Mikha 2:12 - Sura Magali Nuntu Ngkatuwu

¹² Ndatoʼo woʼu i mPue, “Ee waʼa nto Isaraeli anu njaupa yau yabinya! Komi sangaya-ngaya da Kupasambaka pai da Kupasambaʼa-mbaʼa da ewa bimba anu mewalili ri monconya. Da ewa pada ewo anu buke-buke pai bimba, da ewanceʼemo woʼu tanamu da buke pai waʼa ntau anu sondo.

Mikha 2:12 Referans Kwoze

YEHESIKIELI 36:37

I Pue Anu Ndate ri Peawanya mantoʼo, “Ee banca Isaraeli, Kuwai muni tempo ri komi maya merapi tulungi ri Yaku, da kurangani imbami ewa dompu bimba.

Mikha 7:18

Bereʼe Pue Ala anu ewa Komi, boo Pue, anu bareʼe mangkitanaka salaa waʼa ntau anu ndipilisi anu totaʼa. Banya rantani masae-sae karau ndayami; paikanya ndipokono mantuju towemi anu bereʼe kapusanya setu.

Mikha 7:14

Boo Pue, ndikambimo waʼa ntaumi, waʼa ntau anu ndipilisi. Tau seʼe maroo-roo tepatani ri une mbana, ri une ntana anu maboko. Mbolimo tau seʼe marata pangkoni ri pada ewo Basani pai Bilea ewa ipiamo.

Mikha 5:7

To Isaraeli anu maroo-roo ri oyo waʼa banca da ewa singa ri tongo waʼa mpinatuwu yopo bara ewa ri tongo dompu bimba ri pada ewo. Singa setu mesua ri tongo-tongo dompu bimba setu, naija-ijaki pai nasempati; bereʼe anu mangkoto malapa waʼa bimba setu.

AMOSI 1:12

Inceʼe painaka Yaku da mampakatu apu ri kota Temani, pai da mantunju rantani pura waʼa bente kota Bosora.”

Hosea 1:11

Banca Yahuda pai banca Isaraeli da ndapasambaʼa-mbaʼa muni. Tau seʼe da mangalanti sambaʼa tadulako, pai tau seʼe da kakoteranga-rangani pai da gana-gana muni katuwunya ri tananya. Monco kojo, reme Yisirieli da mewali reme anu bangke!

YEHESIKIELI 37:21

Nepa da nutoʼoka tau seʼe, Yaku Pue Anu Ndate ri Peawanya da mangantima pura-pura bancaku ungka ri suo-suo ntana mbeʼi ntano kanjau ntau seʼe. Tau seʼe da kupasambaka pai da kukeni mpewalili ri tana ntau seʼe.

YEHESIKIELI 34:31

Mojo kojo, komimo dompu bimba-Ku anu Kupakoni. Komi inceʼemo waʼa ntau-Ku pai Yaku Pue Ala puemi. Yaku Pue Anu Ndate ri Peawanya mantoʼomo seʼi.”

YEHESIKIELI 34:22

Paikanya Yaku ngkalioku da mancorepaka waʼa bimbaku, da naka tau seʼe bareʼemo ndajeani. Yaku da mangabotusi waʼa bimbaku sambaʼa pai sambaʼa pai da mampatani anu madago ungka ri anu majaʼa engkonya.

YEHESIKIELI 34:11

I Pue Anu Ndate ri Peawanya mantoʼo, “Yaku ngkalioku anu da mampepali waʼa bimba-Ku pai da mamporewu tau seʼe,

Yeremia 23:3

Paikanya waʼa yabi ntauku da kupasambaka ungka ri waʼa ntana kupantaji tau seʼe. Tau seʼe da kukeni mpewalili ri tana mpebete ntanoananya, pai mulinya da terangani kasondonya.

Yesaya 34:6

Penai i mPue da kedaa pai buke lori ntau seʼe, da ewa daa pai lori mpinatuwu anu ndapanyombaka. Maka i Pue da mampatoka panyomba ri Bosora pai da mampareʼe tampa mpnyampa anu madoro ri tana Edomi.

Yesaya 27:12

Ri tempo setu i Pue da mampasambaka waʼa ntaua teasambaʼa ungka ri Koro Eparata nakarataka ri toda ntana Masiri. Sira mampatani tau seʼe da ewa tau mampatani wea gandu ungka ri otanya.

Yesaya 11:11

Ri eo setu i Pue sangkani woʼu da mantuju kuasaa pai da mangkeni mpewalili yabi waʼa ntaua ri tana nto Asuri pai to Masiri, ri waʼa lemba nto Patarosi, Sudani pai Elami, ri Babeli, Hamati pai waʼa ntogongi anu lawa.

Yeremia 3:18

Isaraeli da mompasambaʼa-mbaʼa pai Yahuda, pai da sangkani-ngkani karatanya ungka ri tana pantawani ri tondo utara. Tau seʼe da mewalili ri tana anu roo kuwaika da mewali tana panta ri tau piamomi.”

Yesaya 5:17

Ri waka ngkota setu ana mbula pai bimba da mangande ewo pai da gana-gana pangkoninya.

Mikha 2:13

Yaku da mangawete jaya pai da mangangkeni mpesuwu ungka ri kareʼe pantawani. Komi da mangaruasi waʼa baa-baa nepa malai mpaliu. Yaku, Pue ngkalio-Ku, inceʼemo Datumi pai Yaku anu da mawawanaka komi mesuwu.”

Mikha 4:8

Pai siko Yerusale, kareʼe i mPue Ala majagai waʼa ntau-A, ewa topongkambi majagai dompu bimbanya, siko da mewalili mewali ibu kota ngkamokole ewa iʼowi.

Mikha 5:8

Isaraeli da manganangi waʼa iwalinya pai da mangagero tau seʼe pura-pura.

YEHESIKIELI 34:13

Tau seʼe da kupapesuwu ungka ri tongo waʼa banca pai ungka ri waʼa suo ntana anu lawa, nepa kupasambaka pai kukeni ri tanya ngkalionya. Tau seʼe da kukambi riwawo waʼa buyu pai waʼa rato Isaraeli pai da kuponinika tau seʼe da njoʼu ri waʼa mpada anu madago.

SEPANYA 3:20

Da rata temponya, waʼa ntaumu anu jianja da Kuponinika mewalili. Komi da Kupakatetoʼo ri sambawo lino, pai kagana-gana ngkatuwumu da ndapapewalili muni.” I Pue anu mantoʼomo seʼi.