Lukas 6:21 - Sura Magali Nuntu Ngkatuwu

²¹ Yontomo kalindo ndayami komi anu maoro wawaseʼi; maka komi da ndapakabosu! Yontomo kalindo ndayami komi anu motumangi wawaseʼi; komi da mogele!

Tuntu i mPue ri Basa Taa

²¹ Masanang komi to moro kompomu ri tempo si’i apa komi darapakabosu. Masanang komi to tumangi ri tempo si’i apa komi damagele.

Lukas 6:21 Referans Kwoze

Yohanes 6:35

Ndatoʼo i Yesu ri tau seʼe, “Yakumo roti ngkatuwu, tau anu madadu Yaku bareʼemo da maoro rantani masae-sae. Pai tau anu meaya ri Yaku bareʼemo da maranganga rantani masae-sae.”

Matius 5:6

Yontomo kalindo ndaya ntau anu mampomawo mawianaka pepokono mPue Ala; Maka i Pue Ala da mampakawongko raya ntau seʼe!

Yakobus 1:12

Yontomo kalindo ndaya ntau anu todo ri peaya ndaya ri sindara naparata pompebutuka. Maka ri karoonya narata pompebutuka seʼe siʼa da marata saronya, inceʼemo katuwu anu ndajanji i mPue Ala ri waʼa ntau anu mampotowe Pue Ala.

Lukas 1:53

Tau anu maoro ndawaika anu gana-gana, tau anu koreʼe ndairi napalai soe-soe pale.

Matius 5:4

Yontomo kalindo ndaya ntau anu mapari rayanya; Maka i Pue Ala da mampalindo raya ntau seʼe!

Pangkita 7:16

Tau seʼe bareʼemo da maepe oro ngkompo bara kangau nganga; rara ndeme pai kapane ndeme bareʼemo da maronco tau seʼe.

Lukas 6:25

Marugimo komi anu mabosu wawaseʼi; maka komi da yoga! Marugimo komi anu mogele-gele wawaseʼi; maka komi da mapari rayami pai motumangi!

1 Korintus 4:11

Rantani wawaseʼi kami mantodosaka kaoro pai karanganga; rengko mami jamo anu metaka-taka ri koro; kami najeani ntau; bereʼe kareʼe mpeari mami;

Yohanes 4:10

Mesono i Yesu ndatoʼo, “Ane rapanya da nuincani pombai mpuru i mPue Ala pai nuincani kaʼisemanya anu merapi ue ndainu ri Siko, manoto da nupamperapi anu ndainu ri siʼa, pai siʼa da mangawaika siko ue anu tuwu.”

Yeremia 31:9

Tau seʼe melinja ri polepe ue mata, Kupalindo pai kuponinika tau seʼe. Kupoyunu tau seʼe malempo tana anu sondo uenya, mampoliu jaya bangke, njairia tau seʼe bareʼe da tesube. Ri to Isaraeli yaku ewa sambaʼa papa; Eparai anaku anu uyue.”

Yesaya 30:19

Ee komi anu meari ri Yerusale, komi bareʼe da motumangi mpaliu, i Pue pande mporaya, pai ganggara ndasono ane meboo komi merapi tulungi ri Sira.

Masmur 107:9

Maka Sira mampakaʼosa raya ntau anu maranganga, pai mampakagana-gana katuwu ntau maoro, mawaika mpengaya-ngaya anu madago.

Masmur 17:15

Paikanya yaku da mangangkita Komi maka yaku bareʼe masala. Ri sindara mpembanguku, mawongko rayaku ua karata-Mi.

Pomulanya 21:6

Natoʼo i Sara, “Ndapapogele i mPue Ala yaku nakeni ngkawongko ndayaku. Pura-pura tau anu mangadonge pewalinya seʼi da mogele mawongko rayanya sangkani-ngkani pai yaku.”

Pomulanya 17:17

Metutu manyomba i Burahima, paikanya mogele siʼa ane nanawa-nawa, “Ewambeʼi da pewalinya sambaʼa tuama anu tinuwu saatu ntaʼu da marata woʼu ana? Ara da mewali i Sara anu tinuwu siompuyu ntaʼu da moana?”

