Lukas 9:41 - Sura Magali Nuntu Ngkatuwu

⁴¹ Mesono i Yesu ndatoʼo, “Maʼai gagamo komi seʼi! Monco komi waʼa ntau anu lingu pai bareʼe meaya! Sangkuja ngkasae woʼu da karoo-roo-Ku pai komi pai mantuju pande ndaya-Ku ri komi? Keni maʼi ananggodi setu!”

Tuntu i mPue ri Basa Taa

⁴¹ Wali i Yesu mampogomboka tau boros etu Ia manganto’o, “Gete komi to tuwu ri tempo si’i! Komi taa kojo mangaya. Pasi komi pusa, taa mangalulu jaya to monso. Pei nempo masaemo Aku maroo resi komi pei komi tiroowa taa mangaya. Wali masusa rayangKu mampobuuka komi taa kojo mangaya Aku!” Wali yako etu i Yesu manganto’oka ngkai to naposuak measa ananya etu, to’oNya, “Kenika Aku anamu etu.” Wali ngkai etu mangkeni ananya.

Lukas 9:41 Referans Kwoze

Ulang 32:5

Paikanya komi inceʼe banca anu bareʼe todo, pai bareʼe singkana da mewali taua, banca anu buke-buke kabareʼenya monco pai salaa.

Yohanes 20:27

Nepa ndatoʼoka i Toma, “Laenaka palemu jama dodo mpaleku pai pejamamo lompeku. Neʼe bata-bata rayamu paikanya peayamo!”

Yohanes 14:9

Mesono i Yesu ndatoʼo, “Ara masaesa karoo-roo-Ku ri oyomi pai bareʼe nuincani Yaku, ee Pilipu? Tau anu mangkitamo Yaku, nakitamo i Papa. Wenu pai nupantoʼo da, ‘nditujuka kami i Papa’?

Markus 9:19

Ndatoʼo i Yesu ri tau seʼe, “Maʼai gagamo komi seʼi! Monco kojo komi tau anu bareʼe meaya. Sangkuja ngkasae woʼu da karoo-rooku pai komi pai da mantuju pande ndaya-Ku ri komi? Keni maʼi ananggodi setu!”

Matius 17:17

Mesono i Yesu ndatoʼo, “Maʼai gagamo Komi seʼi! Komi waʼa ntau lingu pai bareʼe meaya. Sangkuja ngkasae woʼu da karoo-roo-Ku pai komi pai mantuju pande ndaya-Ku ri komi? Keni maʼi ananggodi setu!”

Ibrani 7:25

Inceʼe painaka rantani masae-sae i Yesu ndakoto mancorepaka waʼa ntau anu rata ri Pue Ala mampoliu Sira, maka Sira tuwu rantani masae-sae pai merapi puru ndaya mPue Ala tila waʼa ntau setu.

Ibrani 4:11

Inceʼe painaka maʼimo kita da mompari-mpari kojo da mantarima peosa anu ndajanji i mPue Ala setu. Neʼe boi reʼe sambaʼa tau ri oyota anu bareʼe marata, ewa tau seʼe owi, ua bareʼe meaya ri Pue Ala.

Ibrani 4:2

Maka Nuntu ngKatuwu roo ndapetumbu ri kita ewa anu ndapetumbu ri tau seʼe. Paikanya pompetumbu ntau seʼe bereʼe yowenya. Maka ri tempo mpadonge ntau seʼe bareʼe naaya.

Ibrani 3:19

Seʼi-seʼi tarata ndayamo katau seʼenya bareʼe da naleʼo mesua, ua tau seʼe bareʼe meaya ri Pue Ala.

Roma 2:4

Bara komi da mampesaru-saru puru ndaya i mPue Ala, kapande ndaya pai kayombu ndaya anu bangke? Manoto ndiincanimo i Pue Ala mampatongawa kapande ndaya-A maka pepokonoa da naka pura-pura komi da majea ungka ri kasalaami.

Palaong mPomakau i mPue Yesu 13:18

Aopo mpuyu ntaʼu kasaenya ndapamponinika i mPue Ala tau seʼe ri pada bone, bareʼe ndapepalisi poʼengko ntau seʼe anu majaʼa.

Palaong mPomakau i mPue Yesu 2:40

Ewanceʼe pontotoraka i mPeturu ri tau seʼe. Pai maria ngayapa totorakanya anu maʼiowaka tau seʼe da naka melapasaka ungka banca anu majaʼa seʼi anu da ndahuku i mPue Ala.

Lukas 8:25

Nepa mompau Sira ndatoʼoka waʼa anaguru-A, “Wenu painaka bareʼe ndiaya Yaku?” Jingki raya ntau seʼe pai maeka raya ntau seʼe. Napombetoʼoka ntau seʼe, “Ara isema kamonconya Sira seʼi sako ngoyu pai ropo medonge ri songka-A?”

Matius 16:4

“Ara maʼai ngkajaʼasa pai baleparusa waʼa ntau tuwu salapi seʼi. Komi merapi da Kutujuka tanda ngkuasa. Bareʼe da ndawaika komi mau sangaya tanda ngkuasa, banya mantoʼo tanda ngkuasa i Nabi Yona.” Roo mompau ewanceʼe malai i Pue, ndapalaika tau seʼe.

Matius 12:39

Mesono i Yesu ndatoʼo, “Ara maʼai ngkajaʼasa pai baleparusa waʼa ntau tuwu salapi seʼi, komi merapi da Kutujuka tanda ngkuasa, banya mantoʼo tanda ngkuasa i Nabi Yona.

Matius 3:7

Maria woʼu to Parisi pai to Saduki rata ri Yohane da mekiriu. Paikanya pangkitanya karata ntau seʼe, natoʼoka tau seʼe, “Komi tau majaʼa! Isema anu mantoʼo kakominya da ndikoto lapa ungka ri popahuku i mPue Ala anu darata?

Yeremia 4:14

Yerusale, tajimo jaʼa ungka ri rayamu, da naka ndasorepaka siko. Sangkuja ngkasae woʼu da nupamporewu nawa-nawa majaʼa setu ri rayamu?

Masmur 78:8

da naka tau seʼe banya da ewa tau piamo ntau seʼe mampokono meewa pai baleparu; tau salapi anu bareʼe maroso peaya ndayanya, pai bareʼe todo ri Pue Ala.

2 RAJA-RAJA 5:8

Anu mewali setu nadonge i nabi Elisa, painaka nawai patuu rata i mokole nto Isaraeli, natoʼo, “Wenu painaka mapari rayami? Pokau tau setu nakamaʼi ri yaku, da naka naincani kareʼenya sambaʼa nabi ri to Isaraeli!”

Pombilang 14:27

“Rantani rata impia nepa da naowe waʼa ntau majaʼa setu da manggantali Yaku? Pura-pura pongkakanguru ntau seʼe kudengemo.

Pombilang 14:11

I Pue mompau ri Musa ndatoʼo, “Sangkuja ngkasae woʼu waʼa ntau seʼi da mangaewa Yaku? Rantani rata impia kabareʼenya naaya ntau seʼe yaku, seʼi mariamo tanda ngkuasa anu kutujuka tau seʼe?

Posuwunya 16:28

Nepa ndatoʼo i mPue ri Musa, “Sangkuja ngkasae woʼu komi seʼi bareʼe da mepoʼinaya riwaʼa ncongkaku?

Posuwunya 10:3

Ungka lairia njoʼumo i Musa pai Haruni mancuaraki i datu mantoʼoka siʼa, “I Pue, Pue Ala pue nto Ibarani mangantoʼo, ‘Sangkuja ngkasaepa bareʼe nupokono da meʼuru ri yaku? Papaliumo waʼa ntauku napalai da napaleʼo ntau seʼe manyomba ri yaku.

Markus 10:49

Meʼonto i Yesu, ndatoʼo, “Ndipeboo tau setu!” Njoʼumo kojo tau seʼe mampeboo tau buta setu, Natoʼoka ntau seʼe, “Parodomo rayamu! Siko ndapeboo i Yesu, peokomo!”

Markus 10:14

Majaʼa raya i Yesu mangkita anu mewali setu pai ndatoʼo ri waʼa anaguru-A, “Ndipapaliuka waʼa ananggodi setu maʼi ri Yaku! Neʼe ndipetangani tau seʼe, maka waʼa ntau ewanceʼemo anu da mewali tau i mPue Ala.

Matius 23:36

Ndipoaya moncomo; pura-pura setu da ndapepalisi ri waʼa ntau anu tuwu salapi seʼi!”

Matius 12:45

Roo setu malai siʼa pai napoyunu papitu inosa majaʼa anu meruu ngkajaʼa painaka siʼa. Ungka lairia mesua tau seʼe ri raya ntau setu pai maroo-roo njairia. Pai kapusanya katedikanaka ntau setu meruumo kajaʼanya painaka iʼowi. Inceʼemo woʼu anu da mewali ri waʼa ntau majaʼa ri tempo seʼi.”

Matius 11:28

Ndikamaʼimo ri yaku ee komi pura-pura anu malenge pai manee kinoyomi; maka Yaku da mawaika komi kangaʼa ndayami.

Lukas 9:40

Roomo kumerapi tulungi ri waʼa anaguru-Mi da mairi inosa majaʼa setu paikanya bareʼe nakoto ntau seʼe.”

Lukas 9:42

Ntongo ndakeni ananggodi setu ri Yesu, meratamo woʼu, nadungkalaka inosa majaʼa ananggodi setu, torokogangimo koronya. Ndaburangkasi i Yesu inosa majaʼa setu, nepa ndapakaʼosa ananggodi seʼe. Roo setu ndawaika papanya ananggodi setu.