Lukas 24:51 - Sura Magali Nuntu Ngkatuwu

⁵¹ Sindara mpawianaka-A inceʼe, teoretakamo Sira ndeki suruga, tepogaʼamo pai tau seʼe.

Tuntu i mPue ri Basa Taa

⁵¹ Tongo-tongonya Ia makai-kai etu, Ia mampiyaika sira, Ia tiokotakamo nto’u saruga.

Lukas 24:51 Referans Kwoze

Palaong mPomakau i mPue Yesu 1:9

Roo mompau i Pue Yesu ewanceʼe, ndaoretakamo Sira ndeki suruga naole-oleka ntau seʼe, nepa maʼi limu mangkulamuti Sira painaka bareʼemo nakita ntau seʼe.

Yohanes 20:17

Ndatoʼo i Yesu ri siʼa, “Neʼe nukekeni Yaku, maka Yaku bareʼepa ndeku ri Papa. Paikanya palaimo njoʼu ri waʼa ngkasangkompo-Ku, pai petumbuka tau seʼe, seʼi-seʼi Yaku da ndeku ri Papa-Ku pai Papami, Pue Ala-Ku pai Pue Alami.”

2 RAJA-RAJA 2:11

Seʼi melinja, mompasimbaju mpaliu tau seʼe radua setu. Tingkarasaka, setu kareta kila anu nanoʼo nyara kita rata mekarioyo magaʼati tau seʼe radua, nepa teoretaka i Elia ndeki suruga mojaya ri topaore.

Ibrani 4:14

Inceʼemo puʼunya kita sangaya-ngaya da mangkekeni maroso pangaʼaku peayata. Maka kita mampotumpu Tadu mPanyomba Bangke anu bangke mpodago, anu mesuamo rata ri suara mPue Ala – Siramo i Yesu Ana mPue Ala.

Ibrani 1:3

Siramo anu mampatongawa peawa mPue Ala anu kangkido-ngkido makilaya; Siramo turuki ngkoro i mPue Ala ngkalio-A. Ua kakuasa ri nuntu-A Sira mangkekeni kasambaʼa-mbaʼa yangi pai lino. Ri karoonya Sira mampakagali tolino ungka ri waʼa ncalaa ntau seʼe, Sira motunda ri gadera mpoparenta ri suruga sangkani-ngkani pai Pue Ala, anu Makuasa ri wawo pura-pura kuasa.

Markus 16:19

Roo mompau i Yesu ri tau seʼe, Sira ndaoretaka ndeki suruga. Ndatiria Sira moparenta sangkani-ngkani pai Pue Ala.

Lukas 24:50

Roo setu ndapoyunu i Yesu tau seʼe mesuwu ungka ri kota, kalawa ngkanjoʼu ntau seʼe siwia pai kalawa lipu Betania. Njairia ndaokotaka pale-A, nepa ndadonco tau seʼe.

Lukas 24:52

Tau seʼe metutu manyomba ri Sira, nepa mewalili ri Yerusale maʼai kawongko ndaya ntau seʼe,