DANIELI 9:7 - Sura Magali Nuntu Ngkatuwu

⁷ Boo Pue, powia-Mi sintinaja pai mayoa, paikanya kami bareʼe bali-bali mampareʼe ea mata ri koro mami, inceʼemo kami pura-pura anu meari ri Yudea, pai ri Yerusale pai pura-pura kami anu sambaʼa-mbaʼa banca anu ndiwuragamo ri suo-suo ntana anu lawa bara anu mosu ua tau seʼe bareʼe mepoʼinaya ri komi.

DANIELI 9:7 Referans Kwoze

DANIELI 9:14

Komi, boo Pue Ala pue mami, mangahukumo kami pai kapepa anu lawi ndipakanotomo; powiami sintinaja pai mayoa, paikanya kami bareʼe mampedongeka oni ngangami.

DANIELI 9:8

Waʼa mokole mami, waʼa ntopombawanaka mami pai tau piamo mami mawianakamo waʼa anu mepakaea pai mowiamo salaa ri komi, boo Pue.

Yeremia 3:25

Mewali, mbolimo kami mangkoyo ea mata pai mbolimo kami ndapetikodi. Maka komi pai waʼa ntau piamo mami masalaamo ri Pue Ala pue mami, pai bereʼe papoʼinaya mami ri waʼa ncongkami”

Masmur 44:15

Kami ndipapewali totowa mpetieli waʼa banca; tau seʼe mampontala-ntala mbibika kami pai napetikodi.

Ulang 4:27

Komi da tetila-tila ri oyo waʼa banca anu ntaninya, pai jamo santila koni anu da tuwu.

Roma 6:21

Ri sindara setu nunjaamo rasi anu ndirata ri waʼa mpowia anu wawaseʼi maeamo matami mampowia? Waʼa mpowia setu podo mangkeni kapate!

AMOSI 9:9

Yaku da mampapesuwu songka, pai da mangantapi banca Isaraeli da ewa tau mantapi wea ri raya duku. Da mantapi anu bareʼe moyowe ungka ri oyo ntau seʼe, Yaku da mawuraga tau seʼe ri oyo waʼa banca.

YEHESIKIELI 36:31

Komi da tekaendo ri waʼa mpoʼengkomi anu majaʼa pai powiami anu bareʼe sintinaja setu, nepa da ndiwali mpakakarika muni koromi ngkaliomi ua waʼa ncalaa pai kakarikami setu.

YEHESIKIELI 16:63

Bareʼemo da kupepalisi pura-pura salaamu, paikanya siko bareʼemo da nukoto da mangangkalingani pai siko da maea matamu da mangantoʼo bara nunjaa-njaa. Yaku Pue Anu Ndate ri Peawanya anu mantoʼomo seʼi.”

Yeremia 24:9

Yaku da mampakarugi tau seʼe rantani pura-pura banca ri lino seʼi da maekanya. Ri mbeʼi ntano kupawuraga tau seʼe, tau seʼe da ndapetieli, da mewali anu ndapopogeleka pai ndapanggeoni. Toʼo ntau seʼe da mewali ewa parumbasa mpetadeasi.

Yeremia 12:1

“Ane yaku maore kara-karaku ri suarami, boo Pue, sangaya-ngaya da tongawa kakominya anu monco. Paikanya da rayaku mampeoasi ri komi kono kasintimba: Wenu painaka tau majaʼa gana-gana katuwunya? Wenu painaka tau anu bareʼe mayoa inceʼe anu morasi?

Yesaya 45:16

Pura-pura tau anu mantaʼa turuki lamoa; ndapakaea pai ndapetikodi.

Yesaya 11:11

Ri eo setu i Pue sangkani woʼu da mantuju kuasaa pai da mangkeni mpewalili yabi waʼa ntaua ri tana nto Asuri pai to Masiri, ri waʼa lemba nto Patarosi, Sudani pai Elami, ri Babeli, Hamati pai waʼa ntogongi anu lawa.

Masmur 119:137

Komi mayoa boo Pue, pura-pura padika-Mi monco.

Masmur 51:14

Ndipakawongko muni rayaku ua poncorepaka ungka ri Komi, ndipakayuʼu rayaku da mepoʼinaya ri Komi.

Masmur 51:4

Ndipapayamo waʼa ngkajaʼaku; ndipakagalimo yaku ungka ri waʼa ncalaaku.

NEHEMIA 9:33

Powia-Mi mayoa, ndihuku kami anu masalaa; Komi todo mau kami maria posarinya.

ESIRA 9:13

Masalaamo kami ri Komi maewamo waʼa mpadikami pai ndihukumo kami. Paikanya kaincani boo Pue Ala pue mami popahuku anu ndipapakoyoka kami setu mangaʼa gaga ane ndapasintolio pai salaa anu kawianaka, pai ntongo ndisorepaka woʼu kami.

Ulang 32:4

I Pue topompelaemu anu maroso pai makaliki, powia mpalea tumumpu pai jayaa mayoa. Pue Ala puemu todo, bareʼe da reʼe kakuranya ri Sira, Sira anu mawianaka anu madago pai monco.

ESIRA 9:15

Boo Pue Ala pue nto Isaraeli, Komi mayoa, paikanya mau ewanceʼe ntongo ndipatuwu kami. Kapangakuka salaa mami ri Komi; bereʼe pangkoto ri kami da mancuara Komi.”

Yeremia 23:6

Ane moparentamo seʼi, to Yahuda da tesorepaka, pai to Isaraeli da tuwu ri kaʼuononya. Mokole setu da ndatoʼo, ‘I Pue Katesorepakata.’

Yeremia 33:16

To Yahuda pai bangani Yerusale da ndasorepaka pai da maʼuono katuwunya. Kota Yerusale da ndapapotoʼo, ‘I Pue to poncorepakata.’

YEHESIKIELI 6:12

Tau seʼe pura-pura da mangaepe ponggale ngkarau ndaya-Ku. Waʼa ntau anu lawa ri kareʼe pantawani da majuʼa pai mate; anu mosu da mate ri poʼiwali, pai yabinya da mate yoga.

DANIELI 9:18

Ndipedongeka kami boo Pue Ala, ndipeolemo kami, pai ndipetiromo kapari ndaya mami sangkani pai kagero ngkota anu ndatoʼo pai toʼomi. Kami mekakai ri komi banya ua kadago mpowia mami, paikanya ua kakominya buke pai kapande ndaya.

Yeremia 4:17

pai da mangalimbu ncape Yerusale ewa tau majaga jamaa. Pura-pura setu mewali ua banca Yahuda meewamo ri Pue. I Pue anu mompaumo seʼi.

Yeremia 7:19

Paikanya, kamonconya banya Yaku anu napakajuʼa ntau seʼe, paikanya koro ntau seʼe ngkalionya painaka da maea mata ntau seʼe.

Yeremia 32:32

Ua waʼa jaʼa anu nawianaka nto Yahuda pai Yerusale sangkani pai waʼa mokole, waʼa ntopoparenta, tadu mpanyomba, pai waʼa nabi ntau seʼe.

YEHESIKIELI 5:10

Tau tuʼa da mangkoni ananya ngkalionya pai ananggodi da mangkoni tau tuʼanya. Ewanceʼemo da kupangahuku tau seʼe, pai anu ntongo tuwupa da kuwuraga ri mbeʼi-mbeʼi ntano.