Lukas 11:51 - Sura Magali Nuntu Ngkatuwu

⁵¹ Montepuʼu ungka ri pampepate i Habeli rata ri pampepate i Sakaria anu ndapepate ri oyo lampaʼani pai Banua i mPue. Monco Kutoʼoka komi: Waʼa ntau tuwu salapi seʼi da ndahuku ua pampowianya pura-pura setu.

Lukas 11:51 Referans Kwoze

Ibrani 11:4

Ua peaya ndaya, i Abeli mampanyombaka ri Pue Ala panyomba anu meruu ngkadagonya pai panyomba i Kai. Ua peaya ndaya setu, i Abeli ndatarima mPue Ala panyombanya. Monco matemo i Abeli, paikanya ua peaya ndayanya setu, siʼa ntongo mompau nakarataka wawaseʼi.

Matius 23:35

Inceʼe puʼunya painaka komi da ndahuku ua mamponcuruka ndipampepate waʼa ntau anu bareʼe masala – montepuʼu ungka ri pampepate i Abeli anu bereʼe salanya, nakarataka ri pampepatemi i Sakaria ana i Berekia, anu ndipepate ri oyo Banua i mPue pai lampaʼani mpaʼombasi panyomba.

1 Yohanes 3:12

Kita neʼe ewa i Kai, anu mebete ungka ri Majaʼa, siʼa mampepate tuaʼinya. Nunjaa puʼunya painaka napepate tuaʼinya? Maka waʼa mpowianya sala, pai waʼa anu napowia ntuaʼinya monco.

Sakharia 1:1

Ri wuya kaʼuayu ri taʼu karadua poparenta i Datu Dariusi ri Parasia ndaparata i mPue nuntu seʼi ri yaku, Nabi Sakaria ana i Berekia makumpu i Ido.

Ibrani 12:24

Komi mancuaraki i Yesu, to Porioyoti anu mampareʼe pojanji dawoʼu setu; komi da mangkita daa anu ndapowebuka mampareʼe anu meruu karosonya painaka daa i Abeli.

Yeremia 7:28

Mewali, toʼokamo tau seʼe, tau seʼemo sambaʼa banca anu bareʼe napokono mepoʼinaya ri Yaku, Pue, Pue Ala pue ntau seʼe. Tau seʼe bareʼe napokono meguru ri popahuku anu naepemo ntau seʼe. Katodo ri Yaku payamo, bareʼemo sako kono ndapau.”

Pomulanya 4:2

Nepa napoana woʼu sambaʼa ana tuama, toʼonya i Abeli. I Abeli mewali topongkambi bimba, paikanya i Kai mewali topojamaa.