Lukas 7:42 - Sura Magali Nuntu Ngkatuwu

⁴² Tau radua setu bareʼemo nakoto da mabayari indanya, painaka napalisimo ntopompapoana doi indanya. Mewali isema ri oyo ntau radua setu anu maʼai da pampomawonya tau anu mampapoana doi setu?”

Tuntu i mPue ri Basa Taa

⁴² Pei tau dua etu taa kojo re’e doi damangabayar inda nsira, see naka tau to nampapongadaka sira dua doi etu ojo mampakalino yau inda nsira dua. Wali ane ewa pampobuuka ngkorom, Simon, to imba tau dua to kainda etu to bae-bae pamporayanginya resi tau to mampakalino yau inda nsira etu? Bara tau to bae indanya bara to kodi indanya?”

Lukas 7:42 Referans Kwoze

Kolose 3:13

Komi sangaya-ngaya da manondo sambaʼa pai sambaʼa, neʼe mombekitanaka salaa, neʼe madika-dika kodi ndaya ri tau ntaninya. Ua kabuya ndaya i mPue bareʼemo mangkitanaka salaami, mewali komi woʼu neʼe mangkitanaka sala ncambaʼa pai sambaʼa.

Epesus 4:32

Paikanya, tuarapa komi da pande mporaya pai maʼalusu sambaʼa pai sambaʼa, bareʼe mombekitanaka sala ewa i Pue Ala bareʼemo mangkitanaka salaami mampoliu i Kerisitu.

Epesus 1:7

Maka ua kapate i ngKerisitu kita ndasorepaka; inceʼe posokinya salaata bareʼemo ndakitanaka, podo ua kabangke mpuru ndaya i mPue Ala,

Galatia 3:10

Waʼa ntau anu montanje ri pelulunya ri waʼa mpadika pura-pura waʼa ntau setu tuwu ri ara mpopahuku. Maka lau ndaʼuki ri Sura Magali, “Tau anu bareʼe todo ri palulunya waʼa anu teʼuki ri Sura mPadika Agama, ndatadeasi i mPue Ala!”

Roma 5:6

Ri sindara kita bereʼe rosota, i Kerisitu mate tilata singkono pai tempo anu ndapakanoto i mPue Ala; ntanoka kita anu lawa ungka ri Pue Ala.

Roma 3:24

Mewali, podo ua kapuru ndaya i mPue Ala anu mampepombaika ngkabongo, painaka mokenta muni i Pue Ala pai tolino; jaya setu inceʼemo tolino da ndasorepaka ua i Yesu Kerisitu.

Matius 18:34

Nakeni ngkasengke ndaya i mokole, anamayunu anu majaʼa setu nawunca ri raya ntarunggu rantani pura tebayari indanya.”

Yesaya 44:22

Kasalamu Kupapalai ewa limu. Salamu kupakapaya ewa gawu. Pewalilimo ri Yaku, maka Yaku malapasakamo siko!”

Yesaya 43:25

Paikanya Yaku Pue Ala anu bareʼe mampepalisi salaamu, Yaku bareʼe mangkitanaka siko ua ewanceʼemo yaku; bareʼemo kuendo salaamu.

Masmur 103:3

Sira anu bareʼemo mampepalisi salaamu, anu mampakaʼosa waʼa njuʼamu,

Matius 6:12

Neʼemo ndikitanaka kasalaa mami, ewa kami bareʼemo mangkitanaka tau anu masala ri kami.

Matius 18:27

Merata puru ndaya i Mokole ri anamayunu setu, painaka natoʼo i mokole pura-pura indamu Kupalisimo.

Lukas 7:43

Mesono i Simo natoʼo, “Malulu parata ndayaku manoto tau anu maʼai ngkasondo indanya anu ndapalisi.” Mesono i Yesu, “Monco parata ndayamu.”

2 Samuel 14:13

Natoʼo mbeʼa setu, “Ane kumadonge pompaumi Mokole, kamonconya komi seʼe Mokole mangaku masala, maka bareʼe ndiwai anami mewalili ungka pantaji. Wenu painaka komi Mokole mampowia kasala anu ewanceʼe ri tau i mPue Ala?