Lukas 4:2 - Sura Magali Nuntu Ngkatuwu

² Ganamo patampuyu mbengi patampuyu ndeme i Yesu bareʼe mangkoni pai bareʼe manginu, Ndaepe maoromo kompo-A. Setumo i Majaʼa da mampebutuka Sira.

Tuntu i mPue ri Basa Taa

² Wali opo mpuyu mbengi kasaenya Ia ndate pada bone etu pasi tempo etu Ia nagoda i ngKepala nto pantipu. Ri rayanya opo mpuyu mbengi etu Ia tare mangkoni bara kesaanya, wali see naka Ia moro kojo kompoNya.

Lukas 4:2 Referans Kwoze

1 RAJA-RAJA 19:8

Membangu i Elia mangkoni pai manginu. Roo setu naepe marosomo koronya, nakotomo melinja opompuyu ndeme kasaenya njoʼu ri Buyu Sinai, kareʼe mpepatongawa i mPue Ala.

Posuwunya 34:28

Aopo mpuyu ndeme aopo mpuyu mbengi i Musa maroo-roo njairia sangkani-ngkani pai Pue, sangkasae setu siʼa bareʼe mangkoni bareʼe manginu. Waʼa mpau setu inceʼemo Sampuyu Songka mPue Ala, ndaʼuki ri watu mpoʼuki.

Ibrani 4:15

Tadu mPanyomba Bangke ri kita, banya tadu mpanyomba anu bareʼe mamposiepe waʼa ngkalenteta. Paikanya Sira roo maepe mpengaya-ngaya pompebutuka, siwia pai kita; podo Sira bareʼe masalaa!

Ibrani 2:18

Pai Sira ngkalio-A maepemo kapari pai ndapebutuka, Sira ndakoto mampelae waʼa ntau anu nakono mpompebutuka, maka Sira ngkalioa maepemo pompebutuka pai kapari.

Ulang 9:9

Yaku mandake ri buyu setu da mantarima dopi watu kalau mpojanji anu ndapareʼe i mPue ri komi. Opo mpuyu ndeme pai opo mpuyu mbengi kasaenya yaku ndate ri wawo buyu setu bareʼe mangkoni bareʼe manginu.

Yohanes 4:6

Njairia kanjau ntibubu i Yako. Ua pelinja setu, ndaepe i Yesu maʼaimo kalengea, inceʼe painaka motunda Sira ri sori ntibubu setu. Sawimo reme, tempo-temponya tinti sampuyu pai radua ntongo ndeme.

Ulang 9:18

Nepa sangkani woʼu yaku metutu mombukotu manyomba ri suara i mPue ri wawo buyu ri raya anu opo mpuyu ndeme opo mpuyu mbengi kasaenya bareʼe mangkoni bareʼe manginu. Inceʼe kuwianaka ua komi mampowia salaa ri suara i mPue ri pampowiami anu majaʼa ri suara i mPue, painaka marau rayaa.

Matius 21:18

Bangke reme mowuro-wuro mewalili muni Sira ri kota, ri yae njaya ndaepe maoro-A.

Matius 4:2

Opompuyu ndeme opompuyu mbengi bareʼe mangkoni Sira. Ndaepe maoromo kompoa.

Yunus 3:7

Siʼa woʼu mempapesuwu songka anu ewaseʼi, “Songka seʼi ungka ri Niniwe botusi ungka ri datu pai mantarii: Pura-pura tau, japi, bimba pai waʼa mpinatuwu ntaninya bareʼe maya mangkoni bara manginu.

SETERI 4:16

“Pasambakamo pura-pura to Yahudi anu reʼe ri kota Susani seʼi mampekakaika yaku. Tau seʼe neʼe mangkoni bara manginu togo ndeme togo mbengi. Yaku woʼu pai waʼa anaweʼa anu mamporiokoi yaku da mopuasa. Roo setu yaku da njoʼu mancuara i datu, mau powiaku setu malumpaʼi unda-unda. Ane inceʼemo wereku mbolimo yaku mate.”

1 Samuel 17:16

Aopo mpuyu ndeme kasaenya, sampowuro-sampowuro pai sangkinowia-sangkinowia, da njoʼu i Golia mantimosuki kareʼe mpokema nto Isaraeli, da mampemaa-maa tau seʼe.

Ulang 9:25

Kuincani lawi ndapoima-imamo kojo i mPue da maʼopisaka komi, inceʼe painaka ri raya anu opo mpuyu ndeme opo mpuyu mbengi yaku mombukotu metutu manyomba ri suara i mPue,

Posuwunya 24:18

Mandake mpaliu i Musa rantani tepesua siʼa ri raya limu anu makumba. Opompuyu ndeme pai opompuyu mbengi kasaenya i Musa maroo-roo ndatiria.

Pomulanya 3:15

Siko da moʼiwali pai weʼa setu, mulinya bareʼe bali-bali da moʼiwali pai mulimu. Mulinya da malesaki woʼomu, pai siko da mantungku todu ntau seʼe.”

Lukas 4:3

Natoʼo i Majaʼa ri Sira, “Ara banya siko Ana i mPue Ala? Mewali, pokaumo watu seʼi napewali roti!”