DANIELI 9:9 - Sura Magali Nuntu Ngkatuwu

⁹ Komi buke puru ndaya pai kapande ndaya, seʼi kami maewamo Komi.

DANIELI 9:9 Referans Kwoze

DANIELI 9:7

Boo Pue, powia-Mi sintinaja pai mayoa, paikanya kami bareʼe bali-bali mampareʼe ea mata ri koro mami, inceʼemo kami pura-pura anu meari ri Yudea, pai ri Yerusale pai pura-pura kami anu sambaʼa-mbaʼa banca anu ndiwuragamo ri suo-suo ntana anu lawa bara anu mosu ua tau seʼe bareʼe mepoʼinaya ri komi.

DANIELI 9:5

Kami masalaamo, kami mampowiamo jaʼa, pai mawianaka kasala. Kami maewamo pai malewamo songkami pai mebiamo ungka ri waʼa mpadika-Mi.

Masmur 86:15

Paikanya Komi boo Pue, Ala anu matowe pai pande mporaya, mayombu buke puru pai todo.

Masmur 130:7

Ndipetambusakamo ri Pue, ee waʼa ntau-A, maka towea bareʼe bali, toka mpaliu da moncorepaka.

Yeremia 14:7

Waʼa ntau-Ku meboo, ‘Pue, mau salaa mami anu mantuluri kami, paikanya ndipeolemo kami silulu pai janji-Mi. Papongkani-ngkanimo kapampalaika Komi; monco kojo kami salaamo ri Komi.

Masmur 130:4

Paikanya komi bareʼe mampepalisi salaa, da naka nakoto ntau mepoʼinaya.

Masmur 62:12

Reʼe bara tesangkuja ngkani kudonge i Pue Ala mompau ndatoʼo, kono kakuasa mopuʼu ungka ri Sira,

Yunus 4:2

Inceʼe painaka mekakai siʼa natoʼo, “Boo Pue, ara banya roomo kutoʼo owi ri kabareʼepanya malai yaku ungka ri banuaku, komi manoto da mowia ewanceʼi? Inceʼe puʼunya painaka yaku liu mpalai njoʼu ri Sipanyoli! Kuincani kakominya Pue Ala anu pande mporaya pai mapuru, mayombu raya, malulu raya, pai toka mpaliu mabalisaka rencana popahuku.

Yesaya 63:7

Yaku da mampobambarika towe i mPue pai maunde Sira ua waʼa mpowiaa. Ri gana-gananya Sira mangadonco waʼa ntau-A, ua Sira pande mporaya pai towea bereʼe kapusanya.

Yesaya 55:7

Mbolimo tau majaʼa mampatumoro muni katuwunya, pai mambalisaka jaya mponawa-nawanya. Tuarapa siʼa mewalili ri Pue, da naka narata kapuru ndaya. Mbolimo siʼa da mewalili ri Pue Ala pueta, maka podo ua kapande ndayaa i Pue bareʼemo mangkitanaka salaa.

YEHESIKIELI 20:13

Paikanya ri pada bone setu tau seʼe mangaewa Yaku. Tau seʼe mangalewa waʼa ncongka-Ku, pai bareʼe mantarima waʼa mpadikaku, anu mampakanoto, waʼa anu mepoʼinaya da tuwu. Pai maʼai napampakakarika ntau seʼe eo Umapo. Inceʼe painaka ri pada bone setu seʼe kamonconya Yaku tokamo da mampesuparika karau ndayaku ri tau seʼe pai mangaʼopisaka tau seʼe.

Masmur 86:5

Komi madago boo Pue, pai ndipokono bareʼemo mangkitanaka salaa, ntau anu mekakai ri Komi bareʼe bali-bali ndipampotowe, ri gori-gori ngkabangke ntowe.

NEHEMIA 9:31

Paikanya ua towemi anu bangke bereʼe kasiwianya, bareʼe Ndipalaika pai bareʼa Ndiropu tau seʼe, lawi Komimo Pue Ala anu bareʼe kasiwianya. Bangke ngkatowe ndaya pai pande mporaya!

DANIELI 9:6

Kami bareʼe mampedongeka waʼa nabi, waʼa mbatuami setu, anu mompaumo mamposabi toʼomi ri waʼa mokole mami, ri waʼa ntopombawanaka mami. Waʼa ntau piamo mami pai ri pura-pura banca mami.

DANIELI 9:8

Waʼa mokole mami, waʼa ntopombawanaka mami pai tau piamo mami mawianakamo waʼa anu mepakaea pai mowiamo salaa ri komi, boo Pue.

2 Samuel 24:14

Mesono i Daudi natoʼo, “Odee! Marugimo yaku! Paikanya ane da nahuku ntolino yaku, moruana kita pura-pura ndahuku i mPue. Maka Sira bangke kapuru ndayaa.”