DANIELI 9:6 - Sura Magali Nuntu Ngkatuwu

⁶ Kami bareʼe mampedongeka waʼa nabi, waʼa mbatuami setu, anu mompaumo mamposabi toʼomi ri waʼa mokole mami, ri waʼa ntopombawanaka mami. Waʼa ntau piamo mami pai ri pura-pura banca mami.

DANIELI 9:6 Referans Kwoze

DANIELI 9:10

Kami bareʼe mampedongeka oni ngangami, boo Pue Ala pue mami, ri tempo ndapampokau kami da mangalulu waʼa mpadikami anu ndiwaimo ri kami mampoliu waʼa nabi, waʼa mbatuami setu.

NEHEMIA 9:34

Waʼa ngkai mami, mokole, tadu mpanyomba pai waʼa ntau loʼe maewa padika-Mi pai bareʼe malinga waʼa ncongka pai peseko anu Nditoʼoka tau seʼe, bareʼe napedongeka pai bareʼe nalinga.

ESIRA 9:7

Montepuʼu ungka ri tau piamo mami nakarataka kami wawaseʼi, kami waʼa ntaumi masalaa ri Komi. Inceʼe puʼunya painaka kami, pai waʼa mokole sangkani pai waʼa ntadu mpanyomba mami nanangimo waʼa mokole anu mencua. Napepate kami napamuru waʼa aga-aga mami, nakeni kami mewali tawani. Kami ndapasinggiri ri gori ngkajaʼanya ewa katedikanaka mami sandeme seʼi.

Palaong mPomakau i mPue Yesu 13:27

Maka waʼa ntau anu meari ri Yerusale pai waʼa ntopombawanaka ntau seʼe ka-Siranyamo toponcorepaka setu. Tau seʼe bareʼe narata ndaya pompaguru waʼa nabi anu ndabasa sangkani-sangkani eo Umapo, painaka nahuku ntau seʼe i Yesu. Paikanya ua powia ntau seʼe anu ewanceʼe, mampapopuʼumo kakobanganinya nunjaa anu napowatika waʼa nabi.

Matius 23:37

“Oo, Yerusale, Yerusale! Waʼa nabi nupepate. Waʼa ncuro mPue Ala nuwunu mbatu rantani mate. Bara sangkuja ngkanimo da raya-Ku mampasingkandomu waʼa ntaumu ewa indo manu mantumodosi ananya ri ara mpaninya, paikanya bareʼe nupokono!

Yeremia 44:16

“Bareʼe kapokono mampedongeka nunjaa anu nutoʼo mamposabi toʼo i mPue.

Yeremia 29:19

Pura-pura setu da mewali ri tau seʼe maka tau seʼe bareʼe bali-bali maewa totoraka anu kuparataka tau seʼe, mampoliu waʼa nabi watuaku setu. Tau seʼe bareʼe napokono mampedongeka nuntu-Ku setu.

Yeremia 26:5

Komi woʼu sangaya-ngaya da mampedongeka nunjaa anu natoʼo waʼa mbatuaku waʼa nabi anu bareʼe bali-bali kupokau ri komi. Paikanya komi bareʼe ndipokono mampedongeka tau seʼe.

Yeremia 7:13

Maubara popangkani-ngkani Yaku mompau ri komi, bareʼe ndipokono mampedongeka. Komi mawianaka pura-pura salaa setu pai bareʼe ndipokono mesono ane kupeboo.

NEHEMIA 9:32

Boo, Pue Ala pue mami anu maroso! Pue Ala anu bangke pai bereʼe kasiwianya! Ua katodomi ndikekeni mpaliu janji-Mi; waʼa janji-Mi Ndibangani pai Ndiwia-naka. Montepuʼu ungka ri tempo mpajeani mokole nto Asuri kami, rantani wawaseʼi maria kapari anu kaepe. Waʼa mokole mami, tadu mpanyomba, nabi pai waʼa ntau loʼe, ewanceʼe seʼe waʼa ngkai mami pai waʼa ntau sondo maepemo pari pura-pura. Neʼe Ndikalingani waʼa ngkapari setu! Neʼe boi Ndikalingani!

2 Tawarikh 33:10

Ndaseko i mPue i Manase pai waʼa mpalilinya, paikanya bareʼe napedongeka ntau seʼe.

2 RAJA-RAJA 18:12

Kanawu ngkota Samaria inceʼe mopuʼu ri kabareʼenya mepoʼinaya to Isaraeli ri Pue, Pue Ala pue ntau seʼe. Tau seʼe malewamo janji anu ndapareʼe i mPue pai tau seʼe, tau seʼe mancapu pura-pura songka watua-A i Musa. Bareʼe napokono ntau seʼe mampedongeka pai bareʼe napokono malulu.

DANIELI 9:9

Komi buke puru ndaya pai kapande ndaya, seʼi kami maewamo Komi.

NEHEMIA 9:30

Santaʼu-santaʼu ri kayombu ndaya-Mi ndipatiendo tau seʼe; mampoliu waʼa nabi, Inosami mompau ri tau seʼe. Paikanya nadampo waʼa ntau-Mi setu talinganya painaka Ndipepombaika ri waʼa banca ri sambawo lino.

Yeremia 7:24

Paikanya tau seʼe bareʼe napokono mampedongeka pai bareʼe naparindaya. Tau seʼe jamalulu pepokono ndayanya ngkalionya anu mapeni pai majaʼa setu. Tau seʼe banya mewali madago paikanya mewali maʼai ngkajaʼanya.