Lukas 7:47 - Sura Magali Nuntu Ngkatuwu

⁴⁷ Monco Kutoʼoka siko weʼa seʼi bareʼemo ndakitanaka salaanya mau bangke pai maria kojo, maka natujumo kabangke kojo ntowe ndayanya! Tau anu naepe sakodija salaanya, sakodija woʼu towe ndayanya.”

Tuntu i mPue ri Basa Taa

⁴⁷ Wali see naka Aku manganto’oka korom, tau we’a si’i bae kojo pamporayanginya resi Aku apa dosanya to boros kojo roomo ralapa. Pei tau to mangepe ia taa boros dosanya to ralapa, tau etu taa bae kojo pamporayanginya.”

Lukas 7:47 Referans Kwoze

1 Yohanes 4:19

Kita mepotowe maka i Pue Ala anu mampotowemo kita riunya.

1 Yohanes 3:18

Ee waʼa anaku! Neʼe kita podo mepotowe ri nguju bara podo ri pau. Mbolimo kita da mepotowe ri towe anu monco, anu da tongawa ri powiata.

Yesaya 1:18

Ndatoʼo i mPue, “Maʼi tamparoo kara-kara seʼi. Mau rapanya komi mawaa ewa polimbi ua waʼa ncalaami, komi da kubusu naka buya magali ewa bagi. Mau rapanya waʼa ncalaami sondo pai manee, bareʼemo da kupepalisi pura-pura.

Galatia 5:6

Maka ane kita sambaʼa-mbaʼamo pai i Kerisitu Yesu, kono palulu bara bareʼemo ndalulu ada mpopasuna inceʼe bareʼemo ndapepalisi. Anu ndapariwawo podo peaya ri Kerisitu, pai inceʼe da tongawa ri pampotoweta tau ntaninya.

Roma 5:20

I Pue Ala ngkalio-A anu mawai padika agama nto Yahudi. Paikanya kakomompari-mpari tolino da mawianaka waʼa mpadika setu, kako nalewa ntau seʼe pai manawu ri kasalaa ri Pue Ala. Mau ewanceʼemo napampowia ntolino salaa, kako maʼai-ai pampotowe i mPue Ala tau seʼe.

Epesus 6:24

Mbolimo i Pue Ala da madonco komi pura-pura anu mampotowe Pueta i Yesu Kerisitu pai towe ndaya anu bareʼe da reʼe kabalinya. Petubunaka ungka ri kami, Paulu

Yesaya 55:7

Mbolimo tau majaʼa mampatumoro muni katuwunya, pai mambalisaka jaya mponawa-nawanya. Tuarapa siʼa mewalili ri Pue, da naka narata kapuru ndaya. Mbolimo siʼa da mewalili ri Pue Ala pueta, maka podo ua kapande ndayaa i Pue bareʼemo mangkitanaka salaa.

1 Yohanes 5:3

Maka mampotowe i Pue Ala posokinya todo ri waʼa ncongka-A. Pai waʼa ncongka-A bareʼe manee ri kita.

1 Timotius 1:14

Bangke kojo kapuru ndaya i mPue Ala ri yaku. Sira anu mawaika yaku pangkoto meaya ri Sira pai mampotowe kasitau. Pangkoto setu ndawaika kita pura-pura anu sambaʼa-mbaʼamo pai i Kerisitu Yesu.

Pilipi 1:9

Ewaseʼi kupampekakaika komi, mbolimo komi da kakoteranga-rangani mampotowe i Pue Ala pai kasitau pai kakoteranga-rangani ri paincanimi anu monco ri kaloʼe ndayami.

Palaong mPomakau i mPue Yesu 5:31

Ri Sira ndawaimo i mPue Ala lanti pai kuasa anu bangke da mewali Tadulako pai Toponcorepaka; ndawai tempo ri to Isaraeli da naka majea ungka ri kasalaanya pai da naparata kabareʼenya ndakitanaka waʼa salaa.

1 Yohanes 1:7

Paikanya ane tuwu ri reme sangkani-ngkani pai Pue Ala inceʼemo ndatoʼo reme, kita da tuwu ri pombepotowe sambaʼa pai sambaʼa; pai daa i Yesu Ana-A da mampakagali kita ungka ri waʼa ncalaata.

Lukas 7:39

Pangkita nto Parisi anu mampeboo i Yesu anu mewali setu, natoʼo ri rayanya, “Ane monco tau seʼi sambaʼa nabi, sangaya-ngaya da naincani isema weʼa maisu koronya, weʼa sinjau tau anu tuwu ri raya ngkasalaa.”

Matius 10:37

Bara isema anu mampotowe papanya pai inenya meruu pai pampotowenya Yaku, tau setu bareʼe sintinaja da mewali anaguru-Ku; ewanceʼe seʼe tau anu mampotowe ananya tuama pai weʼa meruu pai pampotowenya Yaku bareʼe sintinaja da malulu Yaku.

2 Korintus 5:14

Towe ndaya i ngKerisitu anu mangkuasai kami; pai kaincani kojo ane sambaʼa tau matemo tila ntau pura-pura, inceʼe posokinya pura-pura tau matemo.

Mikha 7:19

Komi da mapuru muni rayami ri kami pai bareʼemo mangkitanaka kami. Waʼa ncalaa mami da ndija-ijaki pai da nditajika ri oru ntasi.

YEHESIKIELI 16:63

Bareʼemo da kupepalisi pura-pura salaamu, paikanya siko bareʼemo da nukoto da mangangkalingani pai siko da maea matamu da mangantoʼo bara nunjaa-njaa. Yaku Pue Anu Ndate ri Peawanya anu mantoʼomo seʼi.”

Lukas 7:46

Siko bareʼe nububuka lana wongi woʼo-Ku, paikanya weʼa seʼi nabubuka lana wongi witi-Ku.

Lukas 7:48

Mompau i Yesu ri weʼa setu ndatoʼo, “Waʼa ncalaamu bareʼemo ndakitanaka!”