DANIELI 9:4 - Sura Magali Nuntu Ngkatuwu

⁴ Mpengaya-ngaya salaa bancaku kupangakuka ri Pue Ala pueku. Kutoʼo, “Pue Ala, Komi bangke, pai kami mantubunaka Komi. Bareʼe bali-bali ndipangabangani janji-Mi pai mampatongawa kapande ndayami anu bareʼe kapuranya ri tau anu mampotowe komi pai anu mangawianaka nunjaa anu ndipesongkaka.

DANIELI 9:4 Referans Kwoze

Roma 8:28

Taincani i Pue Ala anu madedewaka mpengaya-ngaya anu da mampareʼe dago tila ntau anu mampotowe Sira, anu roo ndapeboo malulu pepokono-A.

Posuwunya 20:6

Paikanya Yaku mampatongawa towe-Ku ri moncowu-ncowu lapi waʼa ntau anu mampotowe Yaku pai mapoʼinaya ri songka-Ku.

Ulang 5:10

Paikanya Yaku da mantuju kapande ndayaku ri moncowu-ncowu lapi tau ri waʼa ntau anu mampomawo Yaku pai mepoʼinaya ri songkaku.

2 Tawarikh 7:14

ungka lairia waʼa ntau-Ku anu mancabi toʼo-Ku setu mampalaika powia ntau seʼe anu majaʼa, ungka ri suruga da kupedongeka pekakai ntau seʼe. Bareʼemo da kukitanaka waʼa salaa ntau seʼe, nepa da kupagana-gana muni katuwu ntau seʼe.

NEHEMIA 9:32

Boo, Pue Ala pue mami anu maroso! Pue Ala anu bangke pai bereʼe kasiwianya! Ua katodomi ndikekeni mpaliu janji-Mi; waʼa janji-Mi Ndibangani pai Ndiwia-naka. Montepuʼu ungka ri tempo mpajeani mokole nto Asuri kami, rantani wawaseʼi maria kapari anu kaepe. Waʼa mokole mami, tadu mpanyomba, nabi pai waʼa ntau loʼe, ewanceʼe seʼe waʼa ngkai mami pai waʼa ntau sondo maepemo pari pura-pura. Neʼe Ndikalingani waʼa ngkapari setu! Neʼe boi Ndikalingani!

Ulang 7:9

Neʼe ndikalingani i Pue Ala puemi podo Sira Pue Ala pai Sira Pue Ala anu todo. I Pue mabangani janjia pai mampatongawa katowe ndaya anu bareʼe bali rantani sancowu lapi tau ri tau anu mampotowe Sira pai mepoʼinaya ri waʼa ncongkaa.

1 RAJA-RAJA 8:23

natoʼo, “Boo Pue, Pue Ala pue nto Isaraeli! Ri wawo yangi pai ri wawo lino seʼi bereʼe anu da mangkasiwiaka komi! Komi mangabangani janjimi pai ndipatongawamo ndipampotowe waʼa ntaumi anu todo pai mepoʼinaya ri kaliogu ndayanya ri komi.

Masmur 32:5

Ungka lairia kupangakuka salaaku ri Komi, kasalaku bereʼe anu kusambunika. Kubotusi ri rayaku da mampangakuka ri Komi, painaka bareʼemo ndikitanaka waʼa ncalaaku.

Ulang 7:21

Mewali, neʼe boi ndipokaeka waʼa banca setu. I Pue Ala puemi da mangkariani komi. Sira inceʼemo Pue Ala anu bangke pai ndapokaeka.

Yakobus 2:5

Neʼe ndikalingani, ee waʼa ngkasangkompo anu kupotowe! Waʼa ntau anu ndatoʼo kaasi-asi pai meaya ri lino seʼi, inceʼe anu ndapilisi i mPue Ala mewali tau koreʼe ri peaya ndaya. Waʼa ntau seʼe anu da mampotumpu poparenta anu ndajanji mPue Ala ri waʼa ntau anu mampotowe Sira.

Yakobus 1:12

Yontomo kalindo ndaya ntau anu todo ri peaya ndaya ri sindara naparata pompebutuka. Maka ri karoonya narata pompebutuka seʼe siʼa da marata saronya, inceʼemo katuwu anu ndajanji i mPue Ala ri waʼa ntau anu mampotowe Pue Ala.

Lukas 1:72

Mampatongawa kapurundaya-A ri tau piamota, janji-A anu magali setu sangaya-ngaya da ndabangani.

Yeremia 3:13

Pangakukamo kasikonya masala, pai meewamo ri Pue Ala, puemu. Pangakukamo kasikonya manyombamo ri waʼa lamoa banca ntaninya ri wungka-wungka ara mpuʼu ngkaju anu moko-moko iranya pai bareʼe mepoʼinaya ri waʼa ncongka-Ku, Yaku Pue anu mompaumo seʼi.”

NEHEMIA 1:5

“Boo Pue Ala anu makuasa ri suruga. Komi Pue Ala Anu Bangke. Ri kakandende-ndende mami kami mancuara komi. Komi todo mangkekeni janjimi ri waʼa ntau anu mampotowe komi pai mepoʼinaya ri songkami.

ESIRA 10:1

Ntongo pekakai i Ezra seʼi motumangi siʼa mampangakuka salaa ri suara Banua i mPue, maria kojo to Isaraeli anu mompasambaka madago tuama, weʼa pai ananggodi. Tau seʼe mantolilimi i Ezra seʼi motumagi, marimbo oni nganga ntau seʼe.

DANIELI 6:10

Inceʼe painaka nadika i Datu Dariusi bate mpalenya ri sura parenta setu.

DANIELI 9:3

Nepa mekakai yaku rikaliogu ndayaku ri Pue Ala, merapi kapuru ndayaa. Yaku woʼu mopuasa pai mampake rengko karu nepa kumotunda ri awu.

Ulang 7:12

“Ane ndiparindaya waʼa ncongka setu, pai timama ndipawianaka, i Pue Ala puemi woʼu todo mangkekeni janjia anu ndapareʼe pai komi. Sira da mantuju kapuru ndaya anu bareʼe bali-bali ri komi, ewa anu ndajanji ri waʼa ntau piamomi.

Yeremia 32:23

Paikanya ri karata ntau seʼe ri tana seʼi, pai ri pampotundasi ntau seʼe tana seʼi, tau seʼe bareʼe mepoʼinaya ri waʼa ncongka-Mi, pai bareʼe tuwu silulu pai waʼa mpatadami. Pura-pura anu ndipesongkaka ri tau seʼe, bereʼe mau sangaya anu nawianaka ntau seʼe. Inceʼe painaka ndipapapereka tau seʼe waʼa ngkapari seʼi.