Lukas 2:46 - Sura Magali Nuntu Ngkatuwu

⁴⁶ Pusa tatogo ndeme napampepali ntau seʼe, nepa narata ntau seʼe Sira ri raya Banua i mPue, motunda-tunda ri oyo waʼa guru agama mampedongeka tuntu ntau seʼe, pai maria pompeoasi.

Tuntu i mPue ri Basa Taa

⁴⁶ Wali ojo kagananya togo eo sira mangaliwu i Yesu, panewa sira mangarata Ia ri raya banua i mPue Allah. Ia re’e matunda ri oyo ntau to mampotunde agama nto Yahudi, Ia mangampodongeka gombo nsira pasi masipotanaka resi sira.

Lukas 2:46 Referans Kwoze

Lukas 5:17

Ri anu sandeme ntongo mompaguru i Yesu, njau woʼu bara tesangkuja to Parisi pai waʼa guru agama motunda-tunda njairia. Waʼa ntau anu tepasambaka setu reʼe anu rata ungka ri Yerusale, ungka ri kota-kota ri Galilea pai Yudea. Tongawa kojo kareʼe ngkuasa i mPue ri Yesu pai ndapangkoto mampakaʼosa waʼa ntau majuʼa.

Palaong mPomakau i mPue Yesu 5:34

Paikanya ri oyo ntau mogombo setu njau sambaʼa to Parisi i Gamalie toʼonya. Siʼa sambaʼa guru agama anu maʼai napantubunaka ntau pura-pura. Meoko siʼa napokau mangkeni mpesuwu riunya waʼa ncuro setu ri sambalikunya.

Yesaya 50:4

I Pue Anu Ndate ri Peawanya mampaguru yaku mompau, da naka pauku mampakaroso raya ntau anu malente. Sampowuro-sampowuro Sira mampakaroso kadarayaku da mampedongeka pompagurua tilaku.

Matius 12:40

Maka i Yona tatogo ndeme pai tatogo mbengi ri raya ngkompo bau bangke. Da ewanceʼe seʼe i Ana Manusia tatogo ndeme pai tatogo mbengi ri raya ntana.

1 RAJA-RAJA 12:12

Tatogo udeme ungka njairia i Yerobea pai pura-pura tau seʼe setu maʼi woʼu mancuara i Mokole Rehabeam, silulu pai anu napesongkaka.

1 RAJA-RAJA 12:5

Mesono i Rehabea, “nepa da kunawa-nawa riunya, nepa wali ngkamaʼi muni komi tatogo ndeme waseʼi.” Inceʼe painaka mewalilimo waʼa nto Isaraeli setu.

Matius 16:21

Montepuʼumo ri tempo setu ndatoʼo mpayoa i Yesu ri waʼa anaguru-A, Sira sangaya-ngaya da njoʼu ri Yerusale pai da mampomberataka maria kapari pai pejeani ungka ri waʼa, ntopombawanaka waʼa ntadulako ntadu mpanyomba pai waʼa guru agama. Sira da ndapepate, pai ri katatogo ndemenya da ndapapembangu muni.

Lukas 2:47

Tau pura-pura anu njau njairia, jingki rayanya mampedongeka waʼa mpesono-A, maka tongawa kojo kaloʼe-A.

Yohanes 3:10

Mesono i Yesu, ndatoʼo, “Siko guru ri to Isaraeli; wenu painaka bareʼe da nuincani?

1 Timotius 1:7

Tau seʼe da rayanya mewali waʼa guru agama, ntanoka tau seʼe ngkalionya bareʼe narata ndaya waʼa mpau anu natoʼo bara nunjaa posokinya anu natuntu ri gori mpaincaninya.