Lukas 23:2 - Sura Magali Nuntu Ngkatuwu

² Njairia natepuʼumo ntau seʼe mantuluri Sira. Natoʼo ntau seʼe, “Kami marata tau seʼi malinguni raya ntau sondo. Siʼa mantundeki tau da naka neʼe mabayari asele ri Datu, maka natoʼo siʼa inceʼemo i Kerisitu, sambaʼa mokole.”

Tuntu i mPue ri Basa Taa

² Rata nja’u ria sira mula mampakasala i Yesu, sira manganto’oka i Pilatus, “Kami mangarata tau si’i mangampotundeka tau to bansa ngkita see sira damangewa pomarenta ngkomi. Ia manganto’oka sira ne’e mangabayar asele resi makole ngkomi, i Kaisar. Pasi Ia mampoanika Ia semo i Kerisitu, Makole parajanji i mPue Allah.”

Lukas 23:2 Referans Kwoze

Yohanes 19:12

Padonge i mPilatu inceʼe napepalikamo jayanya da naka naleʼo malapa i Yesu. Paikanya meboo-boo waʼa nto Yahudi natoʼo, “Ane ndilapa siʼa manoto komi banya yunu i Datu! Maka tau anu mantoʼo-ntoʼo koronya mokole inceʼemo iwali i Datu!”

Lukas 23:14

nepa natoʼoka tau seʼe, “Komi mangkeni tau seʼi ri yaku pai nditoʼo siʼa mangalinguni waʼa ntau. Seʼi-seʼi roomo kuparesa siʼa ri suarami, paikanya bareʼe liu-liu kurata mau sangaya jaʼa ewa anu nditulurika siʼa.

Palaong mPomakau i mPue Yesu 24:5

Kami marata tau seʼi mampareʼe kakaliwongo anu majaʼa ri mbeʼi-mbeʼi kanjoʼunya da reʼe kaguaga ri oyo nto Yahudi, siʼa mewali tadulako gerombola nto Nasare.

Yohanes 18:30

Mesono tau seʼe natoʼo, “Ane bareʼe reʼe sala-Nya bareʼe da kakenika komi Petoro.”

Markus 12:17

Ndatoʼo i Yesu, “Mewali, ane ewanceʼe. Waika i Datu nunjaa anu napotumpu i Datu, pai ri Pue Ala nunjaa anu ndapotumpu i mPue Ala.” Jingki raya ntau seʼe madonge pesono-A.

Matius 22:21

Mesono tau seʼe, “Teke pai toʼo i Datu!” Ndatoʼo i Yesu, “Ane ewanceʼe, waika i Datu anu i Datu, pai waika i Pue Ala anu i mPue Ala.”

Sakharia 11:8

Reʼe tatogo topongkambi anu mangkelo karau ndayaku pai mampapura kasabaraku. Sambuyaja temponya kuiri tau seʼe.

Yeremia 38:4

Njoʼumo waʼa ntau ndalanti setu ri mokole, mangantoʼoka sira “Tau seʼi sangaya-ngaya da ndahuku mate. Maka ua pompaunya ewaseʼi, siʼa mampakalelumo raya waʼa ncurodado pai waʼa ntau anu ntongo reʼepa ri raya ngkota seʼi. Siʼa bareʼe mantulungi waʼa ntau sondo, paikanya mampakarugi tau seʼe.”

Yeremia 20:10

Ri mbeʼi-mbeʼi kudonge tau mojawa-jawa, “Kaeka ndaya anu mesalimbawo! Maʼi tapampogiluka ri tau anu makuasa!” Sakopa waʼa baleku maramu mantunda-ntundani da kanawuku. Natoʼo ntau seʼe, “Bara da takanarasi da tapaleʼo manangi siʼa, da naka taleʼo mampesawaki kakodi ndayata ri siʼa.”

Masmur 62:4

Ara impia temponya nepa da ndiungku tau anu ongko-ongkomo ewa rindi anu da madungka pai ewa bente anu mosumo da karuanya.

Palaong mPomakau i mPue Yesu 24:13

Bareʼe nakoto ntau seʼe mantuju tanda ngkamonco waʼa mpetuluri ntau seʼe ri yaku anu naparata ri komi.

Lukas 23:5

Paikanya jana pakaroso ntau seʼe mantoʼo, “Pai pompagurunya, siʼa mantundeki tau ri samalele Yudea; riu-riunya siʼa ri Galilea, pai wawaseʼi jelamo woʼu ireʼi.”

Matius 17:27

Paikanya da naka neʼe tapakakodi raya ntau seʼe, moruana njoʼumo momeka ri rano, timamo bau anu uyu mpaleʼomu. Ri raya nganganya da nurata doi anu gana da ndabayarika aseleta kita radua. Timamo doi setu bayarimo ri tau seʼe asele Banua i mPue tilata kita radua.”

AMOSI 7:10

I Amasia, tadu mpanyomba ri Beteli, mampakatu bambari seʼi ri Yerobea mokole nto Isaraeli anu mantoʼo, “I Amosi mogombo pai waʼa ntau sondo da mangaewa i Mokole. Waʼa mpaunya anu mangantundeki tau sondo anu mampareʼe kagero ntana seʼi.

Masmur 35:11

Waʼa ncabi anu kambamba-mbamba maewa yaku, pai mantuluri yaku mawianaka anu bareʼe kuincani.

1 RAJA-RAJA 18:17

Pangkita i Aha i Elia, maboo i Aha, natoʼo, “Seʼimo tau anu mawuraga to Isaraeli!”

Matius 27:11

Ri kajela i Yesu ri suara i mPilatu petoro ri tana setu, meoasi i Pilatu, natoʼo, “Ara siko mokole nto Yahudi?” Mesono i Yesu ndatoʼo, “Ewanceʼe pantoʼomu.”

Markus 15:2

Meoasi i Pilatu ri Yesu natoʼo, “Bara monco kojo siko. Mokole nto Yahudi?” Mesono i Yesu ndatoʼo, “Ewancetumo pantoʼomu!”

Yohanes 18:29

Inceʼe painaka mesuwu i Pilatu madadu tau seʼe, nepa napeoasi, “Nunjaa anu nditulurika tau seʼi?”

Roma 13:7

Mewali, ndibayari ri topoparenta nunjaa anu sangaya-ngaya da ndibayari ri tau seʼe. Da ndibayari asele ane naperapi asele ri komi; da ndibayari bea ane naperapi bea ri komi. Ndibangkeimo tau anu da ndibangkei pai da nditubunakamo waʼa ntau anu lawi da nditubunaka.