Lukas 15:22 - Sura Magali Nuntu Ngkatuwu

²² Paikanya napeboo mpapanya waʼa ntoporiokanya natoʼoka, ‘Nditima maliga-liga rengko anu madolidi, ndipaporengkoka anaku seʼi, ndipatakaka sinci ri karamanya, pai ndipasuncuka talupa ri witinya.

Tuntu i mPue ri Basa Taa

²² “Pei pa’anya manganto’oka to papolaonginya, “Pakagasi mangoko pake to magaya kojo pei paposunsuka ia. Pasi paposunsuka sinsi ri karamanya pasi sandale ri witinya.

Lukas 15:22 Referans Kwoze

Pangkita 6:11

Roo setu ndawaika tau seʼe wungka-wungka sambaʼa tau sambaʼa juba mabuya. Nepa ndapokau tau seʼe da meosa sarai da naka rata pura-pura waʼa yununya anu sampotetala pai tau seʼe, pai waʼa ngkasangkompo ntau seʼe anu ndapepate ewa tau seʼe.

SETERI 8:2

Nayali i datu sinci anu roo ndawali ntima ungka ri Hamani, ndawaika i Modekai. Pai i Seteri mampakanoto i Modekai mangkuasai pura-pura aga-aga i Hamani.

Yesaya 61:10

Yerusale mangantoʼo, “Mawongko-wongko rayaku ua i Pue, madonde rayaku ua i Pue. Ewa tumpungkoro tuama pai weʼa ndapatakaka parewa ngkadolidi paka magaya, ewancetumo i Pue mampaporengkoka baju ngkatesorepaka pai penangi.

SETERI 3:10

Madonge pompau i Hamani setu ndayali i Datu sincia anu ndapake mentandai waʼa ncongka, ndawaika i Hamani, iwali bangke nto Yahudi setu.

Pangkita 19:8

Rengko lena anu makilaya roomo ndawaika siʼa da naporengko.” (Rengko lena setu inceʼemo waʼa mpowia anu madago anu nawianaka waʼa ntau i mPue Ala.)

Pangkita 7:9

Roo setu kumeole woʼu, nepa kukita tau anu maʼai ngkasondo imbanya – bereʼe tau anu mangkoto da maimba kasondonya! Tau seʼemo ungka ri sambaʼa-sambaʼa banca, lemba, negara pai basa. Rengko ntau seʼe juba mabuya pai mantangke ira ncoi, waʼa ntau sondo setu mekakore ri suara gadera mpoparenta pai mancuaraki i Ana Bimba setu.

Roma 8:15

Maka Inosa anu ndawai mPue Ala ri waʼa ngkasangkompo, inceʼe banya mampowatua komi painaka komi da tuwu ri eka ndaya. Inosa mPue Ala da mampapewali komi ana i mPue Ala. Pai ua kuasa Inosa mPue Ala setu komi mampeboo i Pue Ala, “Papa, boo Papaku!”

Pangkita 2:17

Isema anu motalinga mbolimo napedongeka nunjaa anu natoʼo Inosa mPue Ala ri waʼa dompu! Waʼa ntau anu menangi, da kuwaika mangkoni roti mana anu tesambunika, pai wungka-wungka tau seʼe da marata ungka ri Yaku saogu watu mabuya. Ri watu setu da kateʼuki sambaʼa toʼo anu dawoʼu, anu bareʼe da reʼe tau mangaincani, podo tau anu mantarima watu setu anu mangaincani!”

Galatia 3:27

Komi pura-pura roomo ndariu ri raya ntoʼo i ngKerisitu, mewali komi mantarimamo katedikanaka i ngKerisitu ri koromi.

Roma 13:14

Mbolimo i Yesu Kerisitu anu mampakanoto nunjaa anu da ndipowia. Pai neʼe malulu engko ntolino anu masalaa anu podo mampakaʼosa sawoyo ndaya.

NGAYU I NCALOMO 7:1

Oo anaweʼa anu mosipa madolidi kojo witimu pai sandale setu. Katetari mpaʼamu ewa parewa pombaka dolidi, powia mpale mpande anu loʼe.

Masmur 132:9

Tuarapa waʼa ntaumi manggora nggora ri wongko ndaya, pai waʼa ntadu mpanyombami da tuwu silulu pai pepokono-Mi.

Masmur 45:13

Waʼa nto Tiru da mangkeni panyomba ri siko, waʼa ntau sugi mampari-mpari mantima rayamu.

Masmur 18:33

Siramo i Pue Ala anu mampakaroso yaku, pai mampakaʼuono jaya mpelinjaku.

Pangkita 3:18

Inceʼe painaka Kupatujuki komi da naka ndioli wuyawa ungka ri Yaku, inceʼemo wuyawa anu magali da naka koreʼe komi. Da ndioli woʼu rengko mabuya ungka ri Yaku da naka morengko komi da mangkaʼuwi pelambe-lambemi anu mepakaea. Da ndioli woʼu pakuli mata da ndigereka matami da naka yosa peolemi.

Epesus 6:15

Pai ndipotalupamo kabuya ndaya mampobambarika Nuntu ngKatuwu anu mangkeni kalindo ndaya.

Roma 3:22

kaʼi Pue Alanya mawaimo jaya ri tolino da simadago pai Sira, podo ane tolino meaya ri Yesu Kerisitu. Inceʼi ndapowia mPue Ala tila ntau pura-pura anu meaya ri Yesu Kerisitu; maka bereʼe posisalanya.

Masmur 132:16

Waʼa ntadu mpanyombanya da mampatongawa katesorepaka anu ungka ri Yaku; waʼa ntaunya da manggora mongayu ri wongko ndaya.

Ulang 33:25

Tuarapa waʼa ngkotanya da natatondoi waʼa dampo baa-baa anu maroso anu ndapowia ungka ri tambaga pai besi da naka katuwunya lindo pai maʼuono.”

Lukas 15:21

Natoʼo ananggodi setu ri papanya, ‘Papa, masalaamo kojo yaku ri Pue Ala pai ri komi papaku. Bareʼemo singkana yaku da ndipeboo anami papa.’

Lukas 15:23

Ane roomo nditima ana japi anu maboko ndiroro. Kita da mangkoni ri kawongko ndaya,