Lukas 12:18 - Sura Magali Nuntu Ngkatuwu

¹⁸ Monawa-nawa woʼu siʼa mompau-mpau ngkalionya, ‘Oo, reʼe akala kurata, da kupokau ndarongkasi pura-pura alaku nepa kupokau ndawangu anu maʼai ngkabangkenya. Njairia da kupadika pura-pura ganduku pai waʼa aga-agaku anu ntaninya!

Tuntu i mPue ri Basa Taa

¹⁸ “Panewa ia mampobuuka, ‘Ewa si’i dakuika. Aku damangabungkas yau samparia kondangku panewa aku damangawangu konda to bae wo’u see soa tampa dakupamposaka wua ngkalingaa pasi ngaya-ngaya.

Lukas 12:18 Referans Kwoze

Yakobus 3:15

Kaloʼe anu ewanceʼe banya mopuʼu ungka ri suruga. Inceʼe ungka ri lino, ungka ri sawoyo ndaya ntolino anu ungka ri seta!

Yakobus 4:15

Kamonconya da nditoʼo, “Ane ndatinako ndaya i mPue kami da tuwu mampowia inceʼi pai incetu.”

Lukas 18:6

Nepa ndatoʼo woʼu i Yesu, “Ndiparindayamo pau anu natoʼo i ntopobotusi anu bareʼe mayoa setu!

Lukas 12:21

Ewanceʼemo da pewalinya waʼa ntau anu mampasambaka ka koreʼe tila ngkoronya ngkalionya, paikanya siʼa bareʼe mompari-mpari da naparata kakoreʼe ri suara mPue Ala.”

Lukas 18:4

Masae sakodi bareʼe nalinga ntopobotusi setu, maka bareʼe napokono da mantulungi weʼa bemba setu. Paikanya kapusanya monawa-nawa topobotusi setu, ‘Mau bareʼe kupokaeka i Pue Ala pai bereʼe tau anu da kupedongeka,

Masmur 17:14

Ndilapasakamo yaku ungka ri pale ntau anu mampasambaka aga-aga ri lino. Ndihukumo tau seʼe ndiwaika rugi anu lawi tokamo tila ntau seʼe. Tuarapa waʼa ananya pai makumpunya da ndahuku woʼu.

Matius 6:26

Peolemo tonci moyoko-yoko ri raoa. Tau seʼe bareʼe momuya pai bareʼe momota, pai bareʼe mompariala. Mau ewanceʼe ndaporewu mPapami ri suruga tau seʼe! Ara banya komi anu bangke peruu olinya painaka tonci?

Lukas 12:17

Ri raya ngkarianya mpandata seʼe monawa-nawamo tau koreʼe setu natoʼo ri rayanya, ‘Bareʼemo reʼe da kupadika woʼu pandataku seʼi. Ewambeʼi da kupangkuja?’

Lukas 12:19

Roo setu nepa da kupompauka tanoanaku da kutoʼoka: Ee, tanoanaku, morasimo siko, pura-pura anu madago paka reʼemo nupotumpu, bareʼemo da pura motaʼu-taʼu, seʼi-seʼi peosamo! Pangkonimo, panginumo nakaʼosa ndayamu tuwu seʼe.’

Lukas 12:24

Peolemo waʼa ntonci paa-paa! Tau seʼe bareʼe momuya, bareʼe momota, pai bareʼe woʼu mompariala. Paikanya ndapatuwu i mPue Ala tau seʼe! Ara banya komi maʼai peruumi pai waʼa ntonci setu?

Yakobus 4:13

Waʼa ngkasangkompo anu mantoʼo, “Sandeme seʼi bara raneo kami da njoʼu ri kota anu, kami da maroo-roo njairia santaʼu kasaenya da mobalu-balu mampepali doi,” – ndipedongeka patadaku seʼi.