Lukas 1:6 - Sura Magali Nuntu Ngkatuwu

⁶ Tau samboko setu mepoʼinaya ri Pue Ala pai timama kojo pelulunya ri songka i mPue ri raya ngkatuwunya.

Tuntu i mPue ri Basa Taa

⁶ Wali i Sakharia pei i Elisabet etu, sira dua mangika lengko ngkatuwu to singkonong pei i Pue Allah. Pasi sira mangalulu kojo samparia porenta pasi tuntu i mPue. Wali tare lengko ngkatuwu nsira to maya rapakasala.

Lukas 1:6 Referans Kwoze

Pomulanya 7:1

Ungka lairia ndatoʼo mPue Ala ri Noho, “Kukita podo siko waʼanyamo tau anu mangawianaka pepokonoku. Mewali, pesuamo ri duanga setu sangkani-ngkani pai waʼa bangani ncomborimu.

Pomulanya 17:1

Kagananya tinuwu I Burahima, siompuyu pai sasio ntaʼu, mepatongawa i Pue ri siʼa ndatoʼo, “Yakumo Pue Ala Anu Makuasa, Pepoʼinayamo ri Yaku pai neʼe bali-bali nupawianaka pepokonoku.

Pilipi 2:15

Powiami ewanceʼe, komi mampatongawa kakominya waʼa ana i mPue Ala anu bereʼe posarinya, anu magali ri oyo ntau tuwu salapi seʼi anu majaʼa engkonya pai masalaa, mbolimo ri tempo ndipamparataka tau seʼe bambari anu da mawai katuwu, komi da ewa reme anu mampakareme lino seʼi,

Palaong mPomakau i mPue Yesu 24:16

Inceʼe puʼunya painaka kupari-pari kojo da naka magali rayaku ri Pue Ala pai ri tolino.

1 RAJA-RAJA 9:4

Ane nululu pura-pura waʼa ncongkaku ri kaliogu ndayamu pai mayoa siko ewa papamu i Daudi, pai mepoʼinaya siko ri waʼa mpadika pai waʼa ncongka-Ku,

1 Tesalonika 3:13

Ua ewanceʼe i Pue makuasa mampakaroso rayami, painaka da magali komi bereʼe posarinya ri suara mPue Ala Papata ri karata mPueta i Yesu Kerisitu sangkani-ngkani pai pura-pura waʼa ntau anu-A.

AYUBI 1:1

Ri tana Usi, tuwumo sambaʼa tuama i Ayubi toʼonya. Siʼa manyomba ri Pue Ala pai todo mepoʼinaya ri Sira. Siʼa madago raya pai bereʼe jaʼa napowia mau sakodi.

1 Yohanes 2:3

Ane mepoʼinaya kita ri waʼa ncongka i mPue Ala, inceʼe sambaʼa katongawanya kita maincani i Pue Ala.

2 Petrus 3:14

Inceʼe painaka ee waʼa ngkasangkompo anu kupomawo, ri tempo pampopeami Eo setu, ndipompari-mpari kojo da naka komi tuwu magali pai bereʼe posarinya ri suara mPue Ala. Ndikekeni maroso kadago mpokentami pai Pue Ala.

AYUBI 1:8

Nepa meoasi i Pue ndatoʼo, “Bara reʼemo nupampatomata watuaku i Ayubi? Ri sambawo lino bereʼe tau anu ewa siʼa katodonya pai kadago ndayanya. Siʼa manyomba ri Yaku pai bereʼe powianya anu majaʼa.”

1 Yohanes 3:7

Ee waʼa anaku, neʼe ndipokono da nalinguni ntau komi. Tau anu mawianaka pepokono i mPue Ala inceʼe ana mPue Ala, ewa i Kerisitu Ana mPue Ala.

1 Yohanes 2:29

Ndiincanimo, i Kerisitu tuwu malulu pepokono i mPue Ala. Inceʼe painaka komi woʼu da maincani, sambaʼa-sambaʼa anu tuwu malulu pepokono mPue Ala inceʼe ana mPue Ala.

