Lukas 1:51 - Sura Magali Nuntu Ngkatuwu

⁵¹ Pai pale-A anu makuasa, Sira mawuraga tau mekiunde pai maguretosi tangara ndaya ntau seʼe.

Tuntu i mPue ri Basa Taa

⁵¹ Yako ri palaong to inikaNya Ia roomo mampapokitaka to lino kuasaNya, pasi Ia roomo mangaga’a tau to pampobuuka ndayanya mangei.

Lukas 1:51 Referans Kwoze

Masmur 98:1

Linga. Pongayukamo ngayu anu dawoʼu tila i mPue, ua waʼa mpowia anu ndapojingki ndaya! Pai roso ngkuasa ngkalioa Sira mangaratamo penangi.

Yesaya 52:10

I mantujumo kakuasaa ri suara waʼa banca. Painaka sambawo lino da mangancabi katesorepaka ungka ri Pue Ala pueta.

Yesaya 51:9

Ndiponggalemo boo Pue, ndipelaemo kami, ndisorepakamo kami pai kuasami. Ndiponggalemo ewa iowi, ri tempo ndipalesaki i Rahabu pai majalo naga ntasi rantani mate.

Roma 1:21

Naincani ntolino i Pue Ala, paikanya bareʼe nabangkei Sira ewa Pue Ala, bareʼe montarima kase ri Sira Paikanya tau seʼe podo manawa-nawa anu bareʼe-reʼe yowenya; maka wanimo raya ntau seʼe.

DANIELI 4:37

Mewali seʼi-seʼi yaku, i Nebukanesa, maunde, mabangkei pai mampapeawa Datu Ncuruga. Pura-pura powia-A anu monco pai mayoa, pai Sira mangkoto mangkodisi tau anu mobangke-bangke.

Yesaya 63:12

Ri mbeʼimo i Pue anu maaweri i Musa pai palea anu makuasa, pai anu mabira ue ri suara ntau seʼe da naka toʼoa tebambari rantani masae-sae?

Yesaya 40:10

Peole, Pue Ala rata ri kuasa da mowia ri kabangke ngkuasa. Sira nayunuki waʼa ntau anu roo ndalapasaka.

Masmur 118:15

Pedongeka panggora mpenangi ri kema waʼa ntaua, “I Pue mawianaka powia anu makuasa!”

Masmur 89:10

Komi anu mangkuasai tasi anu moropo, pai mampakamanda balumba ndopo.

Pomulanya 6:5

Ndakita i mPue maʼaimo kojo kajaʼa waʼa ntau ri lino; pura-pura nawa-nawa ntau seʼe paka majaʼa.

Pangkita 18:8

Inceʼe puʼunya, painaka ri raya anu podo sandemeja siʼa napere rugi – juʼa, pari ndaya, pai kaoro. Pai siʼa da ndaʼombasi ri apu, maka ratamo temponya kuasa i mPue Ala anu da mangabotusi hukunya.”

1 Petrus 5:5

Ewanceʼe seʼe komi waʼa ntau mangura, komi da medonge ri waʼa ntau tuʼa. Komi da mombepakalauka raya, mombeporiokoi ri kalauka ndaya. Maka lau ndaʼuki ri Sura Magali, ewaseʼi, “I Pue Ala maewa tau anu mobangke-bangke, paikanya mampokapuru tau anu lauka rayanya.”

2 Korintus 10:5

pai maruasi waʼa bente mpobangke-bangke anu ndawangu da mangaewa kamonco i mPue Ala. Pai kaleʼo woʼu mangkuasai nawa-nawa waʼa ntau, mampapewali tau seʼe mepoʼinaya ri Kerisitu.

Masmur 89:13

Komimo anu mampapewali utara pai selata, Buyu nTabori pai Herimoni manggora-nggora maunde komi.

Masmur 63:5

Sangkarate ngkatuwuku kumaunde-unde Komi; kutora paleku mekakai ri Komi.

Masmur 52:9

“Setumo tau anu bareʼe metatondo ri Pue Ala, paikanya meonda ri kakoreʼenya anu gana-gana anu mampepali rodo ndaya ri aga-aga anu napamuru.”

Masmur 33:10

I Pue anu mangaompo tangara ndaya waʼa banca, Sira mampalisi tangara ndaya ntau seʼe.

Ulang 4:34

Bara da reʼe sambaʼa lamoa anu mangkoto da malapasaka banca ungka ri kuasa waʼa banca ntaninya anu maroso nepa napapewali sambaʼa banca anu da mewali taunya. Ewa anu ndapowia i mPue Ala puemi ri to Masiri ua komi? Ndikita ngkaliomi ewambeʼi i Pue Ala ua roso ngkuasa anu bangke mampareʼe pejeani pai poʼiwali pai mampareʼe waʼa tanda ngkuasa anu ndapojingki.

Posuwunya 18:11

Seʼi-seʼi manotomo ri rayaku i Pue anu ri wawo ungka ri pura-pura lamoa, maka pura-pura setu ndawianaka ri tempo mpobangke-bangke nto Masiri ri to Isaraeli.”

Pomulanya 8:21

Mawongi wau mpanyomba anu napanyombaka setu mampakawongko raya ri mPue, inceʼe pai ndapantoʼo ri raya-A, “Yaku bareʼemo da mantadeasi lino ua powia ntolino; maka kuincani ungka ri kamanguranya, nawa-nawa ntolino itu majaʼa. Yaku bareʼemo da reʼe da kupaʼopisaka waʼa anu moʼinosa ewa anu nepa roo pinca kuwianaka seʼi.

Pomulanya 11:8

Ewanceʼemo pampowia i mPue mampaka katebureka tau seʼe ri sambawo lino. Painaka napeʼontoka ntau seʼe mawangu kota setu.

Yeremia 49:15

I Pue anu mampapewali siko malente pai napetikodi ntau.