Mikha 1:5 - Sura Magali Nuntu Ngkatuwu

⁵ Pura-pura setu da tepewali ua salaa nto Isaraeli, meewa ri Pue Ala. Isena anu mampapopuʼu Isaraeli mowia salaa? Ara banya Samaria indo ngkotanya? Isema anu mampapopuʼu Yahuda manyomba ri lamoa? Ara banya Yerusale ngkalionya?

Mikha 1:5 Referans Kwoze

AMOSI 8:14

Waʼa ntau anu montando koro mamposabi lamoa Samaria, anu mangantoʼo, ‘Mamposabi lamoa banca Daa,’ bara ‘Mamposabi lamoa Bariseba’ – da madungka pai bareʼemo da tepembangu.”

Yeremia 2:19

Kajaʼamu ngkaliomu mangahuku koromu, siko tejeani ua bareʼe mantarima Yaku, Pue Ala. Seʼi-seʼi nuepemo ewambeʼi kapaʼinya pai kaparinya, ane mantalikusi Yaku pai bareʼe mantubunaka Yaku. Yaku Pue Ala puemu roomo mompau seʼi; Yakumo Pue Ala Anu Ndate ri Peawanya pai Makuasa.”

Ratapan 5:16

Kawongko ndaya mami bemoreʼe, kami marugi ua salaamo.

Yeremia 6:19

Pedongeka, ee lino! Waʼa ntauku bareʼe napokono mantarima pompaguruku pai bareʼe mepoʼinaya ri Yaku. Painaka powua ntinakondaya ntau seʼe, yaku da mamparata kapari ri tau seʼe.

Yeremia 4:18

Yahuda, siko ngkaliomu anu mayondoni karata mpari setu ri woto ngkoromu. Katedikanaka ngkatuwumu pai waʼa mpowiamu mampapopuʼu pura-pura kapari setu mampakawela rayamu.

Yeremia 2:17

Siko ngkaliomu puʼunya pura-pura anu mewali ri woto ngkoromu, maka ri tempo kupamponinika siko ri pelinja, siko mantalikusimo Yaku, Pue Ala puemu.

1 RAJA-RAJA 13:32

Pai da mewali kojo nunjaa anu ndapepokauka i mPue naparata nabi setu kono lampaʼani ri Beteli, pai pura-pura kareʼe mpanyomba ri waʼa ngkota Samaria.”

AMOSI 6:1

Marugimo komi anu madago karoo-roomi ri Sioni, pai komi anu mangaepe lindo rayami ri Samaria – ee komi waʼa ntopombawanaka tau sondo ri Isaraeli anu ndapatani seʼi, komi anu nakamaʼisi ntau sondo merapi tulungi!

Hosea 7:1

Ndatoʼo i mPue, “Sangkani-sangkani da rayaku mampakaʼosa tau-Ku Isaraeli pai da mawali mpakadago tau seʼe, paikanya anu Kukita podo jaʼa pai salaa ntau seʼe. Tau seʼe mombembambasi, tau seʼe mampesuaki banua ntau da melima pai tau seʼe marampa aga-aga ntau ri jaya-jaya.

Yeremia 5:25

Paikanya waʼa ncalaami setu masalempori pura-pura anu madago painaka bareʼe ndileʼo mangkatuwuka.

2 Tawarikh 34:3

Butu ganamo 8 ntaʼu kamokolenya mau ntongo mangurapa siʼa, natepuʼumo i Yosia manyomba ri Pue Ala anu napanyomba ngkainya i Mokole Daudi. Aopo ntaʼu ungka njairia natepuʼumo magero waʼa tampa mpanyomba ri lamoa, waʼa nturuki Dewi Asera pai waʼa lamoa ntaninya.

2 Tawarikh 34:4

Waʼa nturuki pai waʼa lamoa setu nalesaki waʼa ntau i Yosia, awunya napesawuka ri wawo dayo waʼa ntau anu mampanyombaka panyomba waʼa lamoa setu. Waʼa lampaʼani i Baali pai waʼa lampaʼani pantunju dupa anu njau njairia nadungkasi ntau seʼe.

Yesaya 7:9

To Isaraeli bareʼe bara meruu rosonya ungka ri Samaria indo ngkotanya, pai Samaria bareʼe bara meruu rosonya ungka ri Mokole Peka. Ane komi bareʼe monco-monco kojo meaya ri yaku, manoto komi bareʼe da ndikoto maewa.”

AMOSI 7:9

Waʼa ngkareʼe anu napake waʼa muli i Saki manyomba da ndagero. Waʼa ngkareʼe nto Isaraeli anu magali da ndaruasi. Yaku da maʼopisaka waʼa muli i Mokole Yerobea.”

Mikha 1:13

Komi bangani Lakisi, ndipatikalimo nyara ri kareta mpoʼiwali! Komi mangancue waʼa ncalaa anu nawianaka Isaraeli anu mampapopuʼu Yerusale woʼu masalaa.

1 RAJA-RAJA 11:7

Ri wawo buyu tondo ri pebetea ngkota Yerusale, nawangu lampaʼani mpanyomba ri dewa Kamosi, lamoa nto Moabi, pai dewa Molo, lamoa nto Amoni – dewa anu radua setu inceʼemo lamoa anu karika kojo.

1 RAJA-RAJA 16:24

Paikanya naoli sambaʼa buyu 6.000 ngkomba doi salaka ungka ri tau sambaʼa i Semeri toʼonya, nepa nawangu sambaʼa kota ri wawo buyu setu napapotoʼoka Samaria, malulu toʼo i Semeri anu mampotumpu riunya buyu setu.

Yeremia 23:13

Salaa waʼa nabi Samaria kukitamo. Tau seʼe mompau ri toʼo i Baʼali, nepa nalinguni waʼa ntauku Isaraeli.

Yeremia 23:14

Paikanya ri Yerusale Kukita waʼa nabi mawianaka anu meruu ngkajaʼa woʼu. Tau seʼe mombamba pai mosalara, pai mancambiranaka waʼa ntau anu mowia majaʼa painaka bereʼe mau sambaʼa tau anu mampokono majea. Tau seʼe kureke pura-pura majaʼa siwia pai bangani Sodomo pau Gomora.”

YEHESIKIELI 16:46

Tukakamu inceʼemo Samaria ri utara pai waʼa lipunya. Pai tuaʼinya inceʼe Sodomo ri tondo selata pai pura-pura lipunya.