Mikha 1:3 - Sura Magali Nuntu Ngkatuwu

³ Sira menaʼu ungka ri kareʼe mpearia anu magali nepa melinja ri wawo waʼa lolo buyu ri lino.

Mikha 1:3 Referans Kwoze

AMOSI 4:13

Buyu pai ngoyo, i Pue anu mampareʼe, rencanaa ndapatongawa ri tolino. Sira anu mampareʼe reme pai wengi; ri waʼa lolo buyu ri lino pelinjaa. I Pue anu makuasa, inceʼe toʼoa.

Yesaya 26:21

I Pue da menaʼu ungka ri kareʼe mpearia ri suruga da maʼi mangahuku bangani lino ua salaa ntau seʼe. Pepepate anu nawianaka ntau seʼe ri katesambuninya da ndapatongawa. Tana da mampatongawamo waʼa ntau anu mate ndapepate.

Ulang 32:13

Sira mampapewali tau seʼe mampotumpu waʼa buyu; tau mangkoni sili lengenya ri waʼa jamaa pai mainu juyu uani yopo ungka ri roka mbatu. Tau seʼe marata lana ungka ri puʼu ngkaju saitu anu tuwu ri tana kewatu.

HABAKU 3:19

Komi mawaika yaku roso, ewa witi lagiwa, witiku ndapakaroso. Komi anu mamponinika yaku naka uono sindara mpelinja ri buyu mongkodo.

Masmur 115:3

I Pue Ala pueta reʼe ri suruga, Sira mangawianaka wuwunya anu ndapokono.

YEHESIKIELI 3:12

Nepa naokotaka Inosa mPue Ala yaku pai kudonge kupotataliku oni nganga anu mogundu mantoʼo, “Undemo peawa i mPue ri suruga!”

Yesaya 25:10

I Pue da mangkariani Pongkuntana Sioni, paikanya Moabi da ndaʼii ewa deami ri kareʼe pantaji nyoo.

AYUBI 40:12

Mewali, patomatamo tau seʼe anu mobangke-bangke, papeʼurumo siʼa! Lesakimo tau majaʼa setu ri kareʼenya.

Ulang 33:29

Morasimo siko ee to Isaraeli! Bereʼe banca anu ewa siko anu ndasorepaka i mPue. I Pue medika ewa penai pai kanta ri siko; anu mancambiranaka siko pai anu mampapenangi siko. Waʼa iwalimu da rata merapi-rapi puru pai komi da mampolanda tau seʼe.”

Sakharia 14:4

Ri eo setu Sira da mekakore ri Pongkuntana Saitu ri tondo pebetea Yerusale. Maka Pongkuntana Saitu da mabira ua rato anu bangke, montepuʼu ungka ri pebetea rata ri kasoyoa. Santongo ungka ri pongkuntana setu da meencu tondo utara pai santongo woʼu da meencu tondo selata.

AMOSI 9:5

Moenggo lino pai waʼa banganinya masusa rayanya, ua ndalengko i mPue Anu Ndate ri Peawanya pai Makuasa. Ewa kamowo ngKoro Nili pai teloo ncoroba, ewanceʼemo pepone ntau seʼe nepa manawu.