Lukas 21:8 - Sura Magali Nuntu Ngkatuwu

⁸ Mesono i Yesu, “Ndipakadago neʼe boi komi ndatengosi. Maka maria tau anu da jela mampake toʼo-Ku da natoʼo, ‘Yakumo seʼi! pai jelamo temponya.’ Paikanya neʼe ndiaya tau seʼe.

Tuntu i mPue ri Basa Taa

⁸ Wali i Yesu mangansono, “Pakatao kojo see komi taa natipu ntau mangkonong temponya Aku dama’i muni ri lino. Apa dama’i boros tau to damampoanika Aku, sira damanganto’o samba’a pei samba’a, to’onya, ‘Aku semo i Makole parajanji i mPue Allah.’ Pasi sira damanganto’o, ‘Daratamo tempo ngkama’i i Makole parajanji i mPue Allah.’ Ewa wetu danato’o ntau, pei ne’e mangalulu tau etu.

Lukas 21:8 Referans Kwoze

1 Yohanes 4:1

Waʼa ngkasangkompo anu ndapomawo! Neʼe ndiaya pura-pura tau anu mangaku mampotumpu Inosa mPue Ala, paikanya ndiparesa riunya da ndipaincani bara monco kojo inosa anu lau ri tau setu ungka ri Pue Ala, bara banya. Maka maria nabi anu kambamba-mbamba anu tesebu wainjoʼu waimaʼi.

2 Tesalonika 2:3

Paikanya mau bara ewambeʼi ntano, neʼe boi nalego-lego ntau komi. Maka ri kabareʼepanya rata ri eo setu, da reʼe riunya petondoni anu da mewali: Maria tau anu da mampesapuka peayanya, mampesapuka i Kerisitu; pai i Manusia Majaʼa anu tepakanoto da mewali bangani naraka, da mampetujuka koronya.

Epesus 5:6

Neʼe boi malipo rayami mampedongeka waʼa mpasimbaju anu bereʼe yowenya. Maka pura-puranya setu podo mampapebete karau ndaya mPue Ala ri waʼa ntau anu bareʼe mepoʼinaya ri Sira.

Matius 24:11

Maria nabi kambamba-mbamba da jela, pai maria tau anu da nalinguni.

2 Timotius 3:13

paikanya waʼa ntau anu majaʼa pai waʼa ntau anu kambamba-mbamba da kakoteranga-rangani kajaʼanya. Tau seʼe da mambambasi tau ntaninya ntanoka tau seʼe woʼu da nambambasi ntau.

Yeremia 29:8

Yaku Pue Anu Makuasa, Pue Ala pue nto Isaraeli, mampatiendi komi da naka neʼe ndipokono nambambasi waʼa nabi kalopu-lopu anu reʼe maroo-roo ri oyomi, bara isema ntano anu mangantoʼo tau seʼe maincani nunjaa anu dia mewali ri reme-reme anu nepa da rata, Neʼe ndipedongeka waʼa mpangipi ntau seʼe.

2 Yohanes 1:7

Maria tau anu kambamba-mbamba jianjamo sambawo lino. Tau seʼemo anu bareʼe maʼaku i Yesu Kerisitu rata ri lino ewa tolino. Tau anu ewanceʼe tau kambamba-mbamba pai Iwali i ngKerisitu.

Lukas 17:23

Da reʼe tau mantoʼoka komi, ‘Peole ri njau, peole ireʼi!’ Paikanya neʼe ndipokono malai mampepali.

Pangkita 12:9

Naga bangke setu ndatajika ri sambalikunya! Inceʼemo duata tuʼa anu mampotoʼo i Majaʼa bara Inosa Majaʼa, anu mambambasi sambawo lino. Siʼa ndatajika ri lino sangkani pai waʼa malaʼekanya.

Matius 4:17

Ungka lairia montepuʼumo i Yesu motuntu, ndatoʼo, “Ndiponcosoimo waʼa ncalaami, maka bareʼemo masae i Pue Ala da moparenta ewa sambaʼa Mokole!”

Pangkita 1:3

Yontomo kalindo ndaya ntau anu mabasaka tau pai anu mampedongeka nuntu anu ndaʼuki ri sura seʼi. Maka bareʼemo masae da pewalinya pura-pura setu.

Yohanes 8:24

Inceʼe puʼunya painaka Kutoʼoka komi, komi da mate ri raya ngkasalaami. Pai lawi da mate ri raya ngkasalaami, ane bareʼe ndiaya ka-Yakunya anu ndatoʼo, ‘I YAKU REʼE’. ”

Yohanes 5:43

Yaku rata pai kuasa mPapa-Ku, mau ewanceʼe komi bareʼe mantarima Yaku. Paikanya ane tau ntaninya rata pai kuasanya ngkalionya, ndipokono mantarima siʼa.

Matius 3:2

“Ndikajeamo ungka ri waʼa ncalaami,” nepa natoʼo woʼu, “maka bareʼemo masae i Pue Ala da moparenta ewa sambaʼa Mokole!”

Lukas 21:7

Napeoasi ntau seʼe ri Yesu, “Guru, impiamo da pewalinya pura-pura setu? Pai nunjaa petondoninya ane jelamo tempo da pewalinya?”

Lukas 21:9

Pai neʼe ndipokaeka ane ndidonge bambari mpoʼiwali, pai ponjaʼati. Maka pura-pura setu sangaya-ngaya da mewali riunya. Paikanya incetu banya posokinya jelamo eo kiama.”

Yohanes 8:28

Inceʼe puʼunya painaka ndatoʼo i Yesu ri tau seʼe, “Ane manyombamo komi ri Ana Manusia, nepa da ndiincani ka-Yakunyamo anu ndatoʼo, ‘YAKU REʼE’, pai nepa da ndirata ndaya pura-pura anu Kupowia banya podo elo ndaya-Ku ngkalio-Ku. Anu Kupetumbu pura-puranya anu ndapatadaka yaku i mPapa.

1 Korintus 6:9

Bara bareʼepa ndiincani waʼa ntau anu bareʼe malulu pepokono i mPue Ala, bareʼe da mesua ri Poparenta mPue Ala? Neʼe boi manawu komi ri pokira-kira! Waʼa ntau anu majaʼa gaunya, waʼa anu manyomba ri lamoa, toposalara, tau anu mogau majaʼa pai kasituamanya bara pai kasiweʼanya,