Lukas 1:8 - Sura Magali Nuntu Ngkatuwu

⁸ Ri anu sandeme, tempo to Abia kono gilira, i Sakaria mawianaka tetala ntadu mpanyomba ri suara mPue Ala.

Tuntu i mPue ri Basa Taa

⁸ Wali re’e seore i Sakharia mangika palaong nto pampue ri banua i mPue Allah apa ratamo temponya joa i Abia semo to mangika palaong to etu.

Lukas 1:8 Referans Kwoze

2 Tawarikh 8:14

Silulu pai anu roo nadedewaka mpapanya i Daudi, ewanceʼe seʼe napampasilolongani i Ncalomo podede ntetala waʼa ntadu mPanyomba sandeme-sandeme pai tetala nto Lewi anu da mongayu maunde-unde i Pue pai mantulungi waʼa ntadu mpanyomba ri pawianakanya tetala ri waʼa upacara mpanyomba. Ewanceʼe seʼe waʼa ntopojaga ri Banua i mPue, ndatila sambaʼa-sambaʼa regu ri wungka-wungka baa-baa, silulu pai totoraka i Daudi watua i mPue setu.

1 Tawarikh 24:19

Toʼo ntau seʼe ndaʼuki malulu posuncu mpombesawani da pesua ntau seʼe motetala ri Banua i mPue, mawianaka pampasilolongani panyomba silulu pai anu roo ndapakanoto ngkai ntau seʼe i Haruni, silulu woʼu pai songka i mPue Ala Pue nto Isaraeli.

2 Tawarikh 31:2

Nawali mpakanoto i Mokole Sikia waʼa ntibura ntadu mpanyomba pai to Lewi malulu katetila-tila ntetala ntau seʼe. Ewaseʼi katetila ntetala ntau seʼe: anu mampasilolongani pampanyombaka panyomba anu ndaʼombasi pai panyomba ngkasimadago pai mamporiokoi panyomba ri Banua i mPue; pai da mawianaka peunde pai pontarima kase ri Pue ri waʼa ntampa anu ndapakanoto ri raya Banua i mPue.

Lukas 1:5

Sindara i Herode mewali Mokole ri tana Yudea, reʼe sambaʼa tadumpanyomba i Sakaria toʼonya, siʼa sambaʼa muli i Abia. Rongonya i Elisabe toʼonya, siʼa seʼe woʼu muli ntadu mpanyomba.

ESIRA 6:18

Tila pamporiokoi tetala ri raya Banua i mPue, ndapapogilira waʼa ntadu mpanyomba malulu tuka ntetalanya sambaʼa-sambaʼa seʼe, ewanceʼe seʼe waʼa nto Lewi silulu pai anu ndaʼuki ri sura i Musa.

2 Tawarikh 31:19

Ri oyo waʼa ntadu mpanyomba anu ri waʼa ngkota anu ndapakanoto tila waʼa muli i Haruni, bara waʼa mpada anu ri sambaliku ngkota, ndapakanoto waʼa ntau anu da mantila-ntila pangkoni ri pura-pura tuama ri sombori ntadu panyomba, pai ri tau anu ndaʼuki ri lemba nto Lewi.

2 Tawarikh 11:14

Napalaika waʼa nto Lewi setu waʼa mpada mpongkambi pai tana mpeari ntau seʼe melimba ri Yahuda pai kota Yerusale, maka i Yerobea pai mokole anu mancawani siʼa bareʼe mawai tau seʼe motetala ewa tadu mpanyomba ri Pue.

Pombilang 18:7

Paikanya podo siko pai waʼa anamu anu maya da mawianaka tetala ntadu mpanyomba, ri ngaya-ngaya ntetala anu mokenta pai lampaʼani pai nunjaa anu njau ri Lincu Magali mPodago. Incetumo kinoyomu, maka roomo Kupatongko komi ri tetala ntadu mpanyomba. Pura-pura tau anu bareʼe ndapapakoyoka tetala setu da ndahuku mate ane mantimosuki waʼa mparewa magali setu.”

Posuwunya 30:30

Da nulanai woʼu i Haruni pai waʼa ananya da naka tau seʼe ndapatongko mewali tadu mpanyomba da mamporiokoi yaku.

Posuwunya 29:44

Yaku anu da mampakagali Kema pai lampaʼani setu. I Haruni pai waʼa ananya da kupatani ungka ri tau ntaninya da napangkoto ntau seʼe mamporiokoi Yaku ewa tadu mpanyomba.

Posuwunya 29:9

nepa nupatakaka suruba ri woʼo ntau seʼe. Ewanceʼemo da nupampantongko i Haruni pai waʼa ananya. Tau seʼe sangkani pai waʼa mulinya sangaya-ngaya da mamporiokoi yaku ewa tadu mpanyomba rantani masae-sae.

Posuwunya 29:1

“Ewaseʼi da katewianakanya pampatongko i Haruni pai waʼa ananya da napangkoto ntau seʼe mawianaka tetala ntadu mpanyomba mamporiokoi Yaku. Timamo sambaʼa japi laki anu mangurapa pai radua bimba laki anu bereʼe posarinya.

Posuwunya 28:41

Paporengkokamo kasangkompomu i Haruni pai waʼa ananya rengko setu. Tau seʼe da ndabubuka lana saitu ri tanoananya; ewanceʼe da ndapampatongko pai ndapampatani tau seʼe mewali tadu mpanyomba pamporiokoi yaku.

Posuwunya 28:1

“Peboomo tukakamu i Haruni sangkani pai waʼa ananya i Nadapi, i Abihu, i Eleasari pai Tamari, tau seʼe da nupatani da naka nakoto mamporiokoi Yaku ewa tadu mpanyomba.

Lukas 1:7

Paikanya tau seʼe bereʼe ananya i Elisabe tamana matuʼamo raduamo seʼe.