Lukas 23:5 - Sura Magali Nuntu Ngkatuwu

⁵ Paikanya jana pakaroso ntau seʼe mantoʼo, “Pai pompagurunya, siʼa mantundeki tau ri samalele Yudea; riu-riunya siʼa ri Galilea, pai wawaseʼi jelamo woʼu ireʼi.”

Tuntu i mPue ri Basa Taa

⁵ Pei sira maroso wo’u loonya manganto’o, “Anu to Ia mampotundeka ojo mangarotai tau juku ri tana ngkita to Yahudi. Ia mula mangika palaong to etu nja’u Galilea seore panewa si’i-si’i Ia ratamo rire.

Lukas 23:5 Referans Kwoze

Yohanes 2:11

Inceʼimo tanda ngkuasa anu kaʼisa ndapowia i Yesu. Inceʼe ndawianaka ri lipu Kana ri Galilea. Tanda ngkuasa anu ndapowia setu mampatongawa kabangke mpeawa-A. Inceʼe painaka meayamo waʼa anaguru-A ri Sira.

Yohanes 1:43

Bangke reme ndapakanotomo i Yesu Sira malai njoʼu ri Galilea. Ndapomberataka i Pilipu ndatoʼoka siʼa, “Maʼi lulumo yaku!”

Markus 1:14

Butu ndatarunggumo i Yohane, malaimo i Yesu njoʼu ri Galilea, pai mampobambarika Nuntu ngKatuwu ungka ri Pue Ala njairia.

Matius 4:23

Juku-juku tana Galilea ndalinjaki i Yesu, Sira mompaguru ri raya waʼa banua mpekakai pai mampetumbu Nuntu ngKatuwu kakononya da poparenta i mPue Ala. Waʼa ntau anu majuʼa ndapakaʼosa.

Palaong mPomakau i mPue Yesu 23:10

Kako mempone-mpone popaiso setu painaka ipu raya i ntadulako ncurodado boi napogapasi ntau seʼe i Paulu. Napokau surodado njoʼu mantima i Paulu ungka ri oyo waʼa ntau setu nakeni muni i Paulu ri asirama ntau seʼe.

Palaong mPomakau i mPue Yesu 10:37

Sangaya-ngaya ndiincanimo ri sambawo ntana Yudea, anu montepuʼumo ungka ri Galilea, karoonya popariu anu napepokauka i Yohane.

Palaong mPomakau i mPue Yesu 7:57

Waʼa ntopogombo bangke setu madampo talinganya pai meboo-boo, sintuwu-ntuwu tau seʼe mangantompe i Setepanu.

Palaong mPomakau i mPue Yesu 7:54

Butu nadonge waʼa ntau ri Majalisi Agama setu pura-pura anu natuntu i Ncetepanu, maʼai kojo kakodi ndayanya pai kajaʼa ndaya ntau seʼe ri siʼa.

Palaong mPomakau i mPue Yesu 5:33

Padonge ntau ri Majalisi Agama setu pompau waʼa ncuro ewanceʼe, maʼai kojo kajaʼa ndayanya, pai nasintuwunaka ntau seʼe da mampepate waʼa ncuro setu.

Yohanes 19:15

Pikanya meboo-boo waʼa ntau setu natoʼo, “Pepate Siʼa! Pepate Siʼa! Paku ri kaju Siʼa!” Napeoasi i mPilatu, “Mokolemi seʼi da kupaku ri kaju ndapanggo?” Mesono waʼa ntadulako ntadu mpanyomba natoʼo, “Kami bereʼe mokole mami anu ntaninya waʼanyamo i Datu.”

Yohanes 7:52

Mesono waʼa yununya, “Ara siko woʼu ungka ri Galilea? Paresa bangani Ncura Magali! Bara da reʼe nurata anu mangantoʼo, reʼe nabi da rata ungka ri Galilea!” [

Yohanes 7:41

Santila tau mantoʼo, “Inceʼimo Mokole Tadungkadago.” Paikanya reʼe woʼu anu mantoʼo, “Bareʼe da monco Mokole Tadungkadago da rata ungka ri tana Galilea?

Lukas 23:23

Paikanya janaʼaiwaka ntau seʼe maboo-boo gori ngkarimbonya mantoʼo i Yesu sangaya-ngaya da ndapaku ri kaju ndapanggo. Kapusanya menangimo tau seʼe.

Lukas 11:53

Palai i Yesu ungka njairia, natepuʼumo guru agama pai to Parisi mantusaki ri kajaʼanya Yesu. Nakelo-kelo ntau seʼe Sira da ndapampokono mompau kono anu maria ngaya.

Matius 27:24

Kapusanya, narata ndayamo i mPilatu kabareʼenyamo reʼe jaya narata pai da monjaʼatimo waʼa ntau sondo. Ungka lairia natima i mPilatu ue nawusoʼi palenya ri suara ntau sondo, natoʼo, “Yaku bareʼe tesua mampepate tau seʼi! Inceʼi komi da mangkoyo!”

Masmur 69:4

Yaku meboo-boo rantani malentemo pai mangaumo wurokoku. Mapoi mataku mampopea pompelae ungka ri Pue Ala pueku.

Masmur 57:4

Ungka ri suruga ndasono pai ndasorepakamo yaku; sira mamparapee waʼa ntau anu majeani yaku. I Pue Ala mampatongawa kasiranya todo ri yaku, pai bebali pampotowea yaku.

Masmur 22:16

Wurokoku mangau ewas ripu butolo, jilaku metapa ri langaraku. Pue, Ndipalaika yaku ri wawo awu ewa tau anu tengomo.

Matius 2:1

I Yesu ndapoana ri lipu Beteleme ri tana Yudea ri sindara mPoparenta i Mokole Herode. Pai ri tempo setu seʼe reʼe bara tesangkuja tau anu loʼe mampeole betuʼe ungka ri Pebetea jela ri Yerusale.

Matius 11:1

Ri karoonya ndatotoraka waʼa anaguru-A anu sampuyu pai radua, malaimo Sira njoʼu motuntu pai mompaguru ri waʼa ngkota anu mosu.

Lukas 23:6

Padonge i mPilatu pau ntau setu, meoasi siʼa natoʼo, “Ara tau seʼi to Galilea?”