Lukas 19:44 - Sura Magali Nuntu Ngkatuwu

⁴⁴ Nagero siko sangkani pai waʼa ntau banganimu da naropu pai bareʼemo da reʼe sako saogu watu anu mombekekeni pai yununya, ua kabareʼenya meaya siko ri tempo ngkajela ntowe ndaya i mPue Ala da mancorepaka siko!”

Tuntu i mPue ri Basa Taa

⁴⁴ Balimu etu damampakaja’aka yau kota ngkomi pasi komi to maroo ri rayanya. Wali watu ri kota ngkomi dararantamaka yau samparia. Tare pasi songu to taa darayali yau. Wali palaong etu damawali resi komi apa ratamo temponya i Pue Allah ma’i damampalaes komi pei komi taa mangalinga tempo etu.”

Lukas 19:44 Referans Kwoze

Lukas 21:6

“Mosumo temponya pura-pura anu ndikita setu da magero, bareʼemo da reʼe mau saogu watu ireʼi anu da njau tepatapi ri kareʼenya.”

Ratapan 1:8

Yerusale maonusi koronya ngkalionya, ua pawianakanya sondo salaa anu karika. Pura-pura tau oni i owi mantubunaka siʼa, seʼi-seʼi mampetikodi siʼa, ua mangkita siʼa bareʼe morengko, siʼa meʼode mapari ua bemoreʼe olinya.

1 Petrus 2:12

Ri oyo ntau anu bareʼe maincani i Pue da madago-dagonya poʼengkomi, da naka ane nanuntuki ntau seʼe komi ewa waʼa ntau majaʼa, sangaya-ngaya da naʼaku ntau seʼe waʼa mpowiami anu madago, painaka da naunde ntau seʼe i Pue Ala ri eo ngkarata-A.

Lukas 19:42

Ndatoʼo, “Pindongo meawa ara lesesa, ane nuincani sandeme seʼi, anu mangkeni kalindo ndaya, pindongosa bareʼe nakita matamu sandeme seʼi.

Lukas 1:68

“Maʼimo kita maunde i Pue, Pue Ala nto Isaraeli! Sira ratamo mampelae waʼa ntau-A, pai malapasaka tau seʼe.

Matius 24:2

Mompau i Yesu ri tau seʼe ndatoʼo, “Ara ndikitamo pura-pura setu? Ndiincanimo, bareʼemo da reʼe mau saogu watu anu da mokenta pai kasiwatunya. Pura-pura setu da magero.”

DANIELI 9:24

Papitu ngkani papitu mpuyu ntaʼu inceʼemo tempo anu ndapakanoto i mPue Ala da ndapalapa bancamu pai kotamu anu magali setu ungka ri salaa pai jaʼa. Waʼa ncalaa bareʼemo da ndakitanaka pai kamonco anu bereʼe kapusanya da ndapapekakore rantani pepatongawa pai wati setu da kobangani, pai Banua i mPue anu magali setu da ndapake muni manyomba ri Pue.

Lukas 1:78

I Pue buke puru pai towe ndaya kajela-A ua mancorepaka kita. Daʼewa reme mebete mpowuro.

Markus 13:2

Mesono i Yesu ndatoʼo, “Nukitamo kojo waʼa banua anu bangke setu? Bareʼe da reʼe mau saogu watu ungka ri waʼa banua setu anu da totaʼa tepatapi ri kareʼenya. Pura-pura da ndaruasi.”

Mikha 3:12

Ua kajaʼamu setu, Sioni da nasuʼa mpajeko ewa jamaa, Yerusale da mewali pobuyu-buyu awu, pai pongku ntana Banua i mPue da mewali yopo mapepu.

Masmur 137:9

Morasimo tau anu mantima waʼa ongaamu nepa napetasoka ri roka mbatu!

Yesaya 10:3

Nunjaa da ndipowia ri eo mpangahuku i mPue Ala komi? Ewambeʼi da pelikomu sindara Sira mampatudu kapari ungka ri tana anu lawa? Ri seme da pekipelaemi? Ri mbeʼi da ndipampesambunika kakoreʼemi setu?

Yesaya 29:3

I Pue Ala da maungku pai da malimbu ncape kota setu.

Yeremia 11:23

Roomo kupakanoto temponya da karata ngkapari ri waʼa nto Anato, pai ane ratamo temponya pahuku tau seʼe, bereʼe mau sambaʼa tau anu da lapa.”

DANIELI 9:26

Ri kapusa ntempo setu tadulako anu ndapilisi i mPue Ala setu da ndapepate, ntanoka siʼa bareʼe masala. Inceʼe painaka rata surodado sambaʼa mokole anu maroso, mangagero kota Yerusale sangkani pai Banua i mPue. Kapusa lino setu da rata ewa ue mowo anu mangkeni poʼiwali pai kagero, silulu pai anu roo ndapakanoto i mPue Ala.