Lukas 6:23 - Sura Magali Nuntu Ngkatuwu

²³ Maka waʼa nabi ipiamo woʼu napowia ewanceʼe woʼu. Ane tepewali anu ewanceʼe da ndipokawongko ndaya pai ndipoende ri wongko ndaya, maka bangkemo rasi anu ndapatokaka komi ri suruga.

Tuntu i mPue ri Basa Taa

²³ Apa ewa wetu seja naika bue-bue ntau etu resi to pantuntu tuntu i mPue Allah tempo owi. Wali nempo palaong etu mawali resi komi, pakasanang. Masipato ndende kojo raya ngkomi, apa bae kojo ntanapa to danawaika i mPue Allah komi ndate saruga.

Lukas 6:23 Referans Kwoze

Pangkita 21:7

Waʼa ntau anu menangi da mangarata pura-pura ungka ri Yaku. Yaku da mewali Pue Ala puenya, pai tau seʼe da mewali ana-Ku.

Pangkita 3:12

Tau anu menangi, da kupapewali ewa nono ri Banua Magali i mPue Ala-Ku, pai bareʼemo da mesuwu-suwu ungka njairia. Toʼo i mPue Ala-Ku pai toʼo ngkota i mPue Ala-Ku – inceʼemo Yerusale dawoʼu anu menaʼu ungka ri suruga. Ungka ri Pue Ala-Ku – da Kuʼuki ri woto ngkoro ntau setu. Ewanceʼemo toʼo-Ku anu dawoʼu da Kuʼuki ri koronya.

Pangkita 3:5

Waʼa ntau seʼe da ndawaika morengko mabuya. Toʼo ntau seʼe bareʼe da tepalisi ungka ri sura ntau tuwu. Pai ri suara mPapa-Ku pai waʼa malaʼeka da Kupangakuka tau seʼe inceʼemo waʼa ntau-Ku.

Palaong mPomakau i mPue Yesu 5:41

Malaimo waʼa ncuro ungka ri Majalisi Agama setu, mawongko-wongko rayanya maka ndapasingkanamo i mPue Ala tau seʼe da ndapetikodi mamponcuruka i Yesu.

Matius 5:12

Maka waʼa nabi anu mamporiukamo komi, roomo mangkoyo kapari mpejeani anu ewancetu. Ndipakawongko-wongkomo rayami, maka bangke silinya anu ndapatokaka komi i mPue.”

Pangkita 2:26

Waʼa ntau menangi, pai anu todo rantani rata ri kapusanya, mawianaka mpaliu nunjaa anu malulu pepokono ndayaku, da kuwaika kuasa anu siwia ewa anu Kutarima ungka ri Papa-Ku. Tau seʼe da mantarima kuasa ungka ri Yaku da mamparenta waʼa banca pai toko besi, pai da magero waʼa banca setu ewa malesaki kura tana.

Pangkita 2:17

Isema anu motalinga mbolimo napedongeka nunjaa anu natoʼo Inosa mPue Ala ri waʼa dompu! Waʼa ntau anu menangi, da kuwaika mangkoni roti mana anu tesambunika, pai wungka-wungka tau seʼe da marata ungka ri Yaku saogu watu mabuya. Ri watu setu da kateʼuki sambaʼa toʼo anu dawoʼu, anu bareʼe da reʼe tau mangaincani, podo tau anu mantarima watu setu anu mangaincani!”

Pangkita 2:7

Isema anu motalinga mbolimo da napedongeka nunjaa anu natoʼo Inosa mPue Ala ri waʼa dompu! Tau anu menangi, inceʼe anu da Kuwaika mangkoni wua ngkaju ngkatuwu anu tuwu ri Bonde mPue Ala!”

1 Petrus 4:13

Jadandipokawongko ndaya yau ua komi maepe kapari sangkani-ngkani pai i Kerisitu. Maka ane ndapatongawamo peawa i ngKerisitu, da mawongkomo rayami.

Yakobus 1:2

Ee waʼa ngkasangkompo anu kupotowe, ane ndipomberataka mpengaya-ngaya pompebutuka, inceʼe da ndiepe ewa porasi.

