Lukas 20:10 - Sura Magali Nuntu Ngkatuwu

¹⁰ Butu jelamo ri tempo mpapupu wua anggoro, napokaumo ntumpu bonde setu toporiokonya mampomberataka waʼa ntopotetala ri bonde setu da mamperapi tilanya. Paikanya waʼa ntopotetala ri bonde setu mabobaki toporioko setu nepa napokau mewalili soe-soe pale.

Tuntu i mPue ri Basa Taa

¹⁰ “Wali ojo karatanya temponya wua nu anggur etu matasamo, tau pue nawu etu mampokau to papolaonginya yau njo’u to pangkampang nawu etu damangokoka ia wua nu anggur to si ia. Pei ojo karata to papolaong etu, to pangkampang nawu sira mangantidas ia pei manganto’oka ia pawolili muni resi tau puenya. Pasi tare wua nu anggur to nawaika nsira ia.

Lukas 20:10 Referans Kwoze

NEHEMIA 9:26

Paikanya waʼa ntau-Mi meewa bareʼe mepoʼinaya ri komi, nalewamo padika pai waʼa ncongka-Mi, tau seʼe mampepate waʼa nabi anu ma-mpatiendo tau seʼe, pai anu mampokau tau seʼe da mewalili ri Komi Pue Ala puenya. Boo Pue, sangkani-sangkani ndapatiendo woʼu, Komi napetikodi ntau seʼe.

Roma 7:4

Da ewanceʼe seʼe komi waʼa ngkasangkompoku, ri waʼa mpadika agama nto Yahudi komi matemo, maka komi ndapasambaʼa-mbaʼamo pai koro i ngKerisitu pai Siramo tumpunya, Sira anu ndapatuwumo muni ungka ri kapate. Sira ndapatuwu muni ungka ri kapate da naka reʼe yowe ngkatuwuta ri Pue Ala.

Yohanes 15:16

Banya komi anu mampilisi Yaku, paikanya Yaku anu mampilisi komi, pai mampokau komi malai da naka sondo wuami – inceʼemo waʼa mbua anu bareʼe da magero. Pai Papa da mawaika komi waʼa anu ndiperapi ri toʼo-Ku.

Lukas 13:34

Oo, Yerusale! Yerusale! Waʼa nabi nupepate! Waʼa ncuro mPue Ala nuwunu mbatu rantani mate! Bara sangkuja ngkanimo da raya-Ku mampasingkandomu waʼa ntaumu ewa indo manu mantumodosi ananya, ri ara mpaninya, paikanya bareʼe nupokono!

Yeremia 35:15

Bareʼe bali-bali kupampokau pura-pura waʼa nabi, pai roomo napatujuki komi da naka ndibalisaka engkomi pai da ndipeʼontoka mowia jaʼa. Tau seʼe mampatiendo komi da naka neʼe manyomba ri waʼa lamoa ntaninya pai bareʼe meʼuru ri tau seʼe. Da naka ndileʼo meari mpaliu ri tana seʼi, tana anu roo kuwaika komi pai waʼa ntau piamomi. Paikanya bareʼe ndipokono mampedongeka Yaku.

Yeremia 20:2

nasongka tau da naka nawombo yaku nepa ndasangkala ri Baa-baa Bangke Benyami, baa-baa tondo ri wawo Banua i mPue.

Yeremia 5:24

Bereʼe ndipangaendo da mangantubunaka Yaku, ntanoka Yakumo anu mawai uja madago ri tepuʼu pai ri potando nturo mpouja. Yaku seʼe anu mawaika komi turo mpomota santaʼu-santaʼu.

Yeremia 2:30

Bereʼe yowenya komi kuhuku, maka komi bareʼe ndipokono mantarima peseko. Ewa singa anu ntongo mpamewu-mewu, ewanceʼemo ndipampepate waʼa nabimi.

Masmur 1:3

Tau setu da mowua pura-pura anu napotetalaka; siʼa da ewa puʼu ngkaju anu ri wingke ngkoronya anu da mawua ane ratamo temponya, pai bereʼe da kalele iranya.

NEHEMIA 9:30

Santaʼu-santaʼu ri kayombu ndaya-Mi ndipatiendo tau seʼe; mampoliu waʼa nabi, Inosami mompau ri tau seʼe. Paikanya nadampo waʼa ntau-Mi setu talinganya painaka Ndipepombaika ri waʼa banca ri sambawo lino.

2 Tawarikh 16:10

Pompau i Nabi Hanani setu mampakasengke raya i Asa painaka naparintarunggu nabi setu. Sindara setu seʼe reʼe bara tesangkuja tau palilinya najeani i Asa.

2 RAJA-RAJA 17:13

Ndapokau i mPue waʼa mpomokau-A pai waʼa nabia njoʼu ri to Isaraeli pai to Yahuda, mamparataka tau seʼe patiendo i mPue ewaseʼi, “Ndipeʼontoka mampowia anu majaʼa ndipepoʼinayamo ri waʼa ncongka pai padika anu ndawaika waʼa ntau piamomi pai ri komi seʼe mampoliu waʼa nabi, waʼa mbatuaku setu.”

1 RAJA-RAJA 22:24

Njoʼumo i nabi Sedekia mantimosuki i Mika nepa natoposaka lio i Mika, natoʼo, “Ewambeʼi da pewalinya Inosa i mPue da mampalaika yaku nepa da melimba ri siko?”

Lukas 20:9

Ndapau woʼu i Yesu nuntu mporapa seʼi ri waʼa ntau sondo, “Reʼe sambaʼa tau mampotumpu bonde anggoro. Bonde anggoro setu napekikariani ri bara tesangkuja tau nasaro, nepa malai siʼa maroo-roo ri salipunya.

Lukas 20:11

Napokau woʼu ntumpu bonde setu toporiokonya anu ntaninya; paikanya toporioko setu nabobaki woʼu ntopotetala ri bonde, najeani nepa napokau mewalili soe-soe pale.

1 Tawarikh 19:4

Inceʼe pai napancoko i Mokole Hanu waʼa ntau anu napokau i Daudi setu, nakou janggonya nepa napole jubanya rata ri pekonya nepa napokau mewalili.