Lukas 13:25 - Sura Magali Nuntu Ngkatuwu

²⁵ Ri tempo tumpu banua membangu madampo wombo, komi njau mekakore ri sambalikunya pai da mantadengkosi dampo mbombo seʼi da meboo-boo nditoʼo, ‘Pue, ndilokaka kami dampo mbombo!’ Da mesono tumpu banua, ‘Bareʼe kuincani bara ungka ri mbeʼi komi!’

Lukas 13:25 Referans Kwoze

Lukas 13:27

Paikanya da mesono Sira ndatoʼo, ‘Bareʼe Kuincani bara ungka ri mbeʼi kamaʼimi. Ndipalai ungka ireʼi, waʼa ntau anu majaʼa powiami!’

Lukas 6:46

“I wenu painaka komi mampeboo Yaku, ‘Pue, Pue,’ paikanya bareʼe ndiwianaka nunjaa anu Kutoʼoka komi?

Matius 25:41

Nepa da mompau woʼu i Mokole setu ri waʼa ntau anu ri tondo mokaii-A, ndatoʼo, ‘Ndipalaimo ungka ireʼi, komi waʼa ntau bagagu! Ndipesuamo ri raya apu anu bareʼe mate-mate, anu roo ndapatoka tila i Majaʼa pai waʼa kerubionya.

Yesaya 55:6

Ndipewalilimo ri Pue ua ntongo reʼepa tempo; peboomo Sira ua ntongo mosupa Sira.

Ibrani 12:17

Sangaya-ngaya ndiincani, ripurinya da raya i Esau marata popadonco ua katukakanya ungka ri papanya, paikanya bareʼe ndawai, mau naperapi mpotumangi napepali jaya mampangakuka salanya, paikanya bareʼe narata maka liumo temponya.

2 Korintus 6:2

Ndatoʼo i mPue ri Sura Magali, “Ri tempo anu ndapokono, da Kupedongeka siko pai ri eo ngkatesorepaka, roo Kupelae siko.” Ndiendo-endoka kojo! Seʼimo tempo anu ndapokono setu. Iseʼi seʼemo eo mpancorepaka setu.

Masmur 32:6

Inceʼe painaka pura-pura tau anu meaya, madagomo mekakai, ri tempo naepe kapari ndaya, painaka ane merumpa mowo ngkasusa ndaya siʼa bareʼe da kono.

Pomulanya 7:16

silulu pai songka i mPue Ala ri siʼa. Butu tepesuamo pura-pura, nepa ndadampo i mPue wombo duanga setu.

Lukas 3:8

Nditujumo ri powiami kakominya majeamo ungka ri waʼa ncalaami! Neʼe boi nditoʼo i Burahima ineʼemo ngkaimi. Da ndipaincani: Ungka ri waʼa mbatu seʼi ndakoto i mPue Ala mampapewali muli i Burahima!