Mikha 2:3 - Sura Magali Nuntu Ngkatuwu

³ Inceʼe painaka ndatoʼo i mPue, “Yaku marencana karugi tilami, painaka bareʼe da ndileʼo lapa. Sindara ngkapepa setu komi bareʼemo da ndikoto melinja ri pekiunde.

Mikha 2:3 Referans Kwoze

AMOSI 5:13

Ua waʼa mpowiami setu, painaka waʼa ntau anu loʼe ponawa-nawanya monjiimo, ri tempo anu jaʼa ewanceʼi.

Yeremia 8:3

Pai waʼa ntau anuntongo tuwupa ungka ri oyo banca anu majaʼa seʼi anu roo kuwuraga ri mbeʼi-mbeʼi, da napomoruana mate painaka tuwu. Yaku Pue Anu Makuasa anu mompaumo seʼi.”

Yeremia 18:11

Ndatoʼo i mPue ri yaku, “Seʼi-seʼi toʼoka waʼa nto Yahuda pai Yerusale, yaku ntongo madedewaka tinako ndayaku da mangaewa tau seʼe pai mampatoka popahuku ri tau seʼe. Pokaumo tau seʼe napampeʼontoka poʼengko ngkatuwu ntau seʼe anu salaa setu pai mabalisaka engko pai powia ntau seʼe.

Yakobus 2:13

Maka i Pue Ala bareʼe da mantuju kapande ndaya ri tau anu bareʼe pande mporaya. Paikanya kapande ndaya inceʼe meruu ngkarosonya pai popahuku!

Ratapan 5:5

Kami ndariso motetala manee ewa pinatuwu, kami malenge, paikanya bareʼe ndawai tempo mpeosa.

Ratapan 2:17

I Pue mawianakamo popahukua anu ndadedewaka iʼowi pai ndapatiendoka kita. Kita ndalesaki bereʼe puru ndaya, iwali ndapapenangi. Sira mampakawongko raya ntau seʼe mangkita kapanangita.

Epesus 5:16

Da loʼe-loʼe komi mampake tempo anu reʼe, maka tempo wawaseʼi majaʼa.

Roma 16:4

Tau seʼe sakodi mate ua mampelae yaku, kuparata pontarima kase ri tau seʼe – pai banya podo ungka ri yaku paikanya ungka ri pura-pura dompu banca anu banya to Yahudi montarima kase woʼu ri tau seʼe.

Mikha 2:1

Marugimo waʼa ntau anu manawa-nawa anu majaʼa sindara mpoturunya yore mawengi, pai nawianaka ri bangke reme, maka reʼe roso ntau seʼe mangawianaka.

AMOSI 2:14

Sako toposilumba anu makaliki ntano bareʼe da nakoto lapa! Tau seʼe anu maroso da malente, pai tau anu makoje pai makaliki ntano bareʼe nakoto da mancorepaka koronya ngkalionya.

DANIELI 4:37

Mewali seʼi-seʼi yaku, i Nebukanesa, maunde, mabangkei pai mampapeawa Datu Ncuruga. Pura-pura powia-A anu monco pai mayoa, pai Sira mangkoto mangkodisi tau anu mobangke-bangke.

Ratapan 1:14

Ndatima pura-pura salaaku, nepa ndapasauju mewali sambaʼa nepa ndapapogonggaka ri leʼeku painaka kaneenya mampakalente yaku. I Pue mampepombaika yaku ri iwali, bereʼe rosoku maewa tau setu.

Yeremia 43:2

Ungka lairia i Asaria ana i Hosaya pai i Yohanani ana i Karea pai pura-pura tau ntaninya anu mekiunde setu mompau ri yaku natoʼo, “Siko kambamba-mbamba. I Pue, Pue Ala pue mami bareʼe mampokau siko da mampetangani kami njoʼu maroo-roo ri tana Masiri.

Yeremia 36:23

Ane pusa seʼe tatogo bara aopo ntai uki ncura setu, naowo i mokole anu roo ndabasa setu pai tibo kodinya nepa natendeka ri apu. Ewanceʼemo napampowia i Mokole rantani pura sura ndakoyuyu setu natendeka ri apu.

Yeremia 27:12

Ri Sedekia mokole Yahuda, yaku i Yeremia, mamparataka pau anu siwia. Kutoʼoka, “Peʼurumo ri datu Babeli, pepoʼinayamo ri siʼa pai ri bancanya, da naka tesorepaka komi mokole.

Yesaya 5:19

Natoʼo, “Tuarapa i Pue Ala Magali pue nto Isaraeli da ronga monggale! Mbolimo Sira mawianaka pepokonoa da naka takita pai taincani.”

Yesaya 3:16

Ndatoʼo i mPue, “Mekiunde kojo waʼa mbeʼa nto Yerusale! Tau seʼe kanggengge-nggengge, napokono mangkinde-ngkindeka kirenya tau seʼi melinja kaligo-ligo. Katewia mbitinya napopowia, pai kareko-reko sangkani oni langke ri witinya.

Ulang 28:48

Inceʼe painaka da meʼuru komi ri waʼa iwalimi anu ndapokau i mPue da mangaewa komi. Komi da maoro, maranganga pai bereʼe rengkomi ua kakura ngkatuwumi. I Pue da majeani komi da ndaparini rantani magero.

AMOSI 3:1

Pedongeka nuntu i mPue seʼi, ee banca Isaraeli anu roo ndakeni mpesuwu i mPue ungka ri tana Masiri! Ndatoʼo i mPue,

AMOSI 3:2

“Ungka ri pura-pura banca ri wawo lino seʼi, podo komi sambaʼa-mbaʼa banca anu kuincani pai anu kupetiro. Incetumo puʼunya painaka bangke salaami, painaka Yaku sangaya-ngaya da mangahuku komi.”

Yesaya 29:20

Incetumo kapusanya waʼa ntau anu majeai waʼa ntau ntaninya pai mampetikodi i Pue Ala. I Pue Ala da mangagero pura-pura tau masalaa,