Mikha 1:16 - Sura Magali Nuntu Ngkatuwu

¹⁶ Ee to Yahuda, ndiowomo wuyuami mewali petondoni pongkabalusi ri waʼa anami anu ndipotowe. Ndikou wuyuami rantani dola-dola woʼomi ewa tonci to pekoni anu oso, maka waʼa anami anu ndakeni ri kareʼe pantawani.

Mikha 1:16 Referans Kwoze

Yesaya 22:12

Sindara setu i Pue Anu Ndate ri Peawanya pai Makuasa mampokau komi motumangi pai mokukuou, mangkou wuyua pai mamporengko karu.

Yeremia 7:29

Ndatoʼo i mPue, “Ee waʼa ntau bangani Yerusale, ndipongkabalusimo! Ndiguncimo wuyuami pai nditajikamo! Ndipongayukamo ngayu mpokukuou ri wawo waʼa lolo buyu mongkodo, maka Yaku, Pue, ntongo ngkarau pai mantumbalakamo komi pura-pura.

AYUBI 1:20

Inceʼe painaka meoko i Ayubi nasiati rengkonya tanda ngkapari ndayanya. Nakou wuyuanya nepa mambukotu siʼa natoʼo,

AMOSI 8:10

Waʼa mposusami da Kuwalisaka mewali poomboka pai waʼa ngayumi da mewali pokukuou. Yaku da mangaʼiowaka komi mangkou wuyuami, pai mamporengko karu tanda ngkapari ndaya. Komi da mewali ewa ine papa anu mangantangisi kapate ananya anu sambaʼa-mbaʼa. Reme setu da motando pai kapari ndaya anu maʼai kojo.”

Yeremia 16:6

Tau koreʼe pai tau kaasi-asi ri tana seʼi da mate pai bereʼe tau anu da mangadayo tau seʼe. Bereʼe mau sambaʼa tau anu da mamparini koronya bara madola woʼonya mewali tanda ngkasusa ndaya ntau seʼe.

Yeremia 6:26

Ndatoʼo i mPue ri waʼa ntaua, “Patakamo rengko karu, pai petadulimo ri awu. Ndipongkabalusimo pai ndipokukuoumo ri kapari ndayami ewa tau mantangisi kamate ananya anu sambaʼa-mbaʼa, maka topegero da mangaungku komi ri kabareʼenya ndisoro-soro.”

Yesaya 15:2

Bangani Diboni da mandake ri pongku ntana motumangi ri kareʼe mpanyomba ri waʼa lamoa. Bangani Moabi ua kapari ndayanya da mangkukuousi kota Nebo pai Medeba. Tau seʼe da mangkou wuyua pai janggonya petondoni ngkapari ndayanya.

2 RAJA-RAJA 17:6

– taʼu setu inceʼemo kasasio ntaʼunyamo poparenta i Hosea – naleʼomo i Salumanesa mampotundasi kota Samaria. Nepa nakeni waʼa nto Isaraeli mewali tawani ri tana nto Asuri, santila tau seʼe nadika ri kota Hala, santila nadika mosu ri Koro Habori ri lemba ntana Gosani pai santila woʼu nadika ri waʼa ngkota ri tana Madai.

Ulang 28:41

Komi da mampomulika waʼa ana tuama pai weʼa, paikanya tau seʼe da mewali tawani ri poʼiwali, painaka bareʼemo reʼe anami.

Yeremia 47:5

To Gasa da napere mpari ndaya anu maʼai; bangani Asikelo da monjii. Sangkuja ngkasae woʼu to Pelisiti anu yabinya da mapari mpaliu rayanya?

AMOSI 7:11

Natoʼo komi mokole da mate ri pombetoto, pai waʼa nto Isaraeli da ndateo mewali tawani njoʼu ri suo ntana anu lawa ungka ri tananya seʼi.”

AMOSI 7:17

ndatoʼo i mPue rongomu da mewali toposalara ri jaya-jaya ri raya ngkota, pai waʼa anamu da ndapepate ri raya mpoʼiwali. Tanamu da ndatila-tilaka tau ntaninya, pai siko ngkaliomu da mate ri tana ntau anu bareʼe mangaincani i Pue. Waʼa nto Isaraeli manoto da ndakeni ri kareʼe mpantawani, lawa ungka ri tananya.”

Yeremia 4:8

Inceʼe painaka, potumangi pai pokukuoumo, porengkomo karu mewali petondoni ngkapari ndaya. Maka karau ndaya i mPue ntongo mpesongke ri Yahuda bareʼepa manturu.

Ratapan 2:19

Neʼe nuowe-owe membangu sangkasae mbengi, meboo mangaua bangani ndayamu ri Pue. Perapimo da naka merata puru ndayaa, ri waʼa anamu anu da mate yoga, pai malimpu ri posiku-siku njaya.