DANIELI 9:8 - Sura Magali Nuntu Ngkatuwu

⁸ Waʼa mokole mami, waʼa ntopombawanaka mami pai tau piamo mami mawianakamo waʼa anu mepakaea pai mowiamo salaa ri komi, boo Pue.

DANIELI 9:8 Referans Kwoze

Ratapan 3:42

“Kami masalaa pai meewa ri Komi, Boo Pue, pai bareʼe ndiwai kabareʼenya ndikitanaka salaa.

Ratapan 1:18

Paikanya i Puemo anu monco, maka yaku malewamo songkaa. Ndipedongeka yaku ee waʼa banca, ndipeolemo yaku ri tongo ngkapari. Waʼa ntau manguraku tuama pai waʼa ndatawani, pai ndakeni ri kareʼe mpantaji.

Yeremia 14:20

Pue, podo ri Komi masalaamo kojo kami. Kapangakuka waʼa ncalaa mami pai ua salaa waʼa ntau piamo mami.

Ratapan 5:16

Kawongko ndaya mami bemoreʼe, kami marugi ua salaamo.

Yeremia 32:32

Ua waʼa jaʼa anu nawianaka nto Yahuda pai Yerusale sangkani pai waʼa mokole, waʼa ntopoparenta, tadu mpanyomba, pai waʼa nabi ntau seʼe.

YEHESIKIELI 16:63

Bareʼemo da kupepalisi pura-pura salaamu, paikanya siko bareʼemo da nukoto da mangangkalingani pai siko da maea matamu da mangantoʼo bara nunjaa-njaa. Yaku Pue Anu Ndate ri Peawanya anu mantoʼomo seʼi.”

DANIELI 9:9

Komi buke puru ndaya pai kapande ndaya, seʼi kami maewamo Komi.

2 RAJA-RAJA 21:15

Pura-pura setu da Kuwianaka ri waʼa ntau-Ku ua salaa ntau seʼe ri Yaku pai napangkelo-ngkelo karau ndaya-Ku montepuʼumo ungka ri tau piamonya ri pesuwunya ungka ri tana Masiri rantani rata ri eo-eo seʼi.”

2 Tawarikh 6:37

tuarapa Ndipedongeka pekakai ntau seʼe. Ane ri tana ntau setu naponcosoi ntau seʼe waʼa ncalaanya, pai mekakai tau seʼe mangaʼaku powia ntau seʼe anu majaʼa, Ndipedongeka Pue pekakai ntau seʼe.

NEHEMIA 1:6

Ndipetiromo kami boo Pue pai Ndipedongekamo pekakai anu kakeni ri suara-Mi ri reme pai ri wengi tila waʼa ntau-Mi to Isaraeli, waʼa mbatua-Mi setu. Kupangakuka ri Komi, to Isaraeli mampowiamo salaa! Yaku pai waʼa ngkai mami seʼe masalaamo ri suarami.

Yesaya 64:4

Bareʼepa reʼe anu madonge, pai bareʼepa reʼe anu mangkita ane banya Komi, bara reʼe lamoa ntaninya anu mowia, tila waʼa ntau anu meonda ri siʼa.

Yeremia 7:19

Paikanya, kamonconya banya Yaku anu napakajuʼa ntau seʼe, paikanya koro ntau seʼe ngkalionya painaka da maea mata ntau seʼe.

YEHESIKIELI 5:6

Paikanya Yerusale bareʼe malulu songkaku pai tongawa meruu ngkajaʼa ungka ri waʼa banca ntaninya, pai meruu ngkabareʼenya mepoʼinaya pai waʼa negara anu mantolilimi. Yerusale topelewa ri waʼa ncongkaku pai bareʼe mepoʼinaya ri waʼa mpadikaku.”