Lukas 22:41 - Sura Magali Nuntu Ngkatuwu

⁴¹ Ungka lairia malai Sira lawa sakodi ungka ri tau seʼe, tempo-temponya sampewunu mbatu kalawanya,

Tuntu i mPue ri Basa Taa

⁴¹ Roo see i Yesu yau wo’u njo’u sangkodi, bara togo mpuyu meter kalongkonya. Rata nja’u ria Ia mambokotu pei makai-kai resi i Pue Allah.

Lukas 22:41 Referans Kwoze

Matius 26:39

Roo setu melinja i Yesu lawa sakodi, nepa mombukotu metutu tudu ri tana pai mekakai. Ndatoʼo, “Papa, ane maya, ndipakalawa ungka ri Yaku kapari anu da Kupomberataka seʼi. Paikanya neʼe pepokono-Ku, pepokono-Mi Papa anu da mewali.”

Markus 14:35

Malai i Yesu lawa sakodi nepa mombukotu metutu tudu ri tana nepa mekakai. Ri pekakaia seʼe Sira merapi ane maya Sira bareʼemo da maepe tempo ngkapari setu.

Lukas 18:11

To Parisi setu mekakore ntepatani nepa mekakai natoʼo, ‘Boo Pue Ala, kuunde Komi ri kawongko ndayaku, maka yaku banya ewa tau ntaninya, mojampa pai modenggo rayanya pai mosalara. Kuunde Komi maka yaku banya ewa to ponduru asele sinjau.

Lukas 18:13

Paikanya to ponduru asele setu mekakore lawa-lawa sako metingara ndeki yangi bareʼe nataha. Naonjuri dadanya natoʼo, ‘Boo Pue Ala, ndipokapurumo yaku tau anu masalaa seʼi!’ ”

Palaong mPomakau i mPue Yesu 7:60

Mombukotu i Setepanu nepa meboo marimbo oni nganganya natoʼo, “Pue, neʼe ndipapakoyoka tau seʼe salaa ntau seʼe!” Roo mompau ewanceʼe puramo inosanya.

Palaong mPomakau i mPue Yesu 9:40

Napokau i mPeturu tau seʼe pura-pura mesuwu, nepa mombukotu siʼa mekakai. Roo mekakai nepa nasuaraki wata ngkoro i Dorokasi natoʼo, “Tabita pembangu!” Menaa mata i Dorokasi, butu nakita i Peturu, membangu motunda siʼa.

Palaong mPomakau i mPue Yesu 20:36

Roo mompau i Paulu ewanceʼe, mombukotu siʼa pai waʼa ntau seʼe pura-pura mekakai.

Palaong mPomakau i mPue Yesu 21:5

Paikanya butu pura tempo mami njairia malai woʼu kami mampaliu pelinja mami. Pura-pura tau seʼe sangkani pai waʼa ananggodi maata kami rata ri sambali ngkota. Ri wiwi ntasi, njairia kami mombukotu mekakai.

Ibrani 5:7

Sindara ngkatuwu i mPue Yesu ri lino seʼi, Sira mekakai pai meboo mpotumangi ri Pue Ala, anu mangkoto mancorepaka ungka ri kapate. Pai ua Sira meʼuru ri Pue Ala pai metubunaka kojo, pai ndapampedongeka i mPue Ala Sira.