Lukas 16:23 - Sura Magali Nuntu Ngkatuwu

²³ Mapari kojo naepe ri kareʼe ntau mate. Sindara pantodosakanya kapari seʼe, metingara siʼa; ungka ri kalawanya nakita i Burahima pai i Lasaru njau motunda ri soria.

Tuntu i mPue ri Basa Taa

²³ Wali tau sugi etu masesa kojo la’u lipu ntau mate. Pei ia matingoa pei mangangkita i Abraham nja’u longko pasi mangkita seja i Lasarus ri awe i Abraham.

Lukas 16:23 Referans Kwoze

2 Petrus 2:4

Ewanceʼe seʼe waʼa malaʼeka anu masalaa bareʼe dalapa ungka ri popahuku i mPue Ala, tau seʼe da ndatendeka ri apu naraka. Tau seʼe da ndapapesua ri ngoyo anu wani, njairia da napampopea Eo mPabotusi hukunya.

Lukas 16:28

Maka lau alima kasangkompoku, da napampatujuki i Lasaru tau seʼe, boi da jela woʼu ri kareʼe anu mapari seʼi.’

Matius 23:33

Komi tau majaʼa pai muli waʼa ntau anu majaʼa! Ewambeʼi da ndipangkoto lapa ungka ri popahuku ri apu naraka?

Matius 18:9

Pai ane matamu anu mampapopuʼu siko mowia salaa, juʼimo pai tajikamo. Moruana siko da tuwu sangkani-ngkani pai Pue Ala mau bereʼe matamu sambali, painaka siko ndataji ri apu naraka mau momata mpotimali.”

Masmur 9:17

I Pue mampatongawamo koroa ua pobotusia mayoa. Tau majaʼa manawu ua powianya ngkalionya.

Pangkita 20:10

Nepa i Majaʼa anu mantengosi tau seʼe setu ndapetasoka ri raya ntasi apu pai belerangi. Njairiamo kareʼe mpinatuwu pai nabi kambamba-mbamba setu tau seʼe anu ndapetasokamo riunya njairia. Tau seʼe da ndajeani ri eo pai ri wengi rantani masae-sae.

Lukas 8:28

Butu nakita i Yesu, mekiu siʼa nepa mombukotu manyomba ri Sira seʼi meboo-boo natoʼo, “Yesu Ana i mPue Ala sindate! Ara da nukuja yaku seʼi? Kuperapi neʼe nujeani yaku!”

Matius 5:29

Ewanceʼe seʼe rapanya; ane matamu mokana mampapopuʼu kanawumu ri raya ncalaa, juʼimo pai tajikamo! Moruana tetaji sangaya ri parewa ngkoromu painaka siko da ndatendeka ri apu naraka,

Matius 5:22

Paikanya seʼi-seʼi Kutoʼoka komi, bara isema anu pasengke ri tau ntaninya da ndahuku; pai bara isema anu mampepepara yunu, sangaya-ngaya siʼa da ndapekibotusi ri suara Majalisi Agama. Pai bara isema anu mantoʼoka yunu, ‘Tengo asu’, siʼa da ndahuku i mPue Ala pai da ndatendeka ri apu naraka.

Yesaya 14:15

Ntanoka siko ndanawu ri kareʼe anu maʼai kalaukanya ungka ri lino kareʼe ntau mate.

Yesaya 14:9

Madoro lino kareʼe ntau mate mantomu karata mokole nto Babeli setu. Painaka kalumbangumo angga waʼa ntau anu iʼowi makuasa ri lino, pai angga waʼa mokole ungka ri gadera mpoparenta ntau seʼe.

1 Korintus 15:55

“Ee kapate ri mbeʼimo penangimu? Ee kapate, imbeʼi sengumu?”

Matius 11:23

Pai siko, Kapenau! Nusarumaka siko bara da ndatanderaka sawi ri yangi? Bareʼe! Siko da ndatajika ri naraka! Maka ane rapanya waʼa ntanda ngkuasa anu roo ndapowiaka siko setu ndapo wiamo ri Sodomo, manoto ntongo da reʼepa Sodomo setu rantani wawaseʼi!

Matius 8:29

Mesuwu tau radua setu ungka ri dayo, meboo-boo natoʼo, “Ee Ana mPue Ala, ara da nukuja kami, bara da Nujeani kami mau bareʼepa rata ri temponya?”

PATADA 15:24

Tau loʼe da mangalulu jaya mandake mantotoraka katuwu; banya jaya anu mobalungke mantotoka kapate.

PATADA 9:18

Waʼa ntau anu mewali sinokonya setu bareʼe naincani kapura-puranya tau anu njoʼu madadu siʼa, paka mate njairia; pai tau anu mesuamo ri banuanya, wawaseʼi reʼemo ri kareʼe ntau mate.

PATADA 7:27

Ane njoʼu ri banuanya, posokinya mantimamo jaya njoʼu ri kapate.

PATADA 5:5

Siko da naombitaka njoʼu ri kareʼe ntau mate; jaya anu nalulu njoʼu ri kapate.

Masmur 86:13

maka Komi bareʼe bali-bali mampotowe yaku, ri kabangke ntowe ndaya; Komi anu roo mantuwuri yaku ungka ri raya dayo.

Masmur 49:15

Ewa bimba, tau seʼe lawi ndapakanoto da mate; kapate anu da mewali topongkambi ntau seʼe. Mowuro-wuro tau seʼe da nanangi ntau anu mayoa; watangkoronya da ronga oso ri kareʼe ntau mate, lawa ungka ri kareʼe anu meawa.

Masmur 16:10

Maka Komi bareʼe mampapaliuka yaku mate; tau Ndipotowe bareʼe ndiwai da magero.

Lukas 16:24

Meboo i koreʼe natoʼo, ‘Boo ngkai Burahima! Ndipokapuru yaku, ndipokauka yaku i Lasaru setu mau podo karamanya naome ri ue nepa natedesika jilaku, mapari kojo kuepe ri apu seʼi!’