Lukas 11:2 - Sura Magali Nuntu Ngkatuwu

² Ndatoʼo i Yesu ri tau seʼe, “Ane mekakai komi, da nditoʼomo ewaseʼi, ‘Papa, Komimo Pue Ala anu sambaʼa-mbaʼa. Mbolimo Komi ndapanyomba pai ndatubunaka,

Tuntu i mPue ri Basa Taa

² Wali i Yesu manganto’oka sira, “Tempo komi makai-kai, ewa si’i raika. To’o, ‘Pue Allah, Pa’a mami to ndate saruga, masipato kami to lino mampakabae Komi. Biakamo Komi mawali Makole nto lino. Pasi biakamo pamporani ngKomi semo to mawali ri lino si’i sewaju ewa to mawali ndate saruga.

Lukas 11:2 Referans Kwoze

TOPOTUNTU 5:2

Kakomaeka-eka raya, kakoreʼe-reʼe pangipi anu majaʼa. Kakomaria-ria pau, kakoreʼe-reʼe pau anu mampatongawa katengo.

2 Tawarikh 20:6

mekakai siʼa marimbo oni nganganya natoʼo, “Boo Pue, Pue Ala, pue waʼa ngkai mami! Komi Pue Ala anu ndate ri suruga anu mancongka waʼa banca ri sambawo lino. Komi Makuasa pai maroso, bereʼe tau anu mangkoto maewa Komi.

Pangkita 15:4

Isema anu bareʼe da mampokaeka Komi Boo Pue? Isema anu bareʼe mampokono mampobambarika kabangke ngkatetoʼo-Mi? Podo Komi anu magali. Waʼa lemba da rata manyomba ri komi ua waʼa mpobotusimi mayoa nakitamo waʼa ntau pura-pura.”

Masmur 11:4

I Pue ndate ri Banua-A anu magali, gadera poparenta-A ndate ri suruga. Sira mampetiro waʼa ntolino pai maincani waʼa mpowia ntau seʼe.

Pangkita 20:4

Nepa kukita waʼa gadera mpoparenta, pai waʼa ntau anu motunda ri waʼa gadera mpoparenta setu ndawaika kuasa da mangabotusi huku. Kukita woʼu waʼa ntanoana waʼa ntau anu roomo ndapewoʼoki, maka tau seʼe anu mawai posabi kono i Yesu, pai mampobambarika nuntu ungka ri Pue Ala. Waʼa ntau setu bareʼe manyomba ri pinatuwu, bara ri turukinya. Tau seʼe woʼu bereʼe napantarima tanda mpinatuwu setu ri tongo ndoʼu bara ri pale ntau seʼe. Inceʼe painaka tuwu muni tau seʼe nepa moparenta ewa mokole sangkani-ngkani pai i Kerisitu sancowu ntaʼu kasaenya.

1 Tesalonika 1:3

Ane mekakai kami ri Pue Ala Papata, bareʼe bali-bali kapaendo komi, ua waʼa ntetala anu ndiwianaka ri pangaayami i Kerisitu. Ewambeʼi katowe ndayami ri tau ntaninya pai ndipamporiokoi tau seʼe, ewanceʼe seʼe karoso pampomata-matami Pueta i Yesu Kerisitu.

Pilipi 4:20

Taundemo i Pue Ala Papata rantani masae-sae! Ami.

Pilipi 1:2

mampomata-mata mbolimo i Pue Ala Papata pai i Yesu Kerisitu da mawai popadonco pai karodo ndaya ri komi.

Epesus 1:2

Yaku, i Paulu, suro i ngKerisitu Yesu ua pepokono i mPue Ala, mampomata-mata tuarapa i Pue Ala Papata pai i Yesu Kerisitu da madonco pai damawai palindo ndaya ri komi.

2 Korintus 1:2

Pombai pai karodo ndaya ungka ri Pue Ala Papata i Yesu Kerisitu da sangkani-ngkani pai komi.

Yesaya 63:16

Ara banya komi papa mami? I Burahima pai i Yako bareʼe maincani kami. Paikanya komi boo Pue, inceʼemo papa mami, Toponcorepaka mami ungka ipiamo.

Masmur 57:11

Kandateka ntowe-Mi sawi ri yangi, pai katodo-Mi sawi ri limu.

Pangkita 19:6

Roo setu kudonge sangaya anu ewa oni nganga ntau sadompu bangke anu maria kojo; oninya mewakuu ewa balumba ndopo pai ewa ponduruku gundu. Kudonge natoʼo ntau seʼe, “Undemo Pue Ala! Maka i Pue, Pue Ala pueta Anu Makuasa setu seʼi-seʼi moparenta!

Pangkita 11:15

Malaʼeka anu kapapitu mantawuisi surupetanya, ndadonge waʼa oni nganga anu marimbo kojo ungka ri suruga anu mantoʼo, “Kuasa anu da mamparenta lino seʼi-seʼi reʼe ri pale mPueta Mokole Tadungkadago anu ndajanjika kita. Sira da moparenta rantani masae-sae!”

1 Tesalonika 1:1

Waʼa ngkasangkompo, dompu ri Tesalonika, anu mewali tau i mPue Ala Papa pai i Yesu Kerisitu: Kami, inceʼemo i Paulu, i Silasi pai i Timotiu mampomata-mata mbolimo i Pue Ala mawai ri komi popadonco pai karodo ndaya.

2 Tesalonika 2:16

Mbolimo, Pueta i Yesu Kerisitu, pai i Pue Ala Papata mampalindo pai mampakaroso rayami da ndipangkoto mampotetalaka pai mampobambarika anu madago.

