DANIELI 9:3 - Sura Magali Nuntu Ngkatuwu

³ Nepa mekakai yaku rikaliogu ndayaku ri Pue Ala, merapi kapuru ndayaa. Yaku woʼu mopuasa pai mampake rengko karu nepa kumotunda ri awu.

DANIELI 9:3 Referans Kwoze

Yeremia 33:3

“Peboomo ri Yaku, da kusono peboomu, nepa da kutoʼoka siko mempangaya-ngaya anu meawa pai ndipojingki anu bareʼepa nuincani.

SETERI 4:16

“Pasambakamo pura-pura to Yahudi anu reʼe ri kota Susani seʼi mampekakaika yaku. Tau seʼe neʼe mangkoni bara manginu togo ndeme togo mbengi. Yaku woʼu pai waʼa anaweʼa anu mamporiokoi yaku da mopuasa. Roo setu yaku da njoʼu mancuara i datu, mau powiaku setu malumpaʼi unda-unda. Ane inceʼemo wereku mbolimo yaku mate.”

ESIRA 9:5

Sindara pawianaka panyomba ri ngkinowia, meoko yaku ungka ri potunda-tundaku ri kapari ndayaku, sangkani rengkoku anu masia setu kumombukotu pai kumekangkabe ri Pue Ala pueku, mompau yaku kutoʼo,

ESIRA 10:6

Karoonya montando koro tau seʼe, njoʼumo i Esra ri suara Banua i mPue, mesua siʼa ri kareʼe mpeari i Yohanani ana i Eliyasi sambengi siʼa njairia. Bareʼe napokono mangkoni bara manginu, nakeni ngkapari ndayanya manawa-nawa powia waʼa ntau anu mewalili ungka ri pantawani.

ESIRA 8:21

Nepa ri wingke ngKoro Ahawa itu kupantoʼoka tau seʼe pura-pura sangaya-ngaya da mopuasa pai da mampakalauka koronya ri suara i mPue Ala, kami mekakai da naka i Pue Ala da mangkariani kami ri raya mpelinja setu pai da mawawanaka kami pai waʼa ana mami sangkani pai waʼa aga-aga mami.

Palaong mPomakau i mPue Yesu 10:30

Mesono i Koroneli natoʼo, “Tatogo ndeme liu sindara yaku mekakai tinti tatogo tepile reme ri banuaku, tingkarasaka mekakore sambaʼa tuama ri suaraku. Rengkonya makilaya.

Lukas 2:37

tempo setu i Hana bembamo, uayu mpuyu pai aopo ntaʼumo tinuwunya. Bareʼe napalaika Banua i mPue. Ri wengi pai ri reme siʼa njau manyomba ri Pue Ala mekakai pai mopuasa.

YOELI 2:12

Ndatoʼo i mPue, “Paikanya seʼi-seʼi, ndipewalilimo ri Yaku ri kaliogu ndayami, ndipopuasa, ndipokukuou pai ndipotumangi.

YOELI 1:13

Ee waʼa ntadu mpanyomba anu mamporiokoi lampaʼani, porengkokamo karu pai potumangimo. Pesuamo ri raya Banua i mPue, da motumangi sambangi muntu, maka bareʼemo da reʼe anggoro mpanyomba pai gandu da ndapanyombaka ri Pue Ala puemu.

YEHESIKIELI 36:37

I Pue Anu Ndate ri Peawanya mantoʼo, “Ee banca Isaraeli, Kuwai muni tempo ri komi maya merapi tulungi ri Yaku, da kurangani imbami ewa dompu bimba.

Masmur 35:13

Sindara ngkajuʼa ntau seʼe, masusa rayaku pai bareʼe mangkoni; yaku metutu mekakai.

DANIELI 6:10

Inceʼe painaka nadika i Datu Dariusi bate mpalenya ri sura parenta setu.

NEHEMIA 9:1

Ri rua mpuyu pai aopo eo mbuya setu seʼe, mompasambakamo waʼa nto Isaraeli. Tau seʼe mopuasa mampatongawa poncosoi ndaya ntau seʼe ua waʼa ncalaanya.

Yesaya 22:12

Sindara setu i Pue Anu Ndate ri Peawanya pai Makuasa mampokau komi motumangi pai mokukuou, mangkou wuyua pai mamporengko karu.

DANIELI 9:4

Mpengaya-ngaya salaa bancaku kupangakuka ri Pue Ala pueku. Kutoʼo, “Pue Ala, Komi bangke, pai kami mantubunaka Komi. Bareʼe bali-bali ndipangabangani janji-Mi pai mampatongawa kapande ndayami anu bareʼe kapuranya ri tau anu mampotowe komi pai anu mangawianaka nunjaa anu ndipesongkaka.

DANIELI 9:20

Yaku mekakai mpaliu pai mangaʼaku kasalaaku pai salaa bancaku Isaraeli, seʼi merapi ri Pue Ala pueku da naka mawali wangu banuaa anu magali.

Yunus 3:5

Naaya waʼa ntau ri Niniwe nuntu i mPue setu. Nabotusi ntau seʼe pura-pura da mopuasa, pai pura-pura tau kodi bangke, da mamporengko karu mampatongawa tau seʼe mamponcosoi waʼa ncalaanya.

2 Samuel 12:16

Inceʼe painaka mekakai i Daudi nerapi puru ri Pue da naka osa ananggodi setu. Mopuasa siʼa pai sambengi-sambengi siʼa moturu-turu ri joia lincu ngkayorenya.

AYUBI 42:6

Inceʼe painaka maea mataku mangaendo waʼa mpauku ua poncosoi ndayaku, kumotunda ri tana pai ri awu.”

Matius 17:21

Paikanya inosa majaʼa anu sangaya seʼi nepa da ndakoto mairi sangadi roso mpekakai pai popuasa.]”