Lukas 16:11 - Sura Magali Nuntu Ngkatuwu

¹¹ Mewali, ane kono kakoreʼe lino seʼi komi bareʼe ndasarumaka, isema anu da mampesarumakaka ri komi anu ncuruga?

Tuntu i mPue ri Basa Taa

^11-12 Wali ane komi taa maya rasarumaka mampasilonga kasugi ri lino si’i, to kamonsonya si’a komi puenya, batuanginya komi taa seja maya rasarumaka mampasilonga kasugi to monso, to yako resi i Pue Allah. Wali ane ewa see komi taa darawaika ntanapa to damawali komi puenya.

Lukas 16:11 Referans Kwoze

Lukas 12:33

Pobalumo aga-agamu pura-pura, olinya tilaka waʼa ntau kaasi-asi. Powiamo watutu doi anu bareʼe da majaʼa inceʼe kakoreʼe ri suruga anu bareʼe dareʼe kapusanya, pai anu bareʼe da naleʼo ntopelima mangantima, pai bareʼe da naleʼo ane da mangajaʼati.

Yakobus 2:5

Neʼe ndikalingani, ee waʼa ngkasangkompo anu kupotowe! Waʼa ntau anu ndatoʼo kaasi-asi pai meaya ri lino seʼi, inceʼe anu ndapilisi i mPue Ala mewali tau koreʼe ri peaya ndaya. Waʼa ntau seʼe anu da mampotumpu poparenta anu ndajanji mPue Ala ri waʼa ntau anu mampotowe Sira.

Epesus 3:8

Ri pura-pura tau i mPue Ala, yakumo anu maʼai ngkakodinya. Mau ewanceʼe ndawai i mPue Ala ri yaku tetala seʼi, tetala mampobambarika Nuntu ngKatuwu ri waʼa ntau anu banya to Yahudi, anu banganinya inceʼemo kakoreʼe i ngKerisitu anu bareʼe da reʼe kapusanya;

Lukas 18:22

Madonge pesononya setu, pai ndapantoʼo i Yesu, “Reʼepa sangaya anu da nuwianaka: Palaimo pobalu aga-agamu pura-pura. Olinya tilakamo waʼa ntau kaasi-asi, nepa da nurata aga-aga ri suruga. Roo setu, maʼimo malulu Yaku.”

Lukas 16:9

Nepa ndatoʼo woʼu i Yesu, “Pedongeka! Ndipakemo kakoreʼe lino seʼi da ndiparata balemi, da naka ane bareʼemo reʼe olinya kakoreʼe lino seʼi, komi da ndatarima ri kareʼe anu bareʼe da reʼe kapusanya.

Pangkita 3:18

Inceʼe painaka Kupatujuki komi da naka ndioli wuyawa ungka ri Yaku, inceʼemo wuyawa anu magali da naka koreʼe komi. Da ndioli woʼu rengko mabuya ungka ri Yaku da naka morengko komi da mangkaʼuwi pelambe-lambemi anu mepakaea. Da ndioli woʼu pakuli mata da ndigereka matami da naka yosa peolemi.

Matius 6:24

“Bereʼe mau sambaʼa tau mangkoto motetala ri radua tau mancongka; maka da meruu napampotowe anu sambaʼa painaka anu ntaninya, bara napaperuu pedongenya ri anu sambaʼa painaka anu ntaninya. Ewanceʼemo woʼu komi. Bareʼe da ndikoto motetala tila i mPue Ala pai tila aga-aga woʼu.

Lukas 16:12

Pai ane kakononya aga-aga anu napotumpu ntau ntaninya komi bareʼe ndasarumaka, isema anu mampokono da mangawaika komi nunjaa anu da ndipotumpu?