Roma 8:15

Maka Inosa anu ndawai mPue Ala ri waʼa ngkasangkompo, inceʼe banya mampowatua komi painaka komi da tuwu ri eka ndaya. Inosa mPue Ala da mampapewali komi ana i mPue Ala. Pai ua kuasa Inosa mPue Ala setu komi mampeboo i Pue Ala, “Papa, boo Papaku!”

Matius 10:32

“Bara isema anu mangaʼaku Yaku ri suara ngkasitaunya kasiʼanya anaguru-Ku, Yaku woʼu da mangaʼaku siʼa ri suara mPapa-Ku ri suruga.

Matius 5:16

Da ewanceʼe seʼe komi ewa reme nu lino da merara ri suara waʼa ntau, da napangkita ntau seʼe pura-pura powiami anu madago, painaka da naunde Papami anu ri suruga.”

Matius 3:2

“Ndikajeamo ungka ri waʼa ncalaami,” nepa natoʼo woʼu, “maka bareʼemo masae i Pue Ala da moparenta ewa sambaʼa Mokole!”

HABAKU 2:14

Paikanya ewa tasi bangke anu nabuketi ue, ewanceʼemo lino woʼu da nabuketi pai pangaincani kono i Pue pai kuasaa.

Hosea 14:2

Pewalilimo ri Pue Ala puemu, ee banca Isaraeli! Salaamu inceʼe mampapopuʼu siko teparangkaja painaka madungka.

DANIELI 7:27

Kuasa pai kabangke waʼa ngkamokole ri lino da ndawaika waʼa ntau i mPue Ala Anu Ndate ri Peawanya. Kuasa ntau seʼe da moparenta bereʼe kapusanya pai pura-pura anu makuasa ri lino meʼuru ri tau seʼe ri pepoʼinaya.”

DANIELI 7:18

Paikanya tau i mPue Anu Ndate ri Peawanya da mantarima kuasa moparenta pai poparentanya da mekakore rantani masae-sae.”

DANIELI 2:44

Ri tempo mpoparenta waʼa mokole setu, i Pue Ala ri suruga mangampatunda sambaʼa kamokole anu da todo rantani masae-sae, pai bareʼe da reʼe banca anu mangkoto manganangi. Kamokole setu da mangagero pura-pura kamokole anu ntaninya setu.

DANIELI 2:28

Paikanya ri suruga reʼe Pue Ala anu mampatongawa mpengaya-ngaya rahasia, pai Sira anu roo mantoʼoka komi nunjaa anu da mewali ri reme ripuri. Mewali seʼi-seʼi mbolimo ndiwai tempo ri yaku da mantotoraka pangipi pai pepatongawa anu nditarima ri sindara ngkayoremi setu.

YEHESIKIELI 36:23

Yaku da mangantuju kagali ntoʼo-Ku anu meawa setu, toʼo anu roo ndipakakarika ri oyo waʼa banca, nepa da naincani ntau seʼe kayakunya Pue, Yaku Pue Anu Ndate ri Peawanya mantoʼomo seʼi. Yaku da mangampake komi da mampatongawa ri waʼa banca ka-Yakunya seʼi magali, Pue Anu Magali kojo.

Masmur 108:5

Maka towemi bangke sawi ri yangi pai katodomi meyapi-yapi limu.

Masmur 103:20

Undemo i Pue, ee waʼa malaʼeka anu makaliki, anu medonge pai mawianaka songkaa.

2 RAJA-RAJA 19:19

Boo Pue. Pue Ala pue mami ndisorepaka kami ungka ri pale nto Asuri, da napaincani pura-pura banca ri wawo lino seʼi kawaʼanyamo Komi Pue Ala anu sambaʼa-mbaʼa.”

1 RAJA-RAJA 8:43

tuarapa ungka ri kareʼe mpearimi ri suruga da ndipedongeka pekakai ntau seʼe pai ndibangani perapinya. Ane ewanceʼe, pura-pura banca ri sambawo lino da mangaincani pai da mepoʼinaya ri komi ewa taumi to Isaraeli. Da naincanimo woʼu ntau seʼe Banua anu kuwangu seʼi inceʼe kareʼe da mpanyomba ri komi.

TADUMPANYOMBA 22:23

Ane tila mpanyomba ngkabuya ndaya, maya ndipanyombaka pinatuwu anu reʼe posarinya, paikanya tila mpanyomba anu mabangani pontanga, pinatuwu anu ewanceʼe bareʼe ndatarima.

TADUMPANYOMBA 10:3

Nepa natoʼo i Musa ri Haruni, “Inceʼemo anu ndatinako ndaya i mPue pai ndapantoʼo, ‘Pura-pura anu mamporiokoi yaku sangaya-ngaya da mantubunaka kagaliku, maka Yaku da mantuju kabangke mpeawaku ri suara waʼa ntau-Ku.’ ” Paikanya jamonjii i Haruni.

Galatia 1:4

Ua pepoʼinaya ri pepokono mPue Ala Papata, i Kerisitu mampepasolayaka koro-A mewali panyomba mancompo waʼa ncalaata da naka kita tesorepaka ungka ri lino anu buke-buke jaʼa seʼi.

Roma 1:7

Inceʼe puʼunya painaka kuʼuki sura seʼi da rata ri komi. Mbolimo i Pue Ala Papata pai i Yesu Kerisitu da mawai ri komi popadonco pai karodo ndaya.

Lukas 11:1

Ri anu sandeme i Yesu mekakai ri kareʼe anu ntepatani. Roo mekakai Sira mompau sambaʼa anaguru-A ndatoʼo, “Pue, koisa ndipaguru kami da mekakai ewa i Yohane mampaguru waʼa anagurunya mekakai.”