Palaong mPomakau i mPue Yesu 3:8

Mesombulaka siʼa toamo mekakore, melinjamo wainjoʼu waimaʼi. Nepa mesua siʼa ri Banua i mPue sangkani-ngkani pai i Peturu pai i Yohane. Seʼi melinja seʼi mesombu-sombulaka naunde i Pue Ala.

2 Tawarikh 36:16

Paikanya jananggarati ntau seʼe waʼa mpomokau i mPue Ala setu, napopogeleka ntau seʼe waʼa nabi-A, bareʼe napedongeka ntau seʼe paunya. Ripurinya maʼaimo karau ndaya i mPue ri tau seʼe, painaka bareʼemo reʼe jaya ntaninya anu da malapasaka tau seʼe ungka ri popahuku-A.

2 Samuel 6:16

Sindara da mpesua waʼa ntau anu mangkeni Peti setu ri kota Yerusale, metangomo i Mikali ana i Saulu rongo i Mokole Daudi ri tuke, nakitamo i Mikali i Mokole Daudi mangaru pai motaro ua mantubunaka i Pue. Merata kalente ndaya i Mikali mangkita poʼengko i Daudi.

Ibrani 11:26

Naepe i Musa maʼai ngkabangke yowenya mangkoyo waʼa mpeposari ua Mokole Tadungkadago painaka da marata aga-aga pai kakoreʼe ntana Masiri; i Musa mampomata-mata saronya anu nepa da rata.

Ibrani 11:6

Ane bereʼe peaya ndaya, bareʼe da nakoto ntau mampowia anu ndapokono i mPue Ala. Maka tau anu madadu i Pue Ala sangaya-ngaya da naaya kojo kamonco-monconya reʼe i Pue Ala, pai kamonco-monconya i Pue mancili powia waʼa ntau anu mampepali Sira.

2 Timotius 2:12

Ane kita todo, kita woʼu da moparenta sangkani-ngkani pai Sira. Ane tapesapuka Sira, Sira woʼu da mampesapuka kita.

Kolose 1:24

Wawaseʼi mawongko rayaku mantodosaka kapari ua da kadagomi. Maka ua kapari anu kuepe ri woto ngkoroku seʼi, kamonconya yaku mantodosoka kapari anu mampabuke kapari anu ndatodosaka i ngKerisitu tila ngkoro-A inceʼemo dompu-A.

2 Korintus 12:10

Mewali kupokawongko woʼu waʼa ngkalenteku. Mawongko rayaku ane yaku ndanuntuki, ane yaku mampomberataka pari, ane yaku ndaduduki pai ane yaku maepe kapari ua i Kerisitu. Maka ane yaku malente, kamonconya ri sindara setumo yaku maroso.

Roma 5:3

Banya podo inceʼe, da mawongko rayata ri raya ngkapari, maka taincani kapari setu mampakaroso rayata.

Palaong mPomakau i mPue Yesu 14:10

naseko i mPaulu marimbo oni nganganya natoʼo, “Peoko pompayoa!” Mesombulaka tau setu mekakore, nepa melinja.

Lukas 6:35

Kamonconya banya ewanceʼe! Komi da kadagonya sangaya-ngaya da mampotowe iwalimi pai da mampowia anu madago ri tau seʼe. Da ndiwaika tau moncabo pai bareʼe mampomata-mata da napampapewalili muni. Ane ewanceʼe da bangke saromi pai komi da mewali Ana i mPue Ala Anu Ndate ri Peawanya. Maka i Pue Ala madago raya ri tau anu bareʼe maincani montarima kase, pai ri tau anu majaʼa woʼu.

Lukas 1:44

Peole, jabutu kudonge oni ngangamu mantabea yaku, molengkomo ananggodi anu ri raya ngkompoku nakeni ngkawongko ndayanya.

Lukas 1:41

Butu nadonge i Elisabe petabea i Maria, molengkomo ananggodi anu ri raya komponya, pai siʼa nakuasai Inosa mPue Ala.

Yeremia 2:30

Bereʼe yowenya komi kuhuku, maka komi bareʼe ndipokono mantarima peseko. Ewa singa anu ntongo mpamewu-mewu, ewanceʼemo ndipampepate waʼa nabimi.

