Mikha 1:11 - Sura Magali Nuntu Ngkatuwu

¹¹ Komi bangani Sapiri ndipalaimo njoʼu ri pantawani ri pelambe-lambe pai ri kaea matami! Waʼa nto Saana bareʼe nataha mesuwu ungka ri kota ntau seʼe. Pekiu nto Beta-Haeseli, mampatongawaka komi njairia bareʼemo reʼe kareʼe mpetatondo.

Mikha 1:11 Referans Kwoze

Yesaya 20:4

I mokole nto Asuri da mantawani tau ungka ri radua negara setu pai tau seʼe da ndataeri melambe-lambe. Tuʼa mangura, pura-pura da melinja bareʼe mobaju pai motalupa, da tongawa bengonya, mewali tanda pampetikodi Masiri.

NAHU 3:5

Ndatoʼo i mPue Anu Makuasa, “Ee Niniwe, siko da kujeani! Rengkomu da kulambesi ri suara waʼa banca, da naka nakita ntau anu nupomaea.

Mikha 1:8

Inceʼe painaka yaku, i Mika, meʼode ua kapari ndayaku. Yaku da melinja bareʼe morengko pai bareʼe motalupa, mampatongawa ewambeʼi kaʼai ngkapari ndayaku. Yaku da moguangi ewa asu yopo pai mekiu ewa tonci onta.

YEHESIKIELI 23:29

Ua tau seʼe mampobanciika siko, pura-pura waʼa sili lengemu da narampa. Siko da napalaika melambe-lambe ewa sambaʼa weʼa wongo pai da napepeoleka ntau sondo, sawoyo ndaya pai posalaramu

YEHESIKIELI 16:37

Inceʼe painaka, pura-pura anu roo nupotengeaka setu da kupasambaka, bara anu nupokono bara anu nupobanciika ntano. Tau seʼe da mekakore mantolilimi siko pai da malambesi pura-pura rengkomu painaka da nakita ntau seʼe koromu melambe-lambe.

Yeremia 48:9

Patunda watu paʼesa tila Moabi, maka hareʼemo masae tana setu da ndagero mpaliu. Waʼa ngkotanya da marua pai bareʼemo reʼe mau sambaʼa tau anu da meari njairia.”

Yeremia 48:6

Natoʼo ntau seʼe, ‘Pakaliga! Sorepaka inosamu! Poloncomo ewa kalide lampu ri pada bone!’

Yeremia 13:22

Bara da meoasi komi nditoʼo, ara wenu painaka pura-pura setu da mampere kami, wenu painaka rengkomi ndasiati nepa komi majaʼati.Da ndipaincani incetu tepewali ua salaami bangke gaga.

Yesaya 16:2

Waʼa nto Moabi mopea ri wingke ngKoro Arino, seʼi kalinja-linja nakeni ngkalingu ndayanya ewa tonci anu ndairi ungka ri seanya.

Yosua 15:37

Ewanceʼe seʼe sampuyu pai aono kota anu tondanya seʼi, sangkani pai waʼa desa anu sampotenginya, inceʼemo: Senana, Hadasa, Magidale-Gati, Dileano, Misipa, Yoketeeli, Lakisi, Bosokati, Egeloni, Kabona, Lahamasi, Kitilisi, Gederoti, Beta-Dagona, Naama pai Makeda.

Sakharia 14:5

Komi da molonco malulu rato anu mantila radua pongkuntana anu mewali radua setu. Komi da molonco ewa tau piamomi tempo mpolinduginya sindara mpoparenta i Usia mokole Yahuda. Nepa da rata i Pue Ala pueku, naaweri malaeka pura-pura.