Lukas 4:15 - Sura Magali Nuntu Ngkatuwu

¹⁵ Sira mompaguru ri waʼa banua mpekakai, pai pura-pura tau mangaunde Sira.

Tuntu i mPue ri Basa Taa

¹⁵ Ia mampotunde nja’u banua-banua to napampotunde nto Yahudi, pasi samparia tau mangabarong Ia.

Lukas 4:15 Referans Kwoze

Matius 4:23

Juku-juku tana Galilea ndalinjaki i Yesu, Sira mompaguru ri raya waʼa banua mpekakai pai mampetumbu Nuntu ngKatuwu kakononya da poparenta i mPue Ala. Waʼa ntau anu majuʼa ndapakaʼosa.

Matius 9:8

Pangkita ntau sondo anu mewali setu, maekamo raya ntau seʼe naunde i Pue Ala, maka i Pue Ala mawaimo kuasa anu ewanceʼe ri tolino.

Lukas 13:10

Ri anu saeo kono ri eo Umapo i Yesu mompatuntu ri banua mpekakai.

Markus 1:45

Paikanya malaimo tau setu, napobambarika mpaliu anu mewali setu ri mbeʼi-mbeʼi, painaka bareʼemo ndaleʼo i Yesu mesua ri kota ane nakita-kita ntau. Maroo-roomo Sira ri sambaliku ngkota ri kabareʼenya reʼe tau. Mau ewanceʼe bereʼe karapanya ungka ri mbeʼi-mbeʼi tau madadu Sira.

Markus 1:39

Inceʼe puʼunya painaka i Yesu njoʼu ri pura-pura kota juku-juku Galilea, motuntu ri waʼa banua mpekakai pai mairi waʼa inosa majaʼa.

Markus 1:27

Jingki kojo raya ntau pura-pura, painaka napombepeoasika natoʼo, “Ara nunjaa anu mewali seʼi? Sambaʼa pompaguru anu dawoʼu! Mampoliu roso pai kuasa ndapokau waʼa inosa majaʼa mesuwu, pai tau seʼe medonge ri Sira!”

Matius 13:54

malaimo Sira njoʼu ri lipu-A. Kajela-A ri lipu Nasare, njoʼumo Sira mompaguru ri banua mpekakai ntau seʼe; jingki raya ntau seʼe madonge pompaguru-A, pai napantoʼo, “Ungka ri mbeʼi paratanya loʼe pai kuasa anu ewancetu? Pai ungka ri mbeʼi paratanya kuasa mantuju anu ndapojingki?

Matius 9:35

Ewaseʼemo i Yesu moliliwu ungka ri kota sambaʼa njoʼu ri kota sambaʼa, ungka ri lipu sambaʼa njoʼu ri lipu anu sambaʼa. Sira mompaguru ri waʼa banua mpekakai, pai mampobambarika Bambari ngKawongko ndaya kakononya ewambeʼi i Pue Ala moparenta ewa sambaʼa Mokole. Sira seʼe mampakaʼosa waʼa ntau anu majuʼa mpengaya-ngaya pai anu reʼe posarika ngkoronya.

Yesaya 55:5

Komi da mampeboo waʼa banca anu mencua, painaka tau seʼe ganggara da rata ri komi, ua ka-Yakunya Pue Ala puemi, Pue Ala magali pue nto Isaraeli, maka yaku mangabangkeimo komi.”

Lukas 4:16

I Yesu njoʼu woʼu ri Nasare, inceʼemo lipu mpearia. Ewa anu ndapobiasa ri eo Umapo njoʼu Sira ri banua mpekakai. Mekakore Sira mangabasa Sura Magali.