Lukas 3:11 - Sura Magali Nuntu Ngkatuwu

¹¹ Mesono i Yohane natoʼo, “Tau anu mampotumpu radua baju, sangaya-ngaya sambaʼa da nawaika tau anu bereʼe bajunya; pai tau anu mampotumpu pangkoni, sangaya-ngaya da napotilaka.”

Tuntu i mPue ri Basa Taa

¹¹ Panewa i Yohanes manganto’oka sira, “Ewa si’i danuika ngkomi. Ane tau to dua bajunya, waika yau samba’a resi tau to tare bajunya. Pasi ewa see seja tau to re’e pangkoni, tila yau resi tau to tare pangkoninya.” Etu semo pasono i Yohanes.

Lukas 3:11 Referans Kwoze

1 Yohanes 3:17

Ane sambaʼa tau anu gana-gana katuwunya, pai nakita kasangkomponya tuwu ri kakuranya, pai bareʼe napokono mantulungi kasangkomponya seʼe, ewambeʼi pai da napantoʼo mampotowe i Pue Ala?

1 Timotius 6:18

Perapimo ri tau seʼe da mampatongawa kadago, madoyo mampowia waʼa anu madago, pande mporaya pai bareʼe manongo.

Lukas 18:22

Madonge pesononya setu, pai ndapantoʼo i Yesu, “Reʼepa sangaya anu da nuwianaka: Palaimo pobalu aga-agamu pura-pura. Olinya tilakamo waʼa ntau kaasi-asi, nepa da nurata aga-aga ri suruga. Roo setu, maʼimo malulu Yaku.”

1 Yohanes 4:20

Ane reʼe sambaʼa tau mantoʼo, “Yaku mampotowe i Pue Ala,” paikanya siʼa bareʼe mampotowe kasangkomponya, tau setu kambamba-mbamba. Maka tau anu bareʼe mampotowe kasangkomponya anu nakita mata, ewambeʼi da napangkoto mampotowe Pue Ala anu bareʼe nakita mata.

Yakobus 1:27

Maka pepoʼinaya anu monco ri agama anu silulu pai pepokono mPue Ala Papa: inceʼemo: mantulungi waʼa ana ilu pai waʼa ntau bemba anu mapari katuwunya, pai da majagai koronya ngkalionya da naka neʼe natengosi mpepokono lino seʼi.

Lukas 11:41

Ara banya bangani ntabo pai galasi setu anu da ndiwaika tau kaasi-asi. Ewanceʼemo da naka pura-pura mewali magali ri komi.

Matius 25:40

Da mesono i Mokole setu, ‘Da nakanoto ri rayami, pura-pura anu roo ndipowia ri sambaʼa kasangkompo-Ku anu mapari katuwunya seʼi, inceʼemo powiami ri Yaku.’

DANIELI 4:27

Inceʼe painaka komi da mampedongeka totorakaku. Neʼe ndipowia woʼu salaa, paikanya ndiwianakamo anu monco pai mayoa, pai ndipokapurumo tau kaasi-asi. Ane ewanceʼe komi da madago mpaliu katuwumi.”

Ibrani 6:10

I Pue Ala banya Pue Ala anu bareʼe mayoa. Sira bareʼe kojo da mangkalingani waʼa anu roomo ndipotetalaka pai towe ndaya anu ndituju ri Sira ua ndipantulungi waʼa ntau anu sambaʼa-mbaʼa mpeaya iʼowi pai wawaseʼi.

Palaong mPomakau i mPue Yesu 10:31

Natoʼoka yaku, ‘Koroneli! Pekakaimu ndapedongeka i mPue Ala pai ndaendomo kapande ndayamu.

Palaong mPomakau i mPue Yesu 10:4

Napeole i ngKoroneli malaʼeka setu seʼi maeka rayanya, natoʼo, “Nunjaa Pue?” Mesono malaʼeka setu, “Pekakaimu pai kapande ndayamu ndatarimamo i mPue Ala, pai ndaendomo i mPue Ala siko.

Palaong mPomakau i mPue Yesu 10:2

Siʼa sambaʼa tau anu mampokaeka i Pue Ala. Maria petulunginya ri waʼa nto Yahudi anu kaasi-asi pai siʼa madoyo mekakai ri Pue Ala.

Yohanes 13:29

Reʼe anu masarumaka i Yesu mampokau i Yudasi da maoli bara nunjaa anu da ndapake ri posusa setu, bara da mawai doi teasakodimo seʼe ri tau kaasi-asi maka i Yudasi anu bendahara ntau seʼe.

Lukas 19:8

Rodomo potunda i Yesu ri banuanya, metimosukimo i Sakeu natoʼo, “Pue, santila radua ungka ri aga-agaku da kutilaka waʼa ntau kaasi-asi pai waʼa ntau anu roo kutima anunya ri jaya mpetengosi da kuwaika muni aopo ngkani kasondonya ri anu roo kutima!”

YEHESIKIELI 18:7

Siʼa bareʼepa reʼe pombambanya bara mangangka. Waʼa aga-aga ntau anu napekidika ri siʼa ua moinda ri siʼa sangaya-ngaya na papewalili. Waʼa ntau maoro nawaika pangkoni pai anu bereʼe bajunya nawaika rengko.

Epesus 4:28

Tau anu biasa melima da naowemo melima. Moruana napakadoyo motetala da naka reʼe anu da nakatuwuka narata ungka ri jaya anu monco pai da nakoto mantulungi tau anu mapari katuwunya.

1 Timotius 6:17

Ri waʼa ntau anu koreʼe ri lino seʼi, mbolimo da nupatujuki da naka tau seʼe neʼe mobangke-bangke, pai neʼe mancarumaka aga-aganya anu da paya – inceʼemo waʼa ngkakoreʼenya. Tau seʼe da mancarumaka i Pue Ala anu mawai mpengaya-ngaya ri kita ri kagana-gananya da naka mawongko rayata.

Yakobus 2:14

Ee waʼa ngkasangkompo! Nunjaa yowe pompau ntau anu mantoʼo, “Yaku reʼe peayaku,” ane bareʼe natuju ri powianya? Ara da nakoto mpeaya ndaya anu ewanceʼe da mancorepaka siʼa?