengaya-ngaya popadonco tila ntau seʼe. Yaku, Pue, anu mantoʼomo seʼi.”

Yesaya 50:2

Wenu painaka ungka ri waʼa ntauku bereʼe mau sambaʼa anu mesono, ri sindara ngkamaʼiku mampeboo tau seʼe ua nasarumaka bareʼe da kukoto malapasaka pai mancorepaka tau seʼe? Kamonconya, ua parentaku painaka mangau tasi, waʼa ngkoro ue kupapewali pada bone, painaka waʼa bau mate pai marongi.

PATADA 28:18

Tau anu tuwu ri kabareʼenya reʼe posarikanya da tesorepaka. Tau anu teliko-liko katuwunya, da manawu.

PATADA 10:29

I Pue mangkariani tau mayoa, paikanya maʼopisaka tau anu mowia majaʼa.

PATADA 10:9

Tau anu mayoa rayanya da maʼuono katuwunya; tau anu mombamba sangaya-ngaya da ndaincani.

2 Timotius 3:5

Anu tongawa tau seʼe mepoʼinaya mawianaka waʼa ncongka agama, paikanya kamonconya nasapu kuasa agama setu. Da nutilawangi waʼa ntau anu ewancetu.

2 Korintus 6:12

Raya mami tebulere ri komi, podo komi anu bareʼe tebulere rayami ri kami.

Roma 7:13

Ara da mewali ane anu monco setu mampareʼeka yaku kapate? Manoto bareʼe! Salaa anu mampareʼeka yaku kapate. Kupangampake anu madago, salaa anu mampareʼeka yaku kapate, da naka tongawa kojo waʼa ngkasalaa. Mampoliu waʼa ncongka mPue Ala, tongawamo ewambeʼi kajaʼanya salaa.

Yohanes 8:39

Mesono tau seʼe, “Papa mami i Burahima.” Mesono i Yesu, “Ane monco komi ana i Burahima manoto da ndilulu waʼa mpowia i Burahima.

Matius 3:8

Nditujumo ri powiami kakominya majeamo ungka ri waʼa ncalaami.

Mikha 3:9

Ndipedongekamo waʼa mpauku seʼi, ee komi waʼa ntau anu makuasa ri to Isaraeli anu mampobanciika kayoa pai mantoro baliko kamonco.

Yeremia 2:4

Pedongeka nuntu i mPue, ee komi waʼa muli i Yako, waʼa lemba Isaraeli!

Yesaya 58:1

Ndatoʼo i mPue, “Peboomo ri gori mpangkotomu! Toʼokamo tau-Ku waʼa ncalaa ntau seʼe.

PATADA 14:2

Tau anu mayoa rayanya da medonge pai da metubunaka ri Pue Ala; tau anu bareʼe mayoa rayanya ri katuwunya inceʼe anu mampetikodi Siʼa.

PATADA 2:7

Ri tau anu mayoa raya pai bereʼe posarinya, ndawaika siʼa petulungi pai petatondo.

Masmur 119:65

Komi mangabanganimo janji-Mi boo Pue, pai mampowiamo dago ri waʼa ntau-Mi.

Pombilang 11:23

Mesono i mPue ndatoʼo, “Ara bareʼe gana kuasaku? Maliga-liga da nukita nunjaa anu kutoʼo setu monco bara bareʼe!”

Masmur 119:68

Maka komi madago, pai powiami woʼu madago, ndipagurukamo yaku waʼa mpepokono-Mi.

Masmur 18:26

Pue, komi todo ri tau anu todo, pai madago ri tau anu madago.