Lukas 15:5 - Sura Magali Nuntu Ngkatuwu

⁵ Pai ane naratamo bimba setu manoro maʼai kojo da kawongko ndayanya, gori ngkawongko ndayanya napasaʼa bimba setu,

Tuntu i mPue ri Basa Taa

⁵ Wali tempo ia mangarata domba etu ia ndende kojo rayanya mamposa’a

Lukas 15:5 Referans Kwoze

Ibrani 12:2

Tawianakamo pai neʼe telapa matata ri Yesu, maka Sira anu mampakaroso peaya ndayata pai anu mamponinika kita ungka ri pontepuʼunya rata ri kapusanya. I Yesu todo mantodosaka pari ri kaju ndapanggo! Bareʼemo ndatora eamata kapate-A ri kaju ndapanggo setu, inceʼemo jaya ngkapate anu mepakae-A. Sira maendo wongko ndaya anu nepa da ndarata ripurinya. Wawaseʼi Sira ndate motunda ri tondo mokana mPue Ala, moparenta sangkani-ngkani pai Sira.

Lukas 19:9

Mesono i Yesu, “Sandeme seʼi siko pai bangani ncomborimu ndatarima i mPue Ala, maka siko seʼe muli i Burahima.

Mikha 7:18

Bereʼe Pue Ala anu ewa Komi, boo Pue, anu bareʼe mangkitanaka salaa waʼa ntau anu ndipilisi anu totaʼa. Banya rantani masae-sae karau ndayami; paikanya ndipokono mantuju towemi anu bereʼe kapusanya setu.

Lukas 23:43

Ndatoʼo i Yesu ri siʼa, “Sandeme seʼi siko da sangkani-ngkani pai Yaku ri Paradesi.”

Lukas 15:32

Paikanya da tapokawongko pai da taposusaka tuaʼimu seʼi, maka tuaʼimu seʼi tatoʼo matemo seʼi tuwu muni, tatoʼo tetajimo seʼi tarata muni.’ ”

YEHESIKIELI 18:23

Ara nusarumaka Yaku Pue Anu Ndate ri Peawanya bara da mawongko rayaku ua kamate ntau majaʼa? Manoto bareʼe kojo! Pampokonoku siʼa da mampalaika waʼa ncalaanya da naka tuwu mpaliu siʼa.

1 Petrus 1:5

Pura-puranya setu da tilami ua peayami ri kuasa i mPue Ala anu majagai komi da naka ndirata katesorepaka anu tokamo da ndapatongawa ri eo ngkapusa lino.

2 Timotius 2:26

Ane ewanceʼe katebalisaka ndaya ntau seʼe, pai da telapa tau seʼe ungka ri tolia i majaʼa anu roo mancoʼo pai mariso tau seʼe da napalulu pepokononya.

1 Tesalonika 1:5

Maka pampetumbu mami Nuntu ngKatuwu ri komi banya podo pau, paikanya sangkani pai kuasa, pai Inosa mPue Ala. Pai yonto kojo kapaaya ewambeʼi kamonco Nuntu ngKatuwu setu. Ndiincani ewambeʼi katuwu mami da naka moyowe ri komi ri sindara kami maroo-roo sangkani-ngkani pai komi.

Epesus 3:7

I Pue Ala mawai ri yaku popadonco inceʼemo tetala da mampobambarika Nuntu ngKatuwu. Yaku mancabe popadonco setu mampoliu kuasa mPue Ala anu motetala ri rayaku.

Epesus 2:10

Kita ndapapewali i mPue Ala ri raya i ngKerisitu, i Pue Ala mamponinika kita da mawianaka waʼa anu madago anu roomo Ndapatokaka kita.

Yohanes 15:11

Pura-puranya seʼi Kutoʼokamo komi, da naka wongko ndaya-Ku woʼu da tuwu ri rayami, tuarapa da maʼai kawongko ndayami.

SEPANYA 3:17

Komi ndakariani i mPue Ala puemu anu maroso. Komi menangi podo ua kuasaa. Mawongko pai madonde raya i mPue ua komi, ua katowe ndaya-A ndawaika komi katuwu dawoʼu.

Mikha 5:4

pai siʼa da mawai kalindondaya.

YEHESIKIELI 33:11

Toʼoka tau seʼe, ua kayakunya Pue Ala anu tuwu, i Pue Anu Ndate ri Peawanya, bareʼe kupokawongko ane tau majaʼa mate; paikanya anu kutangara ndaya siʼa da mampalaika waʼa ncalaanya da naka siʼa tuwu mpaliu. Ee banca Isaraeli, peʼontoka mowia jaʼa! Wenu painaka ndipokono da mate?

Yesaya 63:9

Sira ngkalioa napere ngkapari ntau seʼe. I Pue bareʼe mampokau tau bara suro; paikanya Sira ngkalioa anu malapasaka tau seʼe, ua towe pai kapande ndayaa. Sira bareʼe bali-bali mamporewu tau seʼe ungka ipiamo.

Yesaya 62:12

Tau seʼe da ndapapotoʼo: ‘Waʼa ntau mangali’; ‘Waʼa ntauanu ndasorepaka i mPue’. Yerusale da ndatoʼo, ‘Kota anu ndapomawo i mPue’, ‘Kota anu bareʼemo da ndapalaika i mPue’.

Yesaya 62:5

Ewa sambaʼa ngalitau mamporongo sambaʼa anaweʼa, ewanceʼemo anu mampapewali siko da mamporongo siko. Ewa sambaʼa tumpungkoro tuama mawongko rayanya mangkita rongonya, ewanceʼemo Pue Ala mampokawongko siko.

Lukas 15:4

“Ane rapanya reʼe ri oyomi mampotumpu bimba saatu, ungka lairia tetaji sambaʼa, bara nunjaa anu da napowia? Manoto da napalaika anu siompuyu pai sasio setu ri tongo mpada, da malai mampepali anu tetaji setu rantani narata.

Lukas 15:6

nakeni mpewalili ri yununya. Roo setu da napeboo waʼa balenya pai waʼa ntau samposori banuanya, nepa da natoʼoka, ‘Ndikamaʼimo kita da mosusa, mampokawongko bimbaku anu tetaji kurata muni!’