Lukas 8:15 - Sura Magali Nuntu Ngkatuwu

¹⁵ Inii anu tudu ri tana maboko inceʼemo tau anu madonge Nuntu, napari ndaya pai naaya kojo, nakekeni kojo Nuntu seʼe pai tongawa powuanya ri katuwunya pai todo ri peaya ndayanya.”

Tuntu i mPue ri Basa Taa

¹⁵ Pei ane liano to rasawu kono ri tana to maboko, tana etu batuanginya tau to matao pasi manoto to mampodongeka kojo tuntu i mPue Allah pei mampalaika. Wali tau etu tare pandoonya mangalulu tuntu i mPue Allah etu see naka pangaya nsira raporapaka ewa pinumuya to mawali kojo wuanya.” Wali ewa wetu nato’o i Yesu mampakanasaka anaguruNya batuanginya rapa mangkonong liano etu.

Lukas 8:15 Referans Kwoze

Ibrani 10:36

Komi da manondo, da naka ndikoto mawianaka pepokono mPue Ala ane ewanceʼe da nditarima nunjaa anu ndajanjika komi.

Lukas 6:45

Ewanceʼe seʼe tau anu madago da tongawa ri waʼa mpowianya anu madago, maka ri rayanya buke pai dago. Tau anu majaʼa da tongawa ri powianya anu majaʼa, maka lawi ri rayanya buke-buke pai jaʼa. Maka nunjaa anu napasowa ri ngujunya inceʼemo anu mesampo ungka ri rayanya.”

1 Yohanes 2:3

Ane mepoʼinaya kita ri waʼa ncongka i mPue Ala, inceʼe sambaʼa katongawanya kita maincani i Pue Ala.

Kolose 1:10

Ane ewanceʼe da ndikotomo tuwu malulu pepokono mPue Ala anu mampakawongko raya-A, painaka mpengaya-ngaya da tongawa wuanya anu madago. Pai pangaincanimi i Pue Ala da kakoteranga-rangani woʼu.

Kolose 1:6

Nuntu ungka ri Pue Ala setu tolelemo ri sambawo lino, pai ua nuntu setu katuwu ntau ndadonco, siwia pai katuwumi woʼu ndadonco, montepuʼu ungka ri padongemi kono puru ndaya mPue Ala pai monco-monco kojo ndipotuwumo.

Yohanes 14:15

“Ane ndipotowe Yaku, da ndipowia waʼa anu Kusongkaka komi.

Lukas 11:28

Paikanya ndatoʼo i Yesu, “Maʼai ngkalindo ndaya ntau anu mampedongeka nuntu i mPue Ala pai nawianaka!”

Pilipi 1:11

Katuwumi da gana-gana pai waʼa mpowia anu mayoa anu podo i Yesu Kerisitu ngkalio-A mangkoto mampowia; inceʼe mewali unde pai pebangkei ri Pue Ala.

Roma 7:4

Da ewanceʼe seʼe komi waʼa ngkasangkompoku, ri waʼa mpadika agama nto Yahudi komi matemo, maka komi ndapasambaʼa-mbaʼamo pai koro i ngKerisitu pai Siramo tumpunya, Sira anu ndapatuwumo muni ungka ri kapate. Sira ndapatuwu muni ungka ri kapate da naka reʼe yowe ngkatuwuta ri Pue Ala.

Roma 6:22

Paikanya seʼi-seʼi komi lapamo ungka ri kuasa ncalaa pai mewalimo watua i mPue Ala. Rasimi inceʼemo komi tuwu tepatani tila i mPue Ala pai da mampareʼe katuwu anu monco anu bareʼe da reʼe kapusanya.

Yohanes 15:10

Ane ndiwianaka waʼa ncongka-Ku, komi todo ri towe ndaya-Ku, ewa Yaku todo ri towe ndaya mPapa, maka Kuwianaka waʼa ncongka-A.