Pangkita 21:3

Kudonge oni nganga ungka ri gadera mpoparenta setu meboo marimbo oni nganganya natoʼo, “Seʼi-seʼi kareʼe mPue Ala sangkani-ngkani pai waʼa ntolino! Sira da sangkani-ngkani pai tau seʼe, pai tau seʼe da mewali tau-A. I Pue Ala ngkalio-A da reʼe ri oyo ntau seʼe pai da mewali Pue ntau seʼe.

2 Korintus 12:10

Mewali kupokawongko woʼu waʼa ngkalenteku. Mawongko rayaku ane yaku ndanuntuki, ane yaku mampomberataka pari, ane yaku ndaduduki pai ane yaku maepe kapari ua i Kerisitu. Maka ane yaku malente, kamonconya ri sindara setumo yaku maroso.

2 Korintus 11:27

Gori mbukuku mompari-mpari, santongo mate kuepe, maria ngkani bareʼe kuleʼo yore, bareʼe mangkoni, bareʼe manginu, maria ngkani da yogamo mantodosaka ranindi seʼi bareʼe morengko pai bereʼe banua da peari.

2 Korintus 6:10

Mau napakakodi raya mami, paikanya kapakawongko raya mami. Katongawanya kami kaasi-asi, paikanya kami mampapuʼumo sondo tau anu koreʼe. Katongawanya kami bareʼe mampotumpu bara nunjaa-njaa, paikanya kamonconya kami mampotumpu mpengaya-ngaya.

Yohanes 11:35

“Motumangimo i Yesu.”

YEHESIKIELI 9:4

“Palaimo njoʼu ri pura-pura suno ngkota pai dikamo petondoni ri tongondoʼu waʼa ntau anu mapari raya pai masusa raya ua pura-pura powia anu parera anu ndawianaka ri kota setu.”

YEHESIKIELI 7:16

Santila da lapa nepa molonco ndeku ri buyu. Njairi tau seʼe da ewa tonci banggebodo anu ndaʼirambai ungka ri rato; pura-pura da meʼode ua waʼa ncalaa ntau seʼe.

Yeremia 31:25

Tau seʼe anu malenge da Kupakadonde rayanya, pai anu malente ua kaoro da Kupakabosu.

Yeremia 13:17

Ane malente rayami mampedongeka, yaku da motumangi mpobaula, ua kapari ndayaku, kumantangisi pekiundemi setu. Da molabo-labo ue mataku ua waʼa ntau i mPue ndateo ewa tawani.

Yeremia 9:1

Ara sakodi ngkadagosa ane woʼo-Ku seʼi da ewa tibubu anu buke pai ue, pai mataku da ewa saluwi anu moili mpaliu uenya! Painaka da Kukoto motumangi ri eo pai ri wengi mangkukuousi waʼa ntau kasambaʼa-mbaʼa bancaku anu napepate iwali.

Yesaya 66:10

Ndipakawongko rayami sangkani-ngkani pai Yerusale, ee komi anu mangampomawo. Komi anu mampomasusa siʼa, seʼi-seʼi maya mawongko raya.

Yesaya 25:6

Ri Pongkuntana Sioni, i Pue Anu Makuasa da mampetikodi pangkoni tila pura-pura banca ri lino. Sira da mamporiokoika anu maʼai mponyaminya pai anggoro anu ndapilisi.

Masmur 143:6

Yaku mekakai ri Komi montambe pale; ewa tana anu mangau tanoanaku maendo Komi.

Masmur 119:136

Ua mataku moili ewa koro ue, ua bareʼe ndalulu padika-Mi.

Masmur 65:4

Waʼa ncalaaku manee kojo kuepe, paikanya bareʼemo ndikitanaka.

Masmur 28:7

I Pue mangkantawi pai to pompelaeku, yaku meaya ri Sira. Sira anu mantulungi pai mampakawongko rayaku, yaku maunde Sira pai ngayu ri wongko ndaya.

Lukas 6:20

Ndapatomata i Yesu waʼa anaguru-A nepa ndatoʼo, “Yontomo kalindo ndayami waʼa ntau anu kaasi-asi, maka komimo waʼa ntau i mPue Ala!

Lukas 6:22

Yontomo kalindo ndayami komi ane napobanciika ntau komi, nairi, napasinggiri, pai napetikodi ua mamponcuruka i Ana Manusia!