Lukas 9:44 - Sura Magali Nuntu Ngkatuwu

⁴⁴ “Ndiparindaya mpodago neʼe ndikalingani waʼa mpau-Ku seʼi: I Ana Manusia da ndapepombaika ri kuasa ntolino.”

Tuntu i mPue ri Basa Taa

⁴⁴ Ia manganto’o, “Ne’e mangkalingan gombo to daKuto’oka komi si’i: Aku, Wiyaa nto Lino, daraposora yau resi tau.” Etu semo to nato’oka i Yesu anaguruNya.

Lukas 9:44 Referans Kwoze

Palaong mPomakau i mPue Yesu 2:23

Silulu pai pepokono-A, i Pue Ala mampakanoto mampepombaika Sira ri komi. Pai ri ndapampembaika seʼe, komi mampepate Sira, ndipapaliuka waʼa ntau majaʼa mampaku Sira ri kaju ndapanggo.

Lukas 9:22

Ndatoʼo woʼu i Yesu, “I Ana Manusia sangaya-ngaya da mampomberataka maria kapari pai da maewa waʼa ntopombawanaka pai waʼa ntadulako ntadu mpanyomba, pai waʼa guru agama. Sira da ndapepate, paikanya ri katatogo ndemenya da ndapapembangu muni.”

Ibrani 2:1

Inceʼe puʼunya kita sangaya-ngaya da mainti-inti tapangkekeni waʼa mpompaguru mPue Ala anu roomo tadonge, da naka neʼe mampalaika peaya ndayata.

Lukas 2:19

Paikanya i Maria nadika ri rayanya pura-pura setu, pai napepewoloka.

Yohanes 19:11

Mesono i Yesu, “Ane bareʼe ndapepombaika i mPue Ala ri siko, siko bereʼe kuasamu ri Yaku. Inceʼe puʼunya painaka tau anu mampepombaika Yaku ri siko anu meruu ngkabangke ncalaanya painaka siko.”

Lukas 24:44

Roo setu ndatoʼoka tau seʼe, “Inceʼimo waʼa anu roo Kupapaincanika komi sindara Yaku ntongo sangkani-ngkanipa pai komi, kakononya waʼa anu roo teʼuki kono Yaku ri raya waʼa Ncura i Musa, Waʼa Nabi, pai Ngayu, sangaya-ngaya da mewali.”

Lukas 18:31

Ndapasambaka tepatani waʼa anaguru-A anu sampuyu pai radua nepa ndatoʼoka, “Ndipedongeka! Seʼi kita da ndeku ri Yerusale, ndatiria da pewalinya pura-pura anu naʼuki waʼa nabi kono i Ana Manusia.

Lukas 2:51

Roo setu mewalilimo Sira sangkani-ngkani pai tau seʼe njoʼu ri lipu Nasare, Sira medonge kojo ri tau seʼe. Paikanya ine-A madika ri rayanya pura-pura anu mewali setu.

Lukas 1:66

Pura-pura tau anu madonge bambari setu mompeoasi ri rayanya natoʼo, “Nunjaa da pewalinya ananggodi setu raneonya?” Maka i Pue mangkariani siʼa.

Markus 9:31

Maka Sira ntongo mampaguru waʼa anaguru-A. Ewanceʼi pantoʼo Yesu, “I Ana Manusia da ndapepombaika ri kuasa ntolino, Siʼa da ndapepate, paikanya ri katatogo ndemenya Siʼa da membangu!”

Markus 8:31

Ungka lairia montepuʼumo i Yesu mampaguru waʼa anaguru-A ka i Ana Manusia sangaya-ngaya da mampomberataka maria kapari, pai da napoʼiwalika waʼa ntadulako, waʼa ntadulako ntadu mpanyomba, pai waʼa guru agama. Sira da ndapepate paikanya ri katatogo ndemenya da ndapapembangu muni.

Matius 26:2

“Da ndipaincani, jamo radua eo, da jelamo ri eo mposusa Pasa. I Ana Manusia da napepombaika ntau da ndapaku ri kaju ndapanggo!”

Matius 16:21

Montepuʼumo ri tempo setu ndatoʼo mpayoa i Yesu ri waʼa anaguru-A, Sira sangaya-ngaya da njoʼu ri Yerusale pai da mampomberataka maria kapari pai pejeani ungka ri waʼa, ntopombawanaka waʼa ntadulako ntadu mpanyomba pai waʼa guru agama. Sira da ndapepate, pai ri katatogo ndemenya da ndapapembangu muni.

2 Samuel 24:14

Mesono i Daudi natoʼo, “Odee! Marugimo yaku! Paikanya ane da nahuku ntolino yaku, moruana kita pura-pura ndahuku i mPue. Maka Sira bangke kapuru ndayaa.”

Yohanes 16:31

Mesono i Yesu ndatoʼo, “Mewali seʼi-seʼi ndiayamo?