Kolose 1:22

Paikanya wawaseʼi ua kapate Ana-A, i Pue Ala mampareʼe muni kadago mpokenta pai komi. Ua kaʼinceʼenya komi ndakeni ri suara mPue Ala ewa tau magali anu bereʼe posarinya.

2 Korintus 1:12

Maʼai kawongko ndaya mami maka malulu paepe ndaya mami – katuwu mami ri lino seʼi – pagonya kono pokenta mami pai komi – roomo kawianaka ri kabuya ndaya mami. Pura-pura setu kawianaka banya ua kaloʼe ntolino, paikanya pangkoto anu ungka ri Pue Ala.

1 Korintus 11:2

Kuunde komi ee waʼa ngkasangkompo maka bareʼe ndiowe-owe maendo yaku pai malulu waʼa ntotoraka anu roo kutoʼoka komi.

Palaong mPomakau i mPue Yesu 23:1

Nakomatasi i mPaulu waʼa Majalisi Agama nepa mompau siʼa natoʼo, “Waʼa ngkasangkompoku sandeme seʼi malulu paepe ndayaku bereʼe salaku ri Pue Ala ri raya ngkatuwuku.”

Masmur 119:6

Ane kukomatasi kojo pura-pura songka-Mi, yaku bareʼe da marata ea.

2 RAJA-RAJA 20:3

“Boo Pue, da ndiendomo kayakunya seʼi meʼuru ri Komi, todo ri kabuya ndayaku. Bareʼe kuowe-owe mampari-mpari malulu waʼa mpepokonomi.” Nepa tumangi i Sikia nakeni ngkapari ndayanya.

Pomulanya 6:9

Seʼimo tuntuka i Noho. Ananya tatogo paka tuama, inceʼemo i Semu, i Yapeti pai i Kamu. I Noho bareʼe mowia sala, pai podo siʼa tau anu madago ri tempo setu. Siʼa tuwu ri pokenta pai Pue Ala.

Lukas 16:15

Paikanya ndatoʼoka i Yesu tau seʼe, “Komimo waʼa ntau anu magasi mampetuju-tujuka kayoa ndayami ri tau, paikanya ndakita i mPue Ala rayami. Maka anu natoʼo ntolino ndateka, lauka ri suara i mPue Ala.

Ulang 5:33

Ndiwianakamo pura-pura anu ndasongka i mPue Ala puemi ri komi da naka uono pai todo komi ri tana anu da ndipeari.”

1 RAJA-RAJA 15:5

Inceʼe ndawianaka i mPue ua i Daudi anu mampakawongko raya-A. I Daudi bareʼe mampesaru-saru waʼa ncongka i mPue, banya mantoʼo powianya ri Uria to Heti setu.

Lukas 1:7

Paikanya tau seʼe bereʼe ananya i Elisabe tamana matuʼamo raduamo seʼe.

Lukas 2:25

Sindara setu lau ri Yerusale tau tuʼa sambaʼa i Simeo toʼonya. Siʼa sambaʼa tau meaya pai mampokaeka i Pue Ala, siʼa woʼu mampopea tempo da pancorepaka i mPue Ala to Isaraeli. Inosa mPue Ala mamponinika siʼa,

Palaong mPomakau i mPue Yesu 2:25

Kono ka i Yesunya natoʼomo i Daudi, ‘Bareʼe bali-bali kupangkita i Pue ri suaraku; Sira maaweri yaku da naka neʼe telengko rayaku mau nunjaa ntano anu da mewali.

Palaong mPomakau i mPue Yesu 8:21

Bareʼe sintempo siko da malulu tetala mami, maka bareʼe mayoa rayamu ri Pue Ala.

Roma 8:4

Ndawianaka i mPue Ala inceʼe naka kobangani waʼa anu ndapatada ri waʼa mpadika agama nto Yahudi setu da tepotaʼa ri katuwuta anu mepoʼinaya ri Inosa mPue Ala, banya anu malulu engko ngkatolinota.

2 Tawarikh 17:4

siʼa manyomba ri Pue Ala. Siʼa mepoʼinaya ri waʼa ncongka mPue Ala, pai katuwunya banya ewa waʼa mokole nto Isaraeli.