DANIELI 9:5 - Sura Magali Nuntu Ngkatuwu

⁵ Kami masalaamo, kami mampowiamo jaʼa, pai mawianaka kasala. Kami maewamo pai malewamo songkami pai mebiamo ungka ri waʼa mpadika-Mi.

DANIELI 9:5 Referans Kwoze

MALEAKI 3:7

Ewa waʼa ntau piamomi owi, komi malewamo waʼa mpadikaku pai bareʼe todo mawianaka. Ndipewalilimo ri Yaku, da naka Yaku woʼu mewalili ri komi. Paikanya komi meoasi nditoʼo, ‘Nunjaa anu da kawianaka da mewalili ri Komi?’

DANIELI 9:11

Pura-pura to Isaraeli malewamo waʼa mpadikami pai bareʼe napokono mampedongeka oni ngangami. Kami masalaamo ri komi, inceʼe painaka ndipapakoyoka kami puloru anu teʼuki ri raya ncura i Musa, watuami setu.

DANIELI 9:15

Boo Pue, Pue Ala pue mami, komi mantujumo kuasami ri ndipangangkeni mpesuwu taumi ungka ri tana Masiri, pai kuasami setu bareʼe ndakalingani. Kami masalaamo pai mampowia kasala.

Masmur 106:6

Kami masalaamo ewa waʼa ntau tuʼa mami, kami mampowiamo jaʼa pai mobangke-bangke.

Ibrani 3:12

Ee waʼa ngkasangkompo, da ndiendo-endoka neʼe boi reʼe sambaʼa tau ri oyomi anu ewanceʼe kajaʼa mponawa-nawanya, pai bareʼe meaya painaka siʼa metorobaka mampalaika i Pue Ala anu tuwu!

Hosea 1:2

Ri tempo anu kaʼisa ngkaninya i Pue mompau ri Banca Isaraeli mampoliu yaku, ndatoʼo i mPue, “Hosea, porongomo pai sambaʼa weʼa anu bareʼe tumoro pai waʼa anamu woʼu da mewali ewa siʼa seʼe. Waʼa ntau-Ku siwia pai poʼengko ndongomu setu; tau seʼe bareʼe todo ri Yaku pai mampalaika Yaku.”

YEHESIKIELI 6:9

njairia tau seʼe da tuwu ri kareʼe pantawani. Nepa da kono naendo ntau seʼe Yaku pai da narata ndayamo kayakunya anu mangahuku pai mampakakapuru raya tau seʼe maka tau seʼe betodo ri yaku. Nepa da napokarika ngkalionya koronya ua waʼa jaʼa pai kakarika anu roo nawianaka ntau seʼe.

Ratapan 1:20

Oo, Pue! ndipetiromo yaku, mapari pai lingu rayaku, malesa ua kapaleparuku i owi. Ri yae njaya reʼe pompepate Ri raya banua reʼe kapate.

Yeremia 14:7

Waʼa ntau-Ku meboo, ‘Pue, mau salaa mami anu mantuluri kami, paikanya ndipeolemo kami silulu pai janji-Mi. Papongkani-ngkanimo kapampalaika Komi; monco kojo kami salaamo ri Komi.

Masmur 18:21

I Pue masili powiaku anu monco; Sira madonco yaku maka yaku bareʼe masala.

Yeremia 3:25

Mewali, mbolimo kami mangkoyo ea mata pai mbolimo kami ndapetikodi. Maka komi pai waʼa ntau piamo mami masalaamo ri Pue Ala pue mami, pai bereʼe papoʼinaya mami ri waʼa ncongkami”

Yesaya 59:13

Kami melewamo pai meewa ri Pue, pai bareʼe kapokono malulu Pue Ala pue mami. Kami majeanimo tau ntaninya pai mangajaʼatimo; nawa-nawa mami lingu, pai waʼa mpau mami podo mbamba.

Yesaya 53:6

Kita pura-pura lingu ewa bimba, sambaʼa-sambaʼa seʼe mampepali jayanya ngkalionya. I Pue mampapakoyokamo siʼa kajaʼata kita pura-pura.

Masmur 119:102

Bareʼe kusapu padika-Mi, maka Komi anu mampaguru yaku.

ESIRA 9:6

“Boo Pue Ala pueku, maea mataku da mawangutaka woʼoku ri suarami. Salaa mami mowawo-wawo ri wawo mboʼo mami rantani sawi ri yangi.

Masmur 119:176

Yaku lingu ewa bimba anu tetaji, ndikaratamo, ndipepalimo yaku watua-Mi seʼi, maka yaku bareʼe malewa waʼa ncongka-Mi.

Yeremia 44:3

Inceʼe tepewali ua waʼa ntau banganinya masalaa, mangkelo-ngkelo karau ndayaku. Tau seʼe mampanyombaka panyomba pai manyomba ri waʼa lamoa anu bareʼepa reʼe napampanyomba ntau seʼe ngkalionya, komi bara waʼa ntau piamomi.

Ratapan 1:18

Paikanya i Puemo anu monco, maka yaku malewamo songkaa. Ndipedongeka yaku ee waʼa banca, ndipeolemo yaku ri tongo ngkapari. Waʼa ntau manguraku tuama pai waʼa ndatawani, pai ndakeni ri kareʼe mpantaji.

Ratapan 3:42

“Kami masalaa pai meewa ri Komi, Boo Pue, pai bareʼe ndiwai kabareʼenya ndikitanaka salaa.

DANIELI 9:9

Komi buke puru ndaya pai kapande ndaya, seʼi kami maewamo Komi.

2 RAJA-RAJA 18:12

Kanawu ngkota Samaria inceʼe mopuʼu ri kabareʼenya mepoʼinaya to Isaraeli ri Pue, Pue Ala pue ntau seʼe. Tau seʼe malewamo janji anu ndapareʼe i mPue pai tau seʼe, tau seʼe mancapu pura-pura songka watua-A i Musa. Bareʼe napokono ntau seʼe mampedongeka pai bareʼe napokono malulu.

2 RAJA-RAJA 21:15

Pura-pura setu da Kuwianaka ri waʼa ntau-Ku ua salaa ntau seʼe ri Yaku pai napangkelo-ngkelo karau ndaya-Ku montepuʼumo ungka ri tau piamonya ri pesuwunya ungka ri tana Masiri rantani rata ri eo-eo seʼi.”

Yesaya 64:4

Bareʼepa reʼe anu madonge, pai bareʼepa reʼe anu mangkita ane banya Komi, bara reʼe lamoa ntaninya anu mowia, tila waʼa ntau anu meonda ri siʼa.

Yeremia 14:20

Pue, podo ri Komi masalaamo kojo kami. Kapangakuka waʼa ncalaa mami pai ua salaa waʼa ntau piamo mami.

Yeremia 30:14

Pura-pura tau anu ndipomawo mangkalinganimo komi; bareʼemo napokono ntau seʼe manawa-nawa komi. Ewa iwali da kupangaungkumo pai kupangahukumo komi ri kaparinya, ua kariamo ncalaami pai kabangkemo ncalami.

YEHESIKIELI 5:6

Paikanya Yerusale bareʼe malulu songkaku pai tongawa meruu ngkajaʼa ungka ri waʼa banca ntaninya, pai meruu ngkabareʼenya mepoʼinaya pai waʼa negara anu mantolilimi. Yerusale topelewa ri waʼa ncongkaku pai bareʼe mepoʼinaya ri waʼa mpadikaku.”