Matius 24:13

Paikanya tau anu todo rantani ri kapusanya da ndasorepaka.

Ulang 30:6

Komi pai waʼa mulimi da ndawaika raya anu malulu, painaka komi da mampotowe i Pue Ala puemi ri kaliogu ndayami pai da maroo-roo mpaliu ri tana setu.

Ibrani 2:1

Inceʼe puʼunya kita sangaya-ngaya da mainti-inti tapangkekeni waʼa mpompaguru mPue Ala anu roomo tadonge, da naka neʼe mampalaika peaya ndayata.

Epesus 2:8

Maka podo ua kapuru ndaya-A painaka komi ndasorepaka ua peaya ndayami. Inceʼe banya sili lengemi, paikanya pombai mpuru i mPue Ala;

1 Korintus 7:19

Maka ndasuna bara bareʼe ndasuna radua-duamo seʼe bereʼe yowenya. Anu bangke yowenya inceʼemo malulu waʼa ncongka i mPue Ala.

Roma 7:18

Kuincani kojo kabareʼenya reʼe mau sakodi anu madago ri koroku; inceʼe ri engkoku ewa sambaʼa tolino. Maka reʼe tangara ndayaku da mampowia anu madago, paikanya bareʼe kukoto mawianaka.

Roma 2:7

I Pue Ala mawai katuwu anu monco pai bereʼe kapusanya ri waʼa ntau anu todo mampowia anu madago, tau seʼe da marata peawa pai pebangkei anu bareʼe da reʼe kapusanya.

Yeremia 31:33

Seʼimo pojanji dawoʼu anu kupowia pai waʼa nto Isaraeli, waʼa mpadika-Ku da Kudika ri raya ntau seʼe, pai Kuʼuki ri ate ntau seʼe. Yaku da mewali Pue Ala ntau seʼe, pai tau seʼe da mewali waʼa ntau-Ku.

Yakobus 1:4

Ndijagai da naka karoso ndayami setu kakoteranga-rangani rantani komi da gana-gana kojo pai bareʼe reʼe bara nunjaa-njaa anu ndipomakura.

Yeremia 32:29

pai da mangantunju rantani wara pura-pura waʼa banua ntau anu mangkelo-ngkelo karau ndayaku, maka di wawo ata waʼa banua setu napantunju ntau seʼe dupa rila i Baʼali pai napabubu ue anggoro anu napanyombaka ri waʼa lamoa.

Yeremia 15:16

Komi mompau ri yaku, painaka kupedongeka pura-pura paumi. Yaku seʼi komi tumpunya, boo Pue Ala Anu Makuasa, inceʼe painaka waʼa mpaumi mampakawongko pai mampakalindo yaku.

PATADA 3:1

Neʼe kojo boi nukalingani nunjaa anu roomo kupaguruka siko anaku. Da nuendo-endo kojo songkaku,

Masmur 119:11

Pompagurumi seʼi kudika ri rayaku da naka bareʼe masalaa yaku ri Komi.

Masmur 51:10

Mbolimo da kudonge bambari wongko ndaya, da naka rayaku anu ndigonu seʼi da wali ngkawongko muni.

Lukas 8:14

Anu tudu ri tana kerui inceʼemo tau anu madonge Nuntu paikanya siʼa jatuwu ri kaʼipu-ipu ndaya, maka rayanya metaka ri kadarayanya koreʼe aga-aga lino seʼi painaka bereʼe powuanya peaya ndayanya.

Lukas 8:16

Bereʼe tau anu mantutuni silo nepa nasangoka gumba, bara nadika ri ara langka ngkayore. Silo setu sangaya-ngaya da nadika ri potunda ncilo, da naka nakita ntau anu mesua ri raya banua raranya.

Roma 8:25

Paikanya ane kita mampomata-mata anu bareʼepa takita mata, inceʼe da tapopea ri karodo ndaya.