Yesaya 35:6

Tau anu pungku da mesombu-sombulaka ewa lagiwa, tau anu bobo da meboo-boo nakeni ngkawongko ndayanya. Maka mata ue da mebete ri pada bone, koronya da moili ri tongo mpada.

NEHEMIA 9:26

Paikanya waʼa ntau-Mi meewa bareʼe mepoʼinaya ri komi, nalewamo padika pai waʼa ncongka-Mi, tau seʼe mampepate waʼa nabi anu ma-mpatiendo tau seʼe, pai anu mampokau tau seʼe da mewalili ri Komi Pue Ala puenya. Boo Pue, sangkani-sangkani ndapatiendo woʼu, Komi napetikodi ntau seʼe.

2 RAJA-RAJA 6:31

Meboo i mokole, natoʼo, “Sandeme seʼi Elisa sangaya-ngaya da mate. Mbolimo i Pue Ala mangahuku yaku gori ngkaneenya ane bareʼe kupepate i Elisa!”

1 RAJA-RAJA 22:27

Pokau napamparintarunggu tau setu, pai neʼe maria pangkoni pai panginu ndawaika rantani mewalili muni yaku madago-dago.”

1 RAJA-RAJA 22:8

Mesono i Aha, natoʼo, “Reʼepa sambaʼa nabi, i Mika ana i Yimila. Paikanya bareʼe kupokono siʼa, maka bereʼe da napantoʼoka yaku wati anu madago; podo waʼa wati anu jaʼa.” Mesono i Yosafa natoʼo, “Aa, neʼe mompau ewancetu!”

1 RAJA-RAJA 21:20

Pangkita i Aha i nabi Elia, natoʼo, “Oo setumo iwaliku, ri purinya sangaya-ngaya nupepali yaku!” Mesono i Elia, natoʼo, “Monco kojo, maka komi makoje kojo mampowia jaʼa ri suara i mPue.

1 RAJA-RAJA 19:14

Mesono i Elia, natoʼo, “Boo Pue, Pue Ala Anu Makuasa, yaku bareʼe bali-bali motetala podo malulu pepokonomi. Paikanya to Isaraeli malewamo pojanji ntau seʼe pai komi. Tau seʼe marongkasi waʼa lampaʼani mpanyomba ri komi pai mampepate waʼa nabimi. Jamo yaku ngkalioku Pue anu totaʼa, pai seʼi-seʼi tau seʼe da mampepate yaku!”

1 RAJA-RAJA 19:10

Mesono i Elia, natoʼo, “Boo Pue, Pue Ala Anu Makuasa, yaku podo motetala mawianaka pepokonomi. Paikanya to Isaraeli malewamo pojanji ntau seʼe pai komi. Narongkasi ntau seʼe waʼa lampaʼani mpanyomba ri komi, pai mampepate waʼa nabimi. Jamo yaku seʼi Pue anu totaʼa, pai yaku seʼe napepali ntau seʼe da napepate!”

1 RAJA-RAJA 19:2

Padonge Isebeli pura-pura setu, mepatuu siʼa ri Elia, ewaseʼi, “Mbolimo waʼa lamoa da mangahuku yaku bara mampepate yaku, ane iraneo ri tempo anu ewaseʼi bareʼe kupowia siko ewa pampowiamu waʼa nabi Baali setu.”

1 RAJA-RAJA 18:4

Ri tempo pampepate Isebeli waʼa nabi i mPue, nasambunika i Obaja 100 tau nabi i mPue ri raya mbayau, radua wayau napasambunika tau seʼe, sambajau seʼe 50 tau–pai napakoni woʼu waʼa nabi setu.)

Masmur 58:11

Mangkita tau majaʼa ndahuku, mawongko raya ntau anu mayoa, pai witinya nawusoʼika daa ntau baleparu.

MALEAKI 4:1

Ndatoʼo i mPue Anu Makuasa, “Da rata eonya pura-pura anu mobangke-bangke pai majaʼa da ndapanowa ewa deami. Ri eo setu seʼe da ndapanowa rantani pura, bereʼe mau sambaʼa tau yabinya.