Mikha 1:12 - Sura Magali Nuntu Ngkatuwu

¹² Rugi ungka ri Pue da jelamo ri baa-baa Yerusale! Inceʼe painaka, bareʼemo reʼe jaya ntaninya to Maroti da mampomata-mata petulungi.

Mikha 1:12 Referans Kwoze

Yeremia 14:19

Pue, bara ja da nditaji mpaliumo Yahuda pai ndipobanciikamo bangani Sioni? Wenu painaka marimbo gaga ndipaboembi kami painaka bareʼemo daʼosa kami? Podo ngkabongo kamampepali kalindo ndaya, bereʼe yowenya kami mampomata-mata kaʼosa, maka anu reʼe podo pejeani.

Mikha 1:9

Maka waʼa mbela Samaria bareʼe da osa, pai Yahuda da napere ngkatedikanaka anu siwia. Karugi jelamo ri Yerusale, baa-baa pebete ntanoana banca-Ku.

AMOSI 3:6

Ara bareʼe da kendende-ndende tau ri raya ngkota ane mangadonge surupeta patondoni mpoʼiwali? Ara da reʼe sambaʼa kota da napere ncusa, ane bareʼe ndapakatu i mPue?

Yeremia 8:15

Podo ngkabongo kita mampomata-mata kaʼuono pai tempo mampakaʼosa, maka anu reʼe podo pejeani.

Yesaya 45:7

Yakumo anu mampapewali rema pai yangi, Yaku anu mampareʼe rasi pai rugi. Yakumo Pue anu mawianaka pura-pura setu.

AYUBI 30:26

Yaku mampomata-mata dago pai reme, paikanya japari pai wengi anu rata.

1 Samuel 4:13

I Eli lau ri kaʼipu-ipu ndayanya manawa-nawa ewambeʼi katedikanaka Peti mPojanji i mPue anu njoʼu ndakeni ri poʼiwali, siʼa njau momondo-mondo, motunda-tunda ri wiwi njaya. Ri karata ntau anu mangkeni bambari ngkapanangi nto Isaraeli, mekiumo motumangi waʼa ntau sandaya ngkota.

RUTI 1:20

Natoʼo i Naʼomi ri tau seʼe, “Neʼemo ndipebooka yaku i Naʼomi, moruana ndipebooka yaku i Mara, maka i Pue Ala Anu Makuasa, mampapaliumo yaku tuwu buke-buke pai parindaya.