Lukas 12:5 - Sura Magali Nuntu Ngkatuwu

⁵ Moruana da Kutoʼoka komi isema anu da ndipokaeka. Ndipokaekamo i Pue Ala! Maka ane roo ndapepate, Sira makuasa mantajika ri naraka! Poaya moncomo, Sira anu sangaya-ngaya da ndipokaeka.

Tuntu i mPue ri Basa Taa

⁵ Pei Aku mampatiendoka yami komi i sema to masipato komi mampalaika pasi manga’angga. Etu semo i Pue Allah. Apa Ia nakurang mangampopate yau koro ntau, roo see Ia re’e kuasa damamponasoka yau tau etu lo’u apu naraka. Wali Aku manganto’oka komi masipato komi mampalaika Ia saba manga’angga kuasaNya etu, pei ne’e mampokeka tau.

Lukas 12:5 Referans Kwoze

2 Petrus 2:4

Ewanceʼe seʼe waʼa malaʼeka anu masalaa bareʼe dalapa ungka ri popahuku i mPue Ala, tau seʼe da ndatendeka ri apu naraka. Tau seʼe da ndapapesua ri ngoyo anu wani, njairia da napampopea Eo mPabotusi hukunya.

Matius 10:28

Neʼemo ndipokaeka tau anu mangkoto mampepate koro, paikanya bareʼe nakoto mampepate tanoana. Ndipokaekamo i Pue Ala anu mangkoto magero koro sangkani pai tanoana ri naraka.

Pangkita 14:7

pai meboo siʼa marimbo oni nganganya, “Nditubunakamo i Pue Ala pai ndibangkeimo Sira, maka ratamo tempo da mpobotusia, pai ndipanyombamo Sira anu mampapewalimo yangi pai lino, tasi pai pura-pura mata ue.”

Ibrani 10:31

Ode ara maparisa ane manawu ri pale i mPue Ala Anu Tuwu!

Masmur 9:17

I Pue mampatongawamo koroa ua pobotusia mayoa. Tau majaʼa manawu ua powianya ngkalionya.

PATADA 14:26

Tau anu mepoʼinaya ri Pue, da lindo rayanya, pai somborinya mampotumpu petatondo.

Pangkita 20:14

Ungka lairia Kapate pai Kareʼe ngkapate ndapetasoka ri raya ntasi apu. (Tasi apu seʼi inceʼemo kapate anu karadua.)

1 Tesalonika 4:6

Ri raya ngkaʼewainceʼenya, neʼe reʼe ri oyomi anu mampowia jaʼa ri kasangkomponya bara mambambasi kasangkomponya. Roomo katoʼoka komi owi ri kayonto-yontonya, waʼa ntau anu mowia-wia ewanceʼe da ndahuku i mPue.

Matius 25:41

Nepa da mompau woʼu i Mokole setu ri waʼa ntau anu ri tondo mokaii-A, ndatoʼo, ‘Ndipalaimo ungka ireʼi, komi waʼa ntau bagagu! Ndipesuamo ri raya apu anu bareʼe mate-mate, anu roo ndapatoka tila i Majaʼa pai waʼa kerubionya.

Pangkita 15:4

Isema anu bareʼe da mampokaeka Komi Boo Pue? Isema anu bareʼe mampokono mampobambarika kabangke ngkatetoʼo-Mi? Podo Komi anu magali. Waʼa lemba da rata manyomba ri komi ua waʼa mpobotusimi mayoa nakitamo waʼa ntau pura-pura.”

Matius 5:22

Paikanya seʼi-seʼi Kutoʼoka komi, bara isema anu pasengke ri tau ntaninya da ndahuku; pai bara isema anu mampepepara yunu, sangaya-ngaya siʼa da ndapekibotusi ri suara Majalisi Agama. Pai bara isema anu mantoʼoka yunu, ‘Tengo asu’, siʼa da ndahuku i mPue Ala pai da ndatendeka ri apu naraka.

Yeremia 5:22

Yakumo Pue; wenu painaka bareʼe ndipokaeka Yaku? Kamonconya komi da kandende-ndende ri suaraku! Yakumo anu madindi wiwi ntasi anu mewali tida ntasi anu bareʼe naliu rantani masae-sae. Tasi maya moropo pai mobalumba gori pangkotonya, paikanya bareʼe nakoto da maliunaka tida setu.

Matius 25:46

Waʼa ntau setu da ndahuku ri kareʼe mpopahuku anu bareʼemo da reʼe kapusanya, pai waʼa ntau anu mawianaka pepokono i mPue Ala da mangarata katuwu anu monco bareʼe – da reʼe kapusanya.”

Yeremia 10:7

Isema ntano anu bareʼe da mepoʼinaya ri Komi anu mokole mpengaya-ngaya banca? Monco kojo, kakominya sintinaja kojo ndatubunaka. Ungka ri pura-pura anu loʼe rioyo waʼa banca pai ungka ri pura-pura mokole ntau seʼe bereʼe mau sambaʼa da ndapasintolio pai komi, boo Pue.

Markus 13:23

Mewali da ndisoro-soro! Pura-pura setu roomo Kutoʼoka komi ri kabareʼepanya inceʼe mewali.”