Lukas 9:22 - Sura Magali Nuntu Ngkatuwu

²² Ndatoʼo woʼu i Yesu, “I Ana Manusia sangaya-ngaya da mampomberataka maria kapari pai da maewa waʼa ntopombawanaka pai waʼa ntadulako ntadu mpanyomba, pai waʼa guru agama. Sira da ndapepate, paikanya ri katatogo ndemenya da ndapapembangu muni.”

Tuntu i mPue ri Basa Taa

²² Wali yako etu i Yesu manganto’oka wo’u anaguruNya, “Aku, Wiyaa nto Lino, damangarata boros kasesa. Pasi Aku danapobo’o ntau tu’a nto Yahudi pasi kepala-kepala nto pampue pasi tau to mampoguru porenta i Musa. Wali Aku darapopate yau, pei yako etu, ri rayanya togo eo Aku darawangu muni yako ri kapatengKu.”

Lukas 9:22 Referans Kwoze

Lukas 24:7

inceʼemo ‘Ana Manusia sangaya-ngaya da ndapepombaika ri tau masalaa, nepa ndapaku ri kaju ndapanggo, pai ri eo anu katatogo Sira da membangu.’ ”

Lukas 9:44

“Ndiparindaya mpodago neʼe ndikalingani waʼa mpau-Ku seʼi: I Ana Manusia da ndapepombaika ri kuasa ntolino.”

1 Petrus 1:11

Naparesa ntau seʼe kono kaʼewambeʼinya pai kaʼimpianya da pewalinya setu, anu ndatinako ndaya Inosa i ngKerisitu anu lau ri raya ntau seʼe. Inosaa anu mampapaincanika tau seʼe ri tempo setu kono waʼa ngkapari anu ndapomberataka i ngKerisitu pai kono peawa anu bangke, da mepatongawa ri karoonya ndaepe pura-pura waʼa ngkapari setu.

Markus 9:31

Maka Sira ntongo mampaguru waʼa anaguru-A. Ewanceʼi pantoʼo Yesu, “I Ana Manusia da ndapepombaika ri kuasa ntolino, Siʼa da ndapepate, paikanya ri katatogo ndemenya Siʼa da membangu!”

Markus 8:31

Ungka lairia montepuʼumo i Yesu mampaguru waʼa anaguru-A ka i Ana Manusia sangaya-ngaya da mampomberataka maria kapari, pai da napoʼiwalika waʼa ntadulako, waʼa ntadulako ntadu mpanyomba, pai waʼa guru agama. Sira da ndapepate paikanya ri katatogo ndemenya da ndapapembangu muni.

Matius 17:12

Paikanya Kutoʼoka komi, I Elia jelamo paikanya bareʼe naincani ntau seʼe kasiʼanya painaka napowia ntau seʼe siʼa gori mpepokononya. Ewanceʼe seʼe i Ana Manusia da napowia ntau seʼe gori mpepokononya.”

1 Korintus 15:4

Sira roo ndapari dayo, paikanya ri katatogo ndemenya ndawali mpatuwu muni Sira. Inceʼe seʼe laumo ndaʼuki ri Sura Magali;

Lukas 24:26

Ara banya ndatoʼo Mokole Tadungkadago setu sangaya-ngaya da mangaepe riunya kapari setu, nepa narata peawanya?”

Matius 17:22

Sindara ngkaroo-roo i Yesu pai waʼa anaguru-A ri Galilea, ndatoʼo i Yesu ri tau seʼe, “Bareʼemo masae i Ana Manusia da ndapepombaika ri kuasa ntolino.

Sakharia 13:7

Ndatoʼo i mPue Anu Makuasa, “Polengkomo ee penai, pomaimo topongkambi anu motetala ri Yaku! Pepatemo siʼa, painaka waʼa bimba tewuraga. Yaku da mangaungku waʼa ntau-Ku,

DANIELI 9:26

Ri kapusa ntempo setu tadulako anu ndapilisi i mPue Ala setu da ndapepate, ntanoka siʼa bareʼe masala. Inceʼe painaka rata surodado sambaʼa mokole anu maroso, mangagero kota Yerusale sangkani pai Banua i mPue. Kapusa lino setu da rata ewa ue mowo anu mangkeni poʼiwali pai kagero, silulu pai anu roo ndapakanoto i mPue Ala.

Pomulanya 3:15

Siko da moʼiwali pai weʼa setu, mulinya bareʼe bali-bali da moʼiwali pai mulimu. Mulinya da malesaki woʼomu, pai siko da mantungku todu ntau seʼe.”

Matius 27:63

natoʼo, “Tua, kono kaendo ri sindara ntongo tuwupa i kalopu-lopu setu, reʼe natoʼo, ‘Pusa tatogo ndeme yaku da membangu.’

Lukas 17:25

Paikanya uyu-uyunya maria kapari anu da ndapomberataka pai anu bareʼe natarima ntau tuwu salapi seʼi.

Lukas 24:44

Roo setu ndatoʼoka tau seʼe, “Inceʼimo waʼa anu roo Kupapaincanika komi sindara Yaku ntongo sangkani-ngkanipa pai komi, kakononya waʼa anu roo teʼuki kono Yaku ri raya waʼa Ncura i Musa, Waʼa Nabi, pai Ngayu, sangaya-ngaya da mewali.”