Lukas 2:10 - Sura Magali Nuntu Ngkatuwu

¹⁰ Paikanya natoʼo malaʼeka setu ri tau seʼe, “Neʼe maeka! maka yaku rata mampetumbuka komi bambari madago galami – bambari anu mampakawongko raya ntau pura-pura.

Tuntu i mPue ri Basa Taa

¹⁰ Pei pomakau i mPue etu manganto’oka sira, “Ne’e meka! Apa aku rata mangangkenika komi kareba matao to damampakandende raya ntau samparia.

Lukas 2:10 Referans Kwoze

Yesaya 40:9

Pandakemo ri lolo buyu anu ndateka pai paratamo bambari ngkawongkondaya ri Yerusale! Peboomo ri gori ngkarimbo oni nganga, pai paratamo bambari ngkawongko ndaya ri Sioni! Toʼokamo waʼa ngkota ri Yahuda da karata mPue Ala pue ntau seʼe!

Yesaya 61:1

Kuasa i mPue Anu Ndate ri Peawanya reʼe ri yaku; Sira mampilisi pai mampokau yaku da mangangkeni bambari anu madago ri tau anu kaasi-asi pai mampakaʼosa tau anu mapese rayanya; pai da mampetumbu ri waʼa ntau anu ndapungu, katau seʼe da ronga ndalapasaka, pai ri waʼa ntau anu ndatarunggu, katau seʼenya da ndalapa.

Yesaya 52:7

Ara mawongkosa raya mangkita karata mpomokau; siʼa malempo buyu mongkodo pai mangkeni bambari madago, bambari kalindo ndaya, bambari ngkatesorepaka tila Sioni; natoʼo, “Pue Alamu Mokole!”

Matius 28:18

Ndatimosuki i Yesu tau seʼe nepa ndatoʼoka, “Pura-pura kuasa anu ri suruga pai anu ri lino roomo ndawaika Yaku.

Pomulanya 12:3

Yaku da mangadonco waʼa ntau anu mangadonco siko pai da mantadeasi waʼa ntau anu mantadeasi siko. Pai ua kasikonya yaku da mangadonco pura-pura banca ri lino.”

Matius 14:27

Paikanya liu-liu ndaseko i Yesu tau seʼe ndatoʼo, “Ndikarodo Yaku i Yesu. Neʼe maeka!”

Lukas 1:30

Mompau malaʼeka setu ri siʼa natoʼo, “Neʼe maeka Maria, maka siko marata puru ndaya mPue Ala.

Yesaya 41:27

Yaku, Pue anu uyu-uyunya mabambarika Sioni; Yaku anu mampokau tau mangkeni bambari madago njoʼu ri Yerusale.

Kolose 1:23

Paikanya, komi sangaya-ngaya da todo pai da maroso ri peaya ndayami. Neʼe boi ndilapasaka pampomata-mata anu roo ndawaika komi ri tempo mpancabemi Nuntu ngKatuwu ungka ri Pue Ala. Nuntu setu tolelemo ri sambawo lino. Pai inceʼemo puʼunya painaka yaku, i Paulu mewalimo to porioko.

Palaong mPomakau i mPue Yesu 13:32

Mewali seʼi kapetumbu ri komi Nuntu ngKatuwu; inceʼemo anu roo ndajanji mPue Ala ri tau piamota,

Lukas 24:47

Ewanceʼe woʼu ri raya ntoʼo Mokole Tadungkadago setu sangaya-ngaya da ndapobambarika ri mpengaya-ngaya banca, tolino sangaya-ngaya da majea, pai i Pue Ala bareʼemo mangkitanaka salaa. Pai bambari setu sangaya-ngaya da ndapobambarika montepuʼu ungka ri Yerusale.

Lukas 8:1

Bareʼe masae ungka njairia, malaimo i Yesu, maliliwungi waʼa ngkota pai waʼa lipu mampetumbu Nuntu ngKatuwu anu mantoʼo i Pue Ala montepuʼumo moparenta ewa sambaʼa Mokole; pelinja-A seʼe sangkani-ngkani pai anaguru-A anu sampuyu pai radua.

Epesus 3:8

Ri pura-pura tau i mPue Ala, yakumo anu maʼai ngkakodinya. Mau ewanceʼe ndawai i mPue Ala ri yaku tetala seʼi, tetala mampobambarika Nuntu ngKatuwu ri waʼa ntau anu banya to Yahudi, anu banganinya inceʼemo kakoreʼe i ngKerisitu anu bareʼe da reʼe kapusanya;

Lukas 1:19

Mesono malaʼeka setu natoʼo, “Yaku seʼi i Jabaraeli, yaku mamporiokoi i Pue Ala, pai Sira anu mampokau yaku da mampetumbuka siko bambari anu madago seʼi.

Sakharia 9:9

Ee bangani Sioni, pakawongkomo rayamu! Ee bangani Yerusale, ponggoramo! Peolemo! Mokole rata mangkeni penangi! Siʼa Mokole anu mayoa anu mangkeni katesorepaka. Paikanya Sira lauka raya, Sira rata mampelamba kalide, sambaʼa kalide anu mangurapa.

Lukas 1:13

Paikanya mompau malaʼeka setu natoʼo, “Neʼe maeka siko Sakaria! Maka ndapedongekamo i mPue Ala pekakaimu. Rongomu i Elisabe da mampoana sambaʼa ana tuama pai da nupapotoʼoka i Yohane.

Markus 1:15

Ndatoʼo, “I Pue Ala da ronga montepuʼu moparenta. Ndikajeamo ungka ri waʼa ncalaami, pai da ndiayamo Nuntu ngKatuwu anu ungka ri Pue Ala!”

Yesaya 49:6

Ndatoʼo i mPue ri yaku, “Tetala anu meruu ngkabangke mampopea siko, ee watuaku; siko banya podo da mampapewalili yabi muli i Yako pai da mawali wangu muni katetoʼo waʼa lemba nto Isaraeli, paikanya kupapewali woʼu reme ri waʼa banca, da naka sambawo lino ndasorepaka.”

Roma 10:15

Pai ewambeʼi da pangkeni ntau bambari setu ane bareʼe ndapokau? Lau ndaʼuki ri Sura Magali, “Madago kojo karata waʼa ntau anu mangkeni Nuntu ngKatuwu ungka ri Pue Ala!”

Markus 16:15

Nepa ndatoʼo i Yesu ri tau seʼe, “Ndipalaimo ri sambawo lino pai ndipobambarikamo Nuntu ngKatuwu ungka ri Pue Ala ri pura-pura tolino.

Matius 28:5

Mompau malaʼeka setu ri waʼa mbeʼa setu, natoʼo, “Neʼe maeka! Kuincani komi mampepali i Yesu anu roomo ndapaku setu.

DANIELI 10:19

Natoʼo, “I Pue Ala mampokapuru siko, inceʼe painaka neʼe malelu rayamu pai maeka, io pakaroso rayamu!” Sindara pompaunya ewanceʼe, kuepe terangani woʼu rosoku pai kumompau kutoʼo, “Ndipompaumo Tua, Komi mangaranganimo rosoku.”

Yesaya 52:10

I mantujumo kakuasaa ri suara waʼa banca. Painaka sambawo lino da mangancabi katesorepaka ungka ri Pue Ala pueta.

Lukas 2:11

Sandeme seʼi ndapoanamo Mokole Tadungkadago anu da mancompo salaami, inceʼemo i Kerisitu Pue, ri lipu i